биһиги тылбытыгар биир тыл
санаа  -    750
суолтата икки иҥин буолар.Со5ор олус көрүдьүөс ба5айы эбит.Арыы,хаас,ыт,үрүмэ уонна ханнык тыллар баалларый.
Ответов 8 Написать ответ
  • Кэбуки
    21 сентября 2011  

    "тыл" диэн эмиэ

    "на масле брови сидят" диэн баар этэ ))

    0
  • бас хатарар
    21 сентября 2011  

    итинник араас суолталаах тыл элбэх

    сперва ты собака, а потом я заплачу

    0
    • туналы
      21 сентября 2011  

      ити - омонимнар.

      саха тыла баайын, имигэһин көрдөрөллөр. Бүтүн поэманы айбыт холобурдара баар (Иван Арбита "Долгуннар")

      0
  • Тюмюк
    22 сентября 2011  

    .

    нучча тылыгар омонимнар суох курдук этэ5ит. нуччалыыга омонимнар ёссё элбэхтэр, ону таьынан омонима да суох нучча тылыгар ханнык эмит тыл элбэх ёдёблээх буолар.

    0
  • Кэбуки
    23 сентября 2011  

    өссө

    өс,ис, быһыы,бүк, сиэл...

    0
  • Ураанхай Саха
    2 апреля  

    Ким эмит омонимнарда суруйун эрэ

    0
  • Сахастрелец
    25 мая  

    кыратык быһа тардаммын тугу суруммуппуттан угуум манна, сыыһа - халты баар буолуон сөп

    Ис – ынайбыт ис, уута ис, хааман ис.
    Испит – ууну испит, испит ыарыйда, сирэйэ испит.
    Иһит – болҕойон иһит, мас иһит.
    Иһиэххэ – үлэлээн иһиэххэ, уута иһиэххэ.

    Кир – кир – хах, уҥуохта кир.
    Күл – оһох күлэ, күл да күл буолума эрэ.
    Күлүмэ – күн күлүмэ, дьону күлүмэ.
    Күлүмэн – күлүмэн – үөрүмэн, күлүмэн ыстаата.
    Күн – сарсыҥҥы күн, чаҕылхай күн.
    Күрүө – күрүө – хаһаа, мантан сотору күрүө ол киһи.
    Кур – курданар кур, кур от.
    Кут – кут - сүр, уута кут.
    Кута – бадараан сир, оборчо, киһи кута - сүрэ.
    Кэбиһэр – от кэбиһэр, умнан кэбиһэр, илин – кэлин кэбиһэр.
    Кэһии – сокуону кэһии, оҕобор кэһии.
    Кэрдии – маһы кэрдии, кэм – кэрдии.
    Кэрэтэ – айылҕа кэрэтэ, эмиийин кэрэтэ.
    Кэрэх – кэрэх мас, истиэн эрэ кэрэх.
    Кэрэҕэр – сэттэ сир кэрэҕэр үҥэммин баҕардым эн нарын кэрэҕэр.
    Кэтиэҕим – бэргэһэбин кэтиэҕим, кэлэр суолгар кэтиэҕим.
    Кыраһа - саҥа түспүт кыраһа, сылдьымыахха кыраһа.
    Кыс –маста кыс, кыс хаар.
    Кыһый – кыһый – абар, кыһый ыраастаа.
    Кырыыгын – тоҕо дьону кырыыгын мүлүрүт дуу кырыыгын
    Кырыйа – кумааҕыны кырыйа, кырыйа көтөр, алааһы кырыйа бар.
    Кыыһаҕын – намыын саха кыыһаҕын, имниин тэтэрэ кыыһаҕын.
    Кыһаллар – кыһаллар мүһэллэр аҕай, маһы кыһаллар.
    Көр – көр – нар, көр – иһит.
    Көс – мантан көс, сахалыы кээмэй.
    Көлүйэ – кыракый көлүйэ, аты көлүйэ, көлөһүннээн көлүйэ.
    Көмүс – үрүҥ көмүс, иини көмүс.
    Көстөрү – ыраах көстөрү көр, сүүһүнэн көстөрү уҥуордаан.
    Көтөр – туруйа көтөр халлааҥҥа көтөр.
    Көтөх – сылайдым көтөх эрэ, көтөх, ырыган эт, биир көтөх мас.

    Оҕус – сирэйгэ оҕус, атыыр оҕус, кэлэ оҕус.
    Ой – ой дуораана, ой – ыстан.
    Олох - саҥа олох, олох мас, умнубаппын олох.

    Сабыы – хаартыга биир сабыы, быыс сабыы, ынаҕы сабыы, ааны сабыы
    Саҕата – сон саҕата, сах саҕата, тыа саҕата.
    Сап – баайар сап, ааны сап.
    Саас – сандал саас, эдэр саас.
    Сааһынан – саас сааһынан кэпсээ, биэс уон сааһынан эҕэрдэ, эдэр сааһынан, сандал сааһынан
    Сайын – кураан сайын, үүн - сайын.
    Саҥа – сабыс саҥа, сахалыы саҥа.
    Салаа – биир салаа от, уоскун салаа, өрүс уҥа салаата.
    Сатанан – санаабытын сатанан истин, буурҕалаах сатанан сатарыыр.
    Сиик – сарсыардааҥҥы сиик, таҥас сиигэ.
    Сиэл – сылгы сиэлэ, сиэллэрэн айаннаа.
    Сиэн – оҕон оҕото, сиэн – аһаан бүтэрбит
    Сиэт – уокка сиэт, илиибиттэн сиэт.
    Симии – симэ угуу, киэргэтэ симии сырыт.
    Сир – хара сир, сөбүлээбэккэ дьэ сир.
    Сис – киһи сиһэ, сис тыа.
    Ситии – ситии быа, ситии – хотуу, сырсан ситии
    Ситэр – эккирэтэн ситэр, үлэҕин ситэр.
    Сирдии – инники сирдии сырыт, сибэккилээх сирдии кэрэ.
    Солуур – биэдэрэ, суолу солуур.
    Сото – атах сотото, быылы сото сырыт.
    Сорунан – эрэйинэн - сорунан, сорунан туран сордоото.
    Сууллар – сууллар - охтор, бу таҥас тымныы ууга сууллар
    Суор - хара суор, маһы суор.
    Сыыс – бөх – сыыс, табыма, сыыс.
    Сыт – амырыын сыт, сынньанан сыт.
    Сыттанан – сыттыкпын сыттанан, арыгы сыттанан.
    Сэргэ - ат баайар сэргэ, дьон – сэргэ, хаамсабыт сэргэ.
    Сүүс – сүүс ахсаан, киһүи сүүһэ.
    Сүгэ – мас кэрдэр сүгэ, рюкзаккын сүгэ сырыт.
    Сүһүөх – уҥуох сүһүөҕэ, тыл сүһүөҕэ.
    Сүрүн - аата сүрүн, сүрүн темата, кутун – сүрүн.
    Сүктэр – сүктэр кыыс, таһаҕаскын дьоҥҥо сүктэр.

    0
  • Сахастрелец
    19 июля  

    Уйбаан Арбыыта - Долгуннар - омонимнарынан поэматыттан быһа тардыы

    Тымныйбыт сүрэхпин, түөстэрбин
    Мин халлаан уотунан сиэтэбин,
    Сир-дойду сиксигин түөстэрбин
    Сүүс сылы тэһииннээн сиэтэбин.

    Оттон эн – сэттэ сир кэрэҕэр
    Кэрдиллэ кэлбэтэх барахсан!
    Баҕардым эн дьикти кэрэҕэр
    Бар дьоннуун бырасыай барахсан.

    Эн дьылҕаҥ силбэһэр ситиитэ
    Сирэм күөх ньаассынтан өрүллэр,
    Таптаһар кэм кэлэн ситиитэ
    Кистэлэҥ чувстваҥ өр үллэр.

    Ол таптал охторо түһэннэр
    Эн уоттаах сүрэххин кэйэллэр,
    Имэҥнэр мунньуста түһэннэр
    Имнэриҥ тыргылла кэйэллэр.

    Биһиги тааһынан тапталлар
    Биэрэги кэрийэн испиппит,
    Мичээрдиир эйэҕэс тапталлар
    Минньигэс мүөттэрин испиппит.

    Биһиэхэ кынаттаах тыл баара,
    Санаабыт үрдүккэ көтөрө,
    Халлааҥҥа тырымныы тылбаара
    Ыллыыра күн айыы көтөрө.

    Таалалыыр талахха таарыйан
    Дьапталҕа таастарга киирбиппит;
    Тапталбыт өһүөнүн таарыйан
    Тапсыбат санааҕа киирбиппит.

    Ардыгар дьол тускул түөрэҕин
    Дьоло суох өттүнэн кээһэҕин.
    Кыайбаккын төһүүнэн түөрэҕин,
    Билбэккин кэннигэр кээһэҕин.

    Киһи сүүс көһүнэн быыһанар
    Тус-туспа майгылаах-быһыылаах;
    Атыҥҥа бэйэттэн быыһанар
    Адьаһын кыайтарбат быһыылаах.

    Киниэхэ хайгыыра - сирэрэ
    Уустуга суох түргэн буолара,
    Бэрт чугас биир хардыы сир эрэ
    Куоскаттан тиигир кыыл буолара.

    Суох буолла кэмчиэрбит быһыыта –
    Мин толло, дьиксинэ барабын.
    Кэпсээтэ: «Кэм кэллэ, быһыыта,
    Бырастыы, атыҥҥа барабын!..»

    Бараҕын… Мин эмиэ барыаҕым…
    Илиигин ыл түөспэр уур, атаар…
    Ахтаммын күдэхпин барыаҕым…
    Ааттаһыа диир тылгын ууратаар!

    Сарсыарда тыргыл күн ойуута
    Тапталбыт тымныйан хаалбыта,
    Күөх биэрэк дьэрэкээн ойуута
    Ыраатан кэннибэр хаалбыта.

    Күөх түүнтэн уһуктан турууга
    Көрүстүм көтөрдөр үөрдэрин –
    Тураҕас туруйам «турууга»
    Тууйуллар сүрэхпин үөрдэрин!

    Атын тыл абыгар түбэһэн,
    Атыҥна санааҕын уур, астын –
    Туспа сир туйгуна түбэһэн
    Эйигин кытары уурастын.

    Иккиһин көссүһэ кэл, этиэм
    Эргийбэт арахсыы туһунан;
    Олуурдаах тылбынан кэлэтиэм –
    Ол аата суолбут тус-туһунан.

    Эн – таптал муҥутуур Кыыһаҕын,
    Мин - кырыыс төрөппүт Уолабын,
    Эн – күннүү күндээрэ кыыһаҕын,
    Оттон мин – күүгэннии уолабын.

    0
Ответ на тему: биһиги тылбытыгар биир тыл
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания