2 года на форуме Топ пользователь 1000 просмотров Все
Награды
2 года на форуме
2 года на форуме
Топ пользователь
Топ пользователь
1000 просмотров
1000 просмотров
Омоним. Хоһооҥҥо холонуу.
29 августа 2012 21:09   3565
Чэ, киирэн кыттыһан иһиҥ. Кэтэһэбит.
Добавить баннер на эту площадку! →
Ответов 263 Написать ответ
  • Кружево
    Кружево 29 августа 2012  

    Мин этиилээх киирэн олоробун.

    Балаҕан ыйын 10 күнүгэр диэри, хас биирдии кыттааччыттан итинник омонимнарынан рифмаламмыт биирдии хоһоону күүтэбин.Ыксаабакка, иэйиигит киирэрин кэтээн, чочуйан баран киллэрээриҥ. Ким баҕалаах бары кыттар. Сааһынан хааччаҕа суох. Уһулуччу үчүгэй хоһоону хайдах быһыылаахтык талабытый? Ким туох этиилээҕий? Кыайбыт киһиэхэ телефонугар 500 солкуобайы угуом. Кыра диэн мыынымаҥ)))

    0
  • blMblbl
    blMblbl 29 августа 2012  

    Бэт дии,ону ол кыайар биллибэт.

    Биир эрэ хоһоону дуо?Элбэхтэн биири талабыт дуу?

    0
  • Чаачар
    Чаачар 29 августа 2012  

    Олус бэрт эбит. Иккистээбит киһиэхэ түөрт мөһөөгү угабын.

    Син барыгылдьытан өйдөөтүм ирдэбилин. Кээмэйэ тэҥ буолуохтаах(сүһүөҕүн ахсаана)дэгэтэ(рифма)сурулара биир гынан баран атын суолталаах тыллар(ононим)буолуохтаахтар.
    Кыра холобур аҕалар буоллахха:

    Сарсыарда туруйа хаһыытын
    Халааммыт хайыта тыыппата,
    Тиэргэммэр оҥкучах хаһыытын
    Тохтотто мин тылым тыыппата.

    Бу биллэн турар судургута бэрт холобур.

    Мэйиини мискийэргэ үчүгэй сорудах эбит. Чэ кытаатыҥ кытарчы көрүҥ!

    Куруһубаҕа этэбин: мин оттон наһаа киирсибэт инибин? Көннөрү саатар киир-тахса күөртээччиннэн сылдьыам этэ...

    0
    • Чаачар
      Чаачар 30 августа 2012  

      Эмиэ судургу соҕус холобур:

      Сибэкки дьөрбөтүн сыттааммын
      Сөбүлүү санаатым быһыылаах,
      КҮөх отум сыттыгын сыттааммын
      Сытыаҕым сытыары быһыылаах.

      0
    • оксиокси
      оксиокси 16 апреля 2016  

      Чаачар, онкучах хаьыыта диэн тугу эттин ити.

      0
  • ЫМЫЫ 30 августа 2012  

    Чаачар тоҕо киирбэккин.Жюри буолаҕын дуо?

    Барыта дьахталлар диэн сирэҕин дуу?Биһиги да суруйар инибит ээ,кыргыттаар.Эр дьон куттанан кутуйах хороонун кэҥэтэ олордунар.

    0
    • Чаачар
      Чаачар 30 августа 2012  

      Хаччылаах буоллун ээ...

      Ол гынан баран, ити сорудах төбө имитиитин ирдиир буолан өссө күүстээх интэриэһи(азарт)үөскэтэр.Ол онтуката дьону тардыа дии саныыбын.Бааһынайдаатым баалаамаҥ. Оттон Одьунааһы Тимирхааны ыҥыртыахха,мин пагердаталаан этиэм.Сахастрелец,Ыпсарар ,Кытыы Саха,Кырбый кыырт...Чэ элбэхтэр эр дьон өттүн мин мунньа сатыам.
      Дьахталлары бэйэҕит мунньуҥ... :-))))

      0
  • Кружево
    Кружево 30 августа 2012  

    Хоһоон

    ис хоһоонунан да, форма (тас көстүүтүнэн)да өттүнэн да эҥкилэ суох буолуохтаах))) Дьүүллүүр сүбэни талабыт дуу, ааҕар дьон сөбүлээбитин талар дуу? Этиилэргитин суруйуҥ.

    0
  • Чаачар
    Чаачар 30 августа 2012  

    Жюри иҥин буолбатахпын

    Көннөрү күртээччи эрэ быһыытынан киирэн, идэбинэн күөртээн биэриэххэ.
    Холобура маннык буолбатах.

    Бу дойдуну тумнубакка
    Хоһооҥҥутун хостооруҥ,
    Ирдэбилин умнубакка
    Барыларын хотооруҥ.

    Бу манна омоним ирдэбилэ тутуһуллубата...

    0
    • Чаачар
      Чаачар 30 августа 2012  

      Бу холобурга ис хоһооно суох (безликий)

      Халлаанынан көтөр суор
      эргичиҥниир өрүүтүн,
      Эн дьэ маскын бүгүн суор
      Умнума чэйиҥ өрүүтүн.

      манна биллэн турар омоним тутуһулунна...Ол гынан баран туһата суох.
      Онон манныкка эмиэ үлүһүйэ сатаамаҥ.

      Ис хоһооно дьэҥкэ буолуохтаах.

      0
  • Сахастрелец
    Сахастрелец 30 августа 2012  

    Нууччалыы буолуон сэп дуо?

    Возвращайся скорее, люблю, целую!
    В эту эту страшную ночь темную
    Жду тебя невридимую, целую
    Если что - поймаю, устрою темную!

    0
    • Чаачар
      Чаачар 30 августа 2012  

      Киирэн кыттыспыккар махтал!Нууччалыыттан холобур эрэ ылыахха сөп

      Ол гынан баран, ирдэбил быһыытынан, барыта сахалыы буолуохтаах.

      0
      • Чаачар
        Чаачар 30 августа 2012  

        Саха тылыгар атылыы (омоним)тыл баһаам ээ...

        Холобура: сап(иистэнэр)(ааны),сүүр(беги)(балыктыыр тэрил)...Салгыы төһө баҕарар хостуу туруохха сөп. Онон түүлээх холбукаҕытын имиттэ түһүҥ.

        Быйыл кэллэ дьикти саас
        Көтөн ааста хоҥор хаас,
        Төннөн кэллэ эдэр саас
        Түрдэс гынна хаҥас хаас.

        Солуута суох соҕус да буоллар, атылыы тыл(омоним) ирдэбилэ күүскэ тутуһулунна.
        Дьэ ити айылаах этэн биэрии кэннэ түүлээххитин талкылаан биэриҥ:-))

        0
        • Чаачар
          Чаачар 30 августа 2012  

          Чэ саатар ис хоһооно маннык курдук барсыа.

          Бүгүн уу куттар уһаатым
          Туолла ууннан дьэ саҥа,
          Онно күнү быһа уһаатым
          Сиэним кыыкынаан таһаарда саҥа:

          -"Эһээ бардыбыт арыыга
          Онно баар чугуун иһит,
          Алаадьы буһарыахпыт арыыга
          Эн мин этэрбин эрэ иһит".

          Сылдьыахпыт суоҕа онно өр
          Эн эрдэ онно бара оҕус
          Тиийэн отууга чэйгин өр
          Онно тиийиэҕэ атыыр оҕус.

          0
  • ЫМЫЫ 31 августа 2012  

    Чаачарга

    Ыксатыма,кэтэһэ түс.Хоһооҥҥо да тахсыаҕа түс.Ырыаҕа ылланыа дьоллоох түс.

    0
    • Чаачар
      Чаачар 31 августа 2012  

      .

      Мин бүгүн санааҕа ыллардым
      Ардахпыт тохтообот быһыылаах,
      Ол иһин мин соммун ыллардым
      Ардахха кэтиллэр быһыылаах.

      Эмиэ ойдум, киэһэ им сүтүүтэ киириэм.

      0
  • Сахастрелец
    Сахастрелец 31 августа 2012  

    Барсар дуо, маннык?

    Сылдьабыт балыктыы өрүскэ
    Сынньанан ылабыт арыыга
    Инсэ да ки7игин, өрускэ
    Балыкта ыһаар дуу, арыыга

    Сыччыый, бу балык аата: Бил
    Хамсатыма дуу эн хааскын
    Көр, үөрэн, барытын бил!
    Ургуө5ум өлөрбут эн хааскын

    Ньургуһуннаах кэрэ саас
    Умнуллубат о5о саас!

    0
    • Кружево
      Кружево 31 августа 2012  

      Барсар, Сахастрелец)))

      Кыттыан ба5алаах дьон истиитигэр: Хоһоонноргутун суруйаргытыгар тема диэҥҥэ "Күөн күрэс" диэн бэлиэтээриҥ эрэ, бука диэн. Сахастрелец, бу хоһооҥҥунан кыттаҕын дуо? Биллэрээр.

      0
  • blMblbl
    blMblbl 31 августа 2012  

    Эйиэхэ аныыбын.Күрэххэ киирбэт..

    Кэрэ ырбаахы кэтиэм
    Кэлэр суолгар кэтиэм
    Санныгар илиибин ууруом
    Сэрэнэн оргууйдук ууруом
    Тулабыт умнуллуо олох
    Туолуоҕа дьолунан олох
    Тырымныы тыгыаҕа күммүт
    Түргэнник ааһыаҕа күммүт

    -1
    • Муора
      Муора 31 августа 2012  

      Туох да ааттаах хоьоон буолбаат!

      Күрэххэ киллэрдэргин, бастыҥнары кытта аа-дьуо анньыьыа эбээт.

      0
    • хатын25
      хатын25 19 октября 2016  

      blMblbl, Нравится диэри атыны баттаатым. Олус үчүгэйдик айыллыбыт. Иэйии да баар, омоним да баар, форма да баар

      0
  • Сахастрелец
    Сахастрелец 31 августа 2012  

    Элбэхтэн биири талбаккыт дуо?

    Кэтэһиэм, кэһиибин ууруо5ум.
    Кэллэргин, нарыннык ууруо5ум
    КэтэҺэн куннэрбин барыа5ым
    Ыксааммын утары барыа5ым
    Ытыырбын мин испэр хаалыа5ым
    Сайыһан, аймана хаалыа5ым
    Кэлиий дуу, танарам, мин ымыым,
    Тапталым, ырыалаах мин ымыым!

    0
  • ЫМЫЫ 31 августа 2012  

    Сахастрелецкэ.

    Бэрт дии.Итинник, иэйиилээх хоһооннору сөбүлүүбүн.

    0
  • ЫМЫЫ 31 августа 2012  

    Күрэххэ киирэрэ дуу?

    Сибэкки кэриэтэ,эн тылын,
    Үүнүөҕэ,үрдүөҕэ,кэрэкэ тылын.
    Үрдүккэ көтүттүн эйиигин тылын,
    Күннүү күлүмнэт сахабыт тылын.

    Ууга көстөр дьирбии талаан,
    Буолан дьиримнээ дьикти талаан.
    Эйиигин булбут,өрөгөй талаан-
    Ырыаҕар саспыт улахан талаан.

    Саханы айхаллаан ыллаа,эн уолан
    Уоскуйан уостума,эн уолан
    Сатарыы тарҕаныа саҥа
    Сахалыы уруйдуур саҥа


    Тылдьыкка суруллубут.1.Талаан- идэҕэ уһулуччулаах дьоҕур 2.Туохха эмэ табыллыы сатаныы.Уоннааҕыта өйдөнөр ини.

    0
  • Кэбуки
    Кэбуки 31 августа 2012  

    оо, бары бэркэ да сорудаҕынан хоһоон суруйаҕыт )))

    өссө хоһуйан иһин, мин дуоһуйа ааҕыам, миэхэ кыаллыбат эбит.

    0
  • Сыр5ан
    Сыр5ан 31 августа 2012  

    Куруһуба Куо

    Хараҥа түүн саба халыйан иһэр,сүрэх эрэнэр,кэтэһэр.
    Эйиэхэ оҥорбут бааһым хабылла иһэр,оспот,сэтэрэр.
    Дууһам кыланар,аһыы утах иһэр,кини иирэр,итирэр.

    Ыйытыым эйигиттэн,тыгыа дуо?чаҕылхай күн,
    Күһүҥҥү,саппаҕырбыт былыттаах күн.

    Өҥ туттарым бу,суох манна,
    Кустук курдук,эгэлгэ өҥ.
    Баһыллыбат өҥ быйаҥ.

    0
  • blMblbl
    blMblbl 31 августа 2012  

    Кэбуки оонньообуппуттан кыыһырыма.:)

    Хоһооммун сэҥээрбит Кэбуки эрэ
    Сөбүлээн ааҕыа дуо кини эрэ:)

    Наар тыл көрдүү сылдьар буолан хаалбыппын:)

    0
    • Чаачар
      Чаачар 31 августа 2012  

      Ол аата ирдэбили өйдөөбүккүн :-)))

      0
      • Чаачар
        Чаачар 31 августа 2012  

        Үтүө киэһэ бука барыгытыгар!

        Оргууй сыттык сыттанан
        Орон диэҥҥэ оҕуттум,
        Одьукулуон сыттанан
        Ойон тура оҕустум :-)))

        Манна баар сыыһаны таайаарыҥ.


        Салгыы барабыт:

        Сарсын үөрэх күнүгэр
        Оскуолаҕа барыахпыт
        Ыраас халлаан күнүгэр
        Сэниэбитин барыахпыт...

        0
  • Амыдай
    Амыдай 1 сентября 2012  

    Мин эмиэ дьээбэрэн көрүүм дуу

    Саас-сааһынан сааһыланан
    Сайыммыт кыһыны батыһар
    Саас сааһынан ааҕынан
    Сааһырыы аартыгын батабын.

    Төһө да сыыһыта ыттарбын
    Сааһыппын дэнэбин ардыгар
    Сороҕор сыһыыга ыттарбын
    Куобахтар сүүрэллэр дуу диибин.

    Мин аҕам табаахтыыр бэйэтэ
    Умунна быһыыта кыдьыгын,
    Уһуннук да манаата кустары
    Табаахтыыр бэйэтэ таппата.
    Кыыһырбыт быһыынан кынчыатыыр:
    “Бараахтыы бараахтыы бараахтыы турбакка
    Эн тугу одуулаан тураҕын?
    Тураахтыы сахсайан тураахтаама,
    Бараҥҥын тураахтаа эбэтэр
    Саас ааһар бараахтыы бараахтаа”

    0
    • Чаачар
      Чаачар 1 сентября 2012  

      Хата Амыдай өй укта ээ..:-)))

      Мин үөһэ хайаҕа ыттарбын
      Көрбөттөр ини эрдэһит дьон-сэргэ,
      Ол онно таһаарыам ыттарбын
      Үрдүгэр туруоруом биир сэргэ,
      Сарсыарда кустары ыттарбын,
      Илдьэн ууруом хаастарбын сэргэ-?

      Холобурга барсара эрэ???

      0
  • Сахастрелец
    Сахастрелец 1 сентября 2012  

    Тугу эрэ соччото суо5у айдым быһыылаах.

    Нарыннык куустуһан иһиэххэ
    Куөспутун кыттыһан өруөххэ
    Тапталбыт ута5ын иһиэххэ
    Олохпут оһуорун өруөххэ

    Ыалдьыппыт дуоһуйа аһыа5а,
    Ааммытын астына аһыа5а
    Сэгэрбин махтанан ууруо5ум
    Илиибин санныгар ууруо5ум.

    0
  • Нууралдьыйа
    Нууралдьыйа 1 сентября 2012  

    Куруһуба кыыска махтал бэртээхэй күөн күрэххэр!

    Миэхэ сүрэхтэппит сахалыы ааккын ханна бырахтыҥ диэн ыйытыы үөскээтэ))) Сирэн кэбистиҥ дуу?
    Бэйи, эрчиллэ таарыйа маннык холонон көрүүм дуу:

    Турдум ханан уубун,
    Истим ыраас уубун,
    Күлүмнээн күн да күн,
    Бүгүн эмиэ куйаас күн!

    Барыам хата отоннуу,
    Баһыам баһаам быйаҥы,
    Ыаҕайабын толоруом,
    Былааммын толоруом!

    0
    • Кружево
      Кружево 1 сентября 2012  

      Нууралдьыйа, эйигин көрөн үөрдэхпин.

      Сүтэристэхпит диэн хомойо саныы сылдьыбытым. Бүгүн, кырдьык үчүгэй күн үүммүт эбит. Иккис сүтүкпүн буллум))) Үлэбэр ойдум. Эн биллэр буолаар. Сарыада киэһэ киирэ сылдьыа)))

      0
    • Чаачар
      Чаачар 1 сентября 2012  

      Һоок! Нууралдьыйаны көрбөтөҕүм ыраатта...

      Эрчиллэ таарыйа суруйбут хоһооно
      Аҕарга барсыыһык ис хоһооно
      Мин этиэм маннык өс хоһооно:
      "Нууралдьыйа кырдьык тыл хоһууна" :-))))

      0
      • Чаачар
        Чаачар 1 сентября 2012  

        .

        Сарыаданы сах саҕатыттан
        Харахтаабатах ыраатта
        Кыһын кэтэр саҕатыттан
        Харбаабатах ыраатта :-)))

        0
  • Кружево
    Кружево 1 сентября 2012  

    Ыалдьыттарбар

    махталым муҥура суох. Өссө да хоһоонноргутун киллэртии туруҥ. Хас да хоһоонтон талыҥ диэн этиилэр кииртэлээбиттэр эбит. Ону, ылынабыт.

    0
  • Нууралдьыйа
    Нууралдьыйа 1 сентября 2012  

    Куруһуба, дорообо, эн үөрбүккүттэн хата бэйэм эмиэ үөрдүм)))

    Бу дьиэҕэ хаһан эмэ син-биир киириэм диэн сахалыы аат булунан, хаһааммытым, ол кэмим тиийэн кэллэ. Манна олохтоохтук оҥостон ордууланар санаалаах көһөн кэллим, доҕоттор)))
    Мастыйа быһыытыйбыт мэйиибитин имитэ сылдьарбыт тоҕоостоох буоллаҕа. Онно бу күрэх эмиэ туһалыа турдаҕа. Мин кыаҕым кыратын билинэр буолан, киирсибэтэрбин да көннөрү тугу өйүм тобулбутун хайдах баарынан суруйан көрөрүм дуу диэн санаалаахпын)))
    Чаачарга эҕэрдэ уонна махтал!

    0
  • Кэбуки
    Кэбуки 1 сентября 2012  

    Дьүөгэм умнуган эрин саҥарбытыттан санаа :

    Дьахтар кэттэ илин кэбиһэрин,
    Кэргэнигэр санатта ханнык күнүн.
    Билэр ээ, эрэ умнан кэбиһэрин
    Бу ыал буолбут бэлиэ күнүн.

    Эр киһи умса сытар хамсатын эргиттэ:
    "Хайа, доҕоор, номнуо үбүлүөй ? !"
    Санаатыгар элбэҕи эргиттэ:
    "Аны кэлэн ким ону үбүлүөй ?! "

    0
    • Ырыачай 1 сентября 2012  

      Сир аьын муцатыныыта Бэйэбин бэйэм мин аьынабын: Сир аьара сиппит аьынабын-- Ким да сэцээрбэт аьынабын, Кей чиэрбэ уен сиэх аьынабын.

      Ис-испэр туоххаьыйыы аьыыта Туолар, сиэхтии-аьыахтыы аьыта, Кехсубун куоттарбытым аьыыта Кеенньерер амырыыннык аьыта...

      0
      • Ырыачай.Салгыыта 1 сентября 2012  

        Кыс хаарым быыьыттан отоннуу Халтай наар кэтэьэ кыыьабын: Ким хаамыай кыьынын отоннуу? Мин-- кырыыс хам ылбыт кыыьабын.

        Арай кыстыыр ырыа чыычаах аараан, Уссэнэн абыранаахтыа, ба5ардар: Сурэ5им иэйиинэн бу уораан-аараан Сиртэн кинилиин дайыахпын ба5ардар!

        0
        • Амыдай
          Амыдай 1 сентября 2012  

          Вегетарианец буолбатахпын

          Солуурга толору
          Моонньоҕон хомуйуом кэриэтин
          Солуурга бэлэммин
          Моонньоҕон моойдорун кэриигэ

          0
  • Кырбый кыырт 1 сентября 2012  

    Чаачар, махтал, ыҥырбыккар...

    Киирдим, көрдүм, аахтым уонна олус сөхтүм. Бу омонимынан суруйар сүдү талаан, тулуур, көрдөөһүн наада ээ. Олох талаан баһаам эбит, адьас Арбитаны санаттыгыт, кини барыта омонимынан суруллубут 30-ча хоһоонноох. Суох, мин кыайыа суохпун, кыттыбаппын, үөрэ, сөҕө, долгуйа ааҕыам эрэ. Ол эрэн биир холонуу баар, табыллыбатах этэ.

    Үрэҕи уҥуордуур талаһа
    Кытылтан кытылга тайаммыт,
    Бу мантан сүүрүгү талаһа
    Субуллуо биһиги айаммыт.

    Дьулуһан тус хоту барыахпыт
    Үрэхпит үөстэрин тутаммыт,
    Бэрт үгүс күннэри барыахпыт
    Ырабыт муоһатын тутаммыт.

    Уон араас моһолу ааһыахпыт
    Санаабыт күүстэрин түмэммит,
    Саҕахпыт сабыытын аһаммыт
    Кэмнэри урутуу түһэммит.

    Бу Сиидэ диэн хоһоон баар саҕаланыыта барсар салгыыта обычнай:
    Бөөлүүн түспүт кыраһа
    Оһуор бэрдин сатаабыт,
    Онтун тыаллыын кыраһа
    Харыстаһа сатаабыт.

    Эбэтэр:
    Имик-самык ый тыгар
    Хаһыҥ сиигин инчитэ
    Ону ылан киэр тыгар
    Хара санаа иччитэ

    Сырдык диэни билиммэт
    Иччи дьулаан анала,
    Кустук дьураа иилиммэт
    Кини дьэбир аҥала.

    Чэ, ити курдук. Манна да Чаачар бесподобный. Эн тылы бэрийэр, талар талааҥҥар сүгүрүйэбин.

    1
  • Нууралдьыйа
    Нууралдьыйа 1 сентября 2012  

    Эмиэ көннөрү холонуу

    От бөҕөтүн оттоон,
    Күрүөҕэр кэбис,
    Кыстыкка хаһаанан,
    Кэккэлэтэн кэбис.

    Оттуур да эрэйдээх,
    Олус диэн сылаалаах,
    Оттон сүөһү эрэйдээх
    Дьылы этэҥҥэ туоруохтаах.

    1
  • ЫМЫЫ 1 сентября 2012  

    Көр-күлүү

    Сиэркилэҕэ көрүннүм,уой да уой
    Сынньана сытаммын ,уой да уой:)

    0
  • ЫМЫЫ 1 сентября 2012  

    Көр-күлүү

    Сиэркилэҕэ көрүннүм,уой да уой
    Сынньана сытаммын ,уой да уой:)

    * * *
    Кыракый кыысчаан Аалла,
    Атаахтаан аҕатын аалла,
    _Бэлэхтээ,миэхэ көтөр аалла.

    * * *

    Ыалым уола Үстүүн,
    Кэлбит бүгүн үстүүн,
    Уруоккун үөрэт үс түүн.

    0
  • Кырбый кыырт 1 сентября 2012  

    Куруһуба, Чаачар эһиги бириистэргит кэннилэриттэн кэлэр миэстэҕэ бириис олохтуубун

    Кимиэхэ да аныырым на мое усмотрение, көрүҥүн, сууматын бэйэм аныыбын. Бу күрэх кэнниттэн Куруһубалаах, Чаачар аны поэмаҕа күрэх ыытыахтара диэн эрэнэбин. Поэма Абыталыы буолуохтаах. Холобур:
    Дар-дар дарбыйан
    Өтүйэм дирбийэр,
    Тиҥ-тиҥ тиҥийэн
    Куоратым тибийэр.
    Бу олус дириҥ ис хоһоонноох строкалары Саха ол кэминээҕи суруйааччылара, поэттара поэманан билиммиттэрэ. Хайдаҕый. Чаачар ол ыытыллар күрэс поэмаларын дьүүллүүр бөлөх тэринэн сууттуо дии саныыбын. Чаачар достойнай.

    1
  • blMblbl
    blMblbl 1 сентября 2012  

    Эчи ырааҕа,онус этэ дуу?

    0
  • blMblbl
    blMblbl 1 сентября 2012  

    Чаачар эрэ достойнай?атыттар?хоһоон хостуур хопполор.

    0
  • blMblbl
    blMblbl 2 сентября 2012  

    Оҕобун оскуолаҕа атаарабын.

    Түргэнник аһаа,ыстаан,
    Өтүүктэнэн бэлэм ыстаан.
    Бэйэн да ыксаабытыҥ сүр,
    Куотан хаалыах курдук сүр.
    Тура түс халлаан, ылаар,
    Кэлин да ардаан ылаар.
    Бүгүн үөрэнэр күҥҥүт,
    Үөрдүн көттүн тэҥҥэ,күҥҥүт

    0
  • Сабыйа-баатыр
    Сабыйа-баатыр 2 сентября 2012  

    1

    Бүгүн үлэттэн өрүөххэ
    Кыыспыт баттаҕын өрүөххэ
    Хааһыны кыратык тардыахха
    Ол кэннэ кытыыга тардыахха

    0
  • Сарыада_
    Сарыада_ 2 сентября 2012  

    Куруһубабын.

    Ымыы, онуска, онуска дылы этэ. Тэһийимээри гынныҥ дуу?))) Тылларын-өстөрүн чочуйдуннар, кыттыһар киһи элбээтин диэн соруйан өр кэтэһиннэрэбин. Хоһоонноргутун аахтым. Элбээн эрэргит үөрдэр. Кыттыспыт дьоҥҥо махтанабын.

    0
  • ЫМЫЫ 2 сентября 2012  

    Үөрэнии

    Тимир акка үөрэнэн,
    Түргэнник көтүттүн үөрэн эн.
    Сэрэнэн аргыыйдык тэбээр,
    Кэлээт да таҥаскын тэбээр.
    Суол үчүгэй"арыылаах сыыр,"
    Иннигэр көстөр үрдүк сыыр.
    Көтүттүн эн ыппыт охтуу,
    Кэтэспит онно күүскэ охтуу.
    Токуруйбут көнө сүрүн,
    Хомойон хоҥкуйбут сүрүн,
    Куттаннаҕын да, эчи сүрүн.
    Ытаама мэ, ис уута,
    Тохтуоҕа хараҕын уута.
    Охтубут отун үөрэ,
    Үүнүөҕэ өссө да үөрэ.

    0
    • Чаачар
      Чаачар 2 сентября 2012  

      Иван Арбитаны санатар хоһоон эбит

      Ымыы кыайар кыахха киирбит
      Ырыа тылын манна тиирбит
      Ылбыт тыла инники кирбии
      Ыллыгыгар сүүрэн тиийбит. :-)))


      Бу ордук күүскэ санатта

      Тимир акка үөрэнэн,
      Түргэнник көтүттүн үөрэн эн

      0
      • Чаачар
        Чаачар 2 сентября 2012  

        Бу билигин үөһэттэн алгыс түһэр кэмигэр

        Туттумахтаан хаалыхха. Бу кэмҥэ киһи түргэнник сайдар кэмэ, төрүт билиигэ чугаһыыр кэмэ. Ону мүччү туппакка киирсимэхтээн хаалыҥ. :-)))
        Бу үөһэ хоһуйуллубут хоһоон ону күүскэ кэрэһэлиир.

        0
        • сэр сэм 2 сентября 2012  

          Дьээбэни-хообону баалаабат инигит? Олоххо да суох буолбатах...

          Сахалыы Дон Хуан

          (Пушкинныы кыра трагедия)

          Эн ытаа да ыллаа, ой-о5ун...
          Таптаатым до5орум ойо5ун!
          Ба5ардым олуһун үөл этин,
          Таптаатым мин Үстүүн Үөлэтин.

          Үҥэбин-сүктэбин Үстүүҥҥэ:
          -Уларыс Үөлэ5ин үс түүҥҥэ.
          Сүрэхпэр будуллар баал аама,
          Кырдьыгы этэрбин баалаама.

          Көҥүллээ до5оргор, эн эргин,
          Этимэ: "Оннук суох бу эргин!"
          ...Өһүргэс дии санаабат этим.
          Билигин да ыалдьар куҥ этим!

          0
          • Чаачар
            Чаачар 3 сентября 2012  

            Оо.. Сэргэх Сэмэн кэм даҕаны...

            Эҥкилэ суох ис хоһооннох
            Эриэхэбэй өс хоһоонноох
            Сүр дьикти хоһоонноох
            Атылыыта-алтыһыыта алыс.

            0
          • Кружево
            Кружево 9 сентября 2012  

            Үөннээх да киһигин, сэр сэм)))

            Көрдөһүөм мин Үстүүнтэн
            "сэр сэмҥэ уларыс Үөлэтин,
            Туга көҕүрүөй ол үс түүнтэн
            Төннөрүө буоллаҕа үөл этин"

            0
  • Нууралдьыйа
    Нууралдьыйа 2 сентября 2012  

    Эмиэ көннөрү холонуум)))

    Күһүн буолан араас көтөр
    Куйаас дойдуга талаһар.
    Ол тэҥэ хара омук эмиэ
    Дойдутун диэки көтөр.

    Саас эмиэ Саха сиригэр
    Көтөн күпсүйэн кэлиэ,
    Үлэ арааһын булунуо,
    Саханы үтүрүйүө.

    Ол туһуттан кынчарыллыа,
    Абааһы да көрүллүө.
    Кэлин хайдах буолан иһэр,
    Дьэ, истиллиэ, көрүллүө.

    0
  • Сахастрелец
    Сахастрелец 2 сентября 2012  

    Боруоктаах Боруонньа

    Борооску Боруонньа боруоктаах
    Кыыһырда да эбиһээт аһыахтаах
    Дьиэтэ да дьэ урдук боруоктаах
    Ааннарын хайыта аһыахтаах
    Ойо5о эрэйдээх хайыа5ай
    Арахсан да ол ханна барыа5ай?
    Дьиэлэрин ким кэлэн хайыа5ай?
    Ньиэрбэтин ол аайы барыа5ай?
    Боруонньа да сарсын өруө5э
    Кыысчаанын батта5ын өруө5э

    0
  • кытыыСаха
    кытыыСаха 2 сентября 2012  

    Холонуу.

    Кытыы тыа5а олорон быстаран
    Үөс диэки сир быстаран
    Сааһылыам мин бурууһу
    Дьиэм көҥдөйө тахсыыһы
    Арай элэйбит сүгэм эрэйбит бурууһу
    Көрдөөтүм сорунаары тахсыыһы
    Булуо этэ ону баһаартан
    Суолу саппатахтарына баһаартан
    Буруо5а кытарбыт күн
    Чэ бүгүн, өрөбүл кун
    Күн сарсын куоратчык хойдуо!
    Бай, бу тугуй,хой дуо?
    Ээ пахай,хоһуол эбит.
    Бу маны этэбит;
    Муннуга биэрдэ амырыын сыт!
    Дьэ маннык буолуоҥ,сууммакка сыт!
    ...Сололоох олорон тылга тииһэбин
    Ба5ар, биир эмэ бириискэ тииһэбин?
    Дьоһун сааска бааҥҥа тииспитим
    Таайкыры кыыллаан тылга тииспитим
    Кырдьыгы ирдиибин ол иһин
    Бу Саабыйа билэр,туох иһин
    Ол Таайкыар кырыыламмыт дьиҥ иһин
    Өй тиийбэтин былаас толуйбат
    Ньүдьү балайы Кытыы тулуйбат!

    0
    • Чаачар
      Чаачар 3 сентября 2012  

      .

      Кытыы сиртэн
      Кыыһыран,
      Кытыы саха
      Кыттыбыт,
      Кытаахтаабыт тылыгар
      Кыайыы
      Кыыма саҕыллар.
      Кыра бириис
      Кыбыллан
      Кыбыстыбат
      Кытыыга
      Кыырас
      Кына түһэрэ дуу?
      Кырбый
      Кыырт
      Кыһаллара дуу?
      Кыыһыран
      Кынчарыйара дуу?

      0
  • blMblbl
    blMblbl 2 сентября 2012  

    Арыгыһыкка

    Биһиги атаспыт,Айдаарбыт,
    Бүгүн эмиэ айдаарбыт.
    Кэлэн дьиэм аанын тардыма,
    Табаҕы иһирдьэ тардыма.
    Таҥаһыҥ сыыһа барыта кир,
    Суунан аһаа,уҥуохта кир.
    Олороҕун тугу эрэ эрэйэн,
    Иирдимэ кинини,эрэй эн
    Тохтуом-диэн сүрэххин да ый,
    Барыаҕа тылын,биир эрэ ый.
    Этэр тылбын эн иһит,
    Үтүөҕэ тиэрдибэт бу иһит.

    0
    • Чаачар
      Чаачар 3 сентября 2012  

      ++++:-)))

      0
      • Сельчанка 3 сентября 2012  

        Маннык барсар дуо

        Тагыста ыалыгар Биэрэ
        Иэьээбит харчытын биэрэ
        Уонна сонун-нуомас истэ
        Минньигэс кыьыл миин истэ
        Кэллэ ыксаан хантан эрэ
        Дьуогэтин эдэркээн эрэ
        Биэрэни корон уордэ
        Сонунун кэпсээтэ уордэ

        0
        • Чаачар
          Чаачар 3 сентября 2012  

          .

          Биэрэс тэбэр Биэрэ
          Хоһоон тылын биэрэ
          Биэрэстэлээх сиртэн
          Биэрэс тэбэн кэлбит. :-)))

          0
          • Чаачар
            Чаачар 3 сентября 2012  

            Ээ... Алҕас. Биэрэҕэ иирэммин Селчанканы бутуйбуппун.

            Алаас кыыһа
            Ала чуо саҥатынан
            Аҕалбыт тыллара
            Аалыҥнаһан кэлэннэр
            Алтыһа түстүлэр.

            0
  • ЫМЫЫ 3 сентября 2012  

    Мин Сахастрелец хоһооннорун сөбүлүүбүн.

    Өссө да саҥаттан саҥаны таһаараргын күүтэбин.Сельчанка, үчүгэй дии,табыллыбыт.Кытаат.Күрэх аата күрэх-барыгытыгар ситиһиини баҕарабын.

    0
  • Кэбуки
    Кэбуки 3 сентября 2012  

    Өссө

    Арыгытын эмиэ испит,
    Хараҕын муҥунан көрбүт,
    Сирэйэ дарбаччы испит,
    Ону дьон барыта көрбүт.

    Арыгы алдьатыылаах ас,
    Чугаһатыма дьиэ кэргэҥҥэр,
    Эн кинини антах ас,
    Иһэрдимэ дуу кэргэҥҥэр...

    0
  • Чаачар
    Чаачар 3 сентября 2012  

    .

    Холобурдаан киллэриэхпин
    Этэр тылым бараммыт,
    Мас көтөҕөн киллэриэхпин
    Маһым кытта бараммыт. :-)) ???????????

    0
  • blMblbl
    blMblbl 3 сентября 2012  

    Сынньалаҥҥа

    Өрө тыынным таай баран
    Хата таайыам таайбаран
    * * *
    Таптыыр Тааттам тала5ын
    Сүрэ5им ордорон тала5ын

    0
    • Сельчанка 3 сентября 2012  

      Оссо биир

      Кэлэргин биллэрбин ууруогум
      Ордубут убаьам иьин
      Уоскуттан сылаастык ууруогум
      Эн миигин таптыырын иьин

      0
  • Кэбуки
    Кэбуки 3 сентября 2012  

    *

    Доҕоттоор, мээнэ күлүмэн,
    Ытырыа эһигини күлүмэн,
    Кэлиэ тигээйи үөрэ ону көрө,
    Буолуо ээ, дьэ, аны ол көрө.

    0
    • Сельчанка 3 сентября 2012  

      Кэбуки

      Бырастыы гын, кулумэн уонна кулумэн (н') тус туспа тыллар буотах дуо?

      0
      • Кэбуки
        Кэбуки 3 сентября 2012  

        ити ыытарын ыытан баран, аны бэйэм сыыһа дуу диэн толкуйдуу олоробун ))

        арааһа "ҥ"-наах быһыылаах биир тыла . Чэ, тыл үөрэҕэ суоҕу наһаа баалаамаҥ дуу ?

        0
        • Куннэйкэ 3 сентября 2012  

          Инньэ кынан дьүүллүүр сүбэ5э кимнээх киирдилэр?

          Бастаабыт киһиэхэ төлөппүөнүгэр мин харчы угуом, иккискэ Куруһуба, үһүскэ Кырбый кыырт күрэх аата күрэх. Сөбүлэһэ5ит?????

          0
  • Сахастрелец
    Сахастрелец 3 сентября 2012  

    Эрэй дии.

    Дьэ, эмиэ сор дии, эрэй
    Ити хайа дьахтарбыт эрэй?
    Чэ, чэ көрдөө, сулуй, эрэй
    Миэхэ аны итинник тубэһээрэй?
    Сааһым тухары эрэйдээрэй?

    Тиийэн кэллэр дьоһун Сааска
    Кыах биэрдэр, сыллыа5ым ууруо5ум
    Суруйар дииллэр "Дьоһун Сааска"
    Кэтэһиэм, кэһиибин ууруо5ум.

    Кэлбэтин дуу, быдьар Бааска
    Куппатын тууһу аһа5ас бааска
    Ымсыырар дииллэр "ырааска"
    Мин ба5арабын ырааска.

    Киириилээх - тахсыылаах Кууһума
    Иннибин куөйумэ, кууһума
    Атыны аналым дьиэбитин
    Умун дуу, биһиги дьиэбитин

    Дьэ, эмиэ сор дии, эрэй
    Ити хайа дьахтарбыт эрэй?
    Чэ, чэ көрдөө, сулуй, эрэй
    Миэхэ да со5отох эрэй!

    0
  • ЫМЫЫ 3 сентября 2012  

    Күннэйкэ дьикти аат.Хаһан эрэ мин Күнчээн буолан күлүмүрдүү сылдьыбытым:)

    Саныырым буолуо, баҕар сыыһа,
    Хоһооммор элбэх дуу тыл сыыһа?
    Өйдүөхтэрэ суоҕа диэн куттанан,
    Суруйабын куттас куттанан.
    Төттөрү таары устабын,
    Хоһооммун көннөрөн устабын.
    Самныам дуо мин саҥаттан?
    Саҕалым дуо барытын саҥаттан?
    Көмөлөһүн миэхэ Айыыларым,
    Сүппэтинэр сэмэй айыыларым.
    Тыл көмүс биэрэгэр тиксиэхпин,
    Дьол сөрүүн утаҕар тиксиэхпин.

    0
  • Кырбый кыырт 3 сентября 2012  

    Күннэйкэ, наһаа үчүгэй НИК дии

    Бирээмэ ТОП чаҕылыҥныы түстэ, Бириис хайаан да наада, мы же в рыночных отношениях, хотя говорят что талан не купишь и не пропьешь. Этот приз пусть будет признанием талантов наших единомышленников. Күннэйкэ, Чаачары атаҕастаама, кини эмиэ приз бэлэмнээн сылдьар. Миэнэ бэлэм, сатаабат киһи сатаатар бирииһинэн признаниебын тириэрдиэм.

    0
    • Чаачар
      Чаачар 3 сентября 2012  

      Кырбый Кыыртка эҕэрдэ!

      Дьиҥинэн пагердааҕыҥ эбитэ буоллар этэрим элбэх этэ.Онон регаланан көрөҕүн дуу? Табыллар буоллаҕына...

      0
  • саргы 3 сентября 2012  

    уой уэрдум чаачар ынырбыккар махтал

    )))))))

    0
    • Куннэйкэ 3 сентября 2012  

      Чаачар бирииһэ чаачар саа.

      0
      • Чаачар
        Чаачар 3 сентября 2012  

        Бэйи эрэ бу

        Хата миэстэттэн ураты, номинация олохтуохха сөп эбит дии...
        Холобур: а)эҥкилэ суох ис хоһоонноох. б)эҥкилэ суох атылыы тыллаах(омоним).в)уһулуччу тэҥ кээмэйдээх(сүһүөҕүн ахсаана тэҥ).
        Бастатан туран ону топ хотунуттан Куруһубаттан туох дии саныырын ыйытабын.Ол кэнниттэн иккиһинэн эһигиттэн туох саҥа уларыйыы баар буолуон сөбүгэр этии киллэрэргитигэр.

        0
  • ЫМЫЫ 3 сентября 2012  

    БАРЫГЫТЫГАР

    Сүрэхтэн тахсар иһирэх тылларбын,дьоҥҥо туһаайбыт дьоллоох үөрүүбүн,Эйиэхэ анаабыт истиҥ иэйиибин-баҕарбат эбиппин сыана быһыаххытын.Бастакы,иккис ,үһүс сортка диэн араарыаххытын.
    Кэнникинэн тылым кэхтиэх курдук,устунан умуллуох курдук-Ымыы харчыга иҥсэрэн,хаарыан тыла баранна дии саныахтара диэммин.
    Арай ким эмэ оннук кыахтаах баар буоллаҕына бастыҥ ,үчүгэй диэбиттэргитин ханна эмэ бэчээккэ тахсар гына кэпсэтэргит буоллар,ол буолуо этэ махталлаах да, хайҕаллаах да суол.

    0
    • сельчанка
      сельчанка 3 сентября 2012  

      Аагааччылар биьирэбиллэрэ диэбит курдук да

      Мин эмиэ ЫМЫЫ этиитигэр собулэьэбин, иэйии киирэр кэмигэр харчы оруолу оонньообот ээ

      0
    • Чаачар
      Чаачар 3 сентября 2012  

      .

      Иэйиибит биһиэнэ бэлэххэ бэһирбэт
      Бэйэтэ тахсаары, туохтан да иҥнибэт.
      Күүһүлээн таһаарыы күлүүгэ тэҥнэһиэ,
      Харчыга хаайдахха хааттаран муҥнаныа.:-((

      Ол да буоллар оонньуу аата оонньуу, күрэс аата күрэс, онон маҥнайгы ирдэбили уларытар сатаммат.

      0
  • blMblbl
    blMblbl 3 сентября 2012  

    Ирдэбил ирдэбилинэн хаалар онно мөккүөр суох.

    Үчүгэйи санаан бириис олохтуу сатыыргыт эмиэ биллэр,ол эрээри наһаа элбээн бардыгыт.Акка уксар дьон курдук.

    0
  • кытыыСаха
    кытыыСаха 3 сентября 2012  

    Дьонуҥ харчыннан ымсыырда сатыыллар диир кэрэгэй буолуо.

    Дьонуҥ быһата-меценат курдук сананан , үтүө дьыаланы өйөһөбүт дии санааттан бириис аныыллара буолуо. Биир бэйэм биир икки тыһыынча5а
    наһаа бэһирбэт санаалаахпын.

    0
    • Чаачар
      Чаачар 3 сентября 2012  

      Биллэн турар!

      Манна киһини тардара диэн, мэйии үлэтэ ирдэниллэр,ону имитэри бары сөбүлүүр буолуохтаахтар.Харчы барахсан манна оруола кыра ини, оонньуу эрэ сиэринэн...Онон буксуйбакка салгыы баран иһэбит:
      күрэһи тохтоппот баҕаттан
      күлүүлээх кэпсээни салгыаҕым
      Күлгэри куоппута баҕаттан
      Күлүмэн тыаһыттан салгыаҕым.

      Ууну оргутар кыра чаан
      Уот суоһун суһумар ыйанна,
      Уол оҕо ыстаана кырачаан
      Уот үрдүн быатыгар ыйанна.

      0
  • кытыыСаха
    кытыыСаха 3 сентября 2012  

    Адьарай аһа аргы.

    Бэ5эһээ төрөөбүт күннээтибит
    Дьэ до5оор, ол-онно күннээтибит
    Элбээбит таһырдьа итирик-кутурук
    Муннук аайы туллубут муос,быстыбыт кутурук
    То5о бу олус умньанныбыт аргыга
    Сиэрбитин суобаспытын ыйаатыбыт аргыга
    Аргыны кыайбыты билбэппин ааспыкка
    Ымсыырбаппын олох дьолун тумнан ааспыкка
    Ааһар албын,көһөр көлдьүн үөрүү
    Тутар туормас,хаайар хаарчах аанын сүөрүү
    Сиэргэ баппат киһиэхэ кэпсэммэт быһыы
    О5о-уруу,дьиэ-кэргэн ситимин быһыы
    Төрүөхтэн арахпат аргыс
    Олоххор бүппэт харгыс.
    О5о төрүүр,сандалга аргы ууруллар
    Киһи өлөр эмиэ ньалбаан хаппах тууруллар
    Хаарыан атас-до5ор аргыттан барбыта умнуллар
    Адьарай аһа алдьархай төрдө буолбута тумнуллар
    Сал5анар эмиэ..."Эн доруобуйан туһугар..."
    Дьэ буолар да эбит, кыһал5а туһугар.
    Тиэрдииһи аргы саханы муҥур уһугар
    Хайдах буолабыт,ким өй угар?

    0
  • Сахастрелец
    Сахастрелец 3 сентября 2012  

    Мулчу - харчы суруй да харчы?

    Тыллары сааһылыыбын мулчу-харчы
    Кыайдаххына дииллэр бирииис-харчы
    ЫМЫЫ кыайарыгар баарбын, ыалдьааччы
    Таптыыртан ардыгар сурэ5им ыалдьааччы.
    Кыайтарар кыһыылаах, абалаах
    Кэтэһэр оччо5о Бэстээххэ "Абалаах"
    Табыллар курэскэ элбэхтик таһыллар
    О5о сылдьан соро5ор туһалыыр таһыллар!!

    0
  • ЫМЫЫ 3 сентября 2012  

    Сахастрелец:)

    Наһаа кэмчиэрийимэ доҕор, хоһоонноруҥ олус бэртэр.Салҕыы өссө ордугу күүтэбин.Мин саҕалаабыппын тиһэҕэр тиэрдээччибин,туораан хаалыам суоҕа:)

    0
    • ноор 0хоноос 4 сентября 2012  

      :)

      хомо5ой хоьоонноох
      дьон эбиккит,
      хомурдуос кумахха хаамарыныы,хоьоон
      тылын кэчигирэтэ5ит,
      мин да холонон керееру,холбуйабын
      тарбанным :)
      чэ сырдыкка сыымайдыам,сылаас суор5аным ымсыырдар,саахтаан баран сытарга



      0
      • Чаачар
        Чаачар 4 сентября 2012  

        .

        Ноор Охоноос!
        Нохтолоох тойон сүрэххин
        Ноҕуруускалаабакка эрэ
        Номохтоох тылларын
        Норуокка таһаарара дуу? диэммин кэтэһэбин
        Наһаа оттон саахтаан баран иҥин диэбэккэ...:-)))

        0
        • Чаачар
          Чаачар 4 сентября 2012  

          Ноорго

          Хомурдуос кумахха
          Хаампытыныы
          Хоһоонноргун
          Хостотолоо
          Холбукаҕын
          Хамсатаҥҥын
          Хойох тылы
          Хостоомо :-)))

          0
  • саргы 4 сентября 2012  

    күөн күрэс

    Кэлиий дуу,до5оччуок, кэл Сындыыс
    Кырдьа5ас мин ыппын ынырдым
    Барыбыт олохпут уот сындыыс
    Ааьара,сүүрэрэ түргэнин.

    Көрүүй даа, көр, ол эн этиҥ
    Аьааннын өллөнө түьээриий
    Аанньалым кэриэтэ эн этиҥ
    Эрэллээх мин булчут до5орум.

    Муммуппар өйдүүбүн тыатаа5ы
    Дьиэбитин этэннэ буллартын
    Суолбутун быспыта тыатаа5ы
    Онно да эн хорсун буолбутун

    Ойууру кэрийэ хаамарым
    Хайа5а да5аны ыттарым
    Аттыбар бааллара куруутун
    Эрэллээх мин до5ор ыттарым

    0
  • саргы 4 сентября 2012  

    куэн курэс .102 саастаах таайбытыгар анаан

    Мырчыста5ас киэргэппит эн сүүскүн
    Маҥхайбыт батта5ыҥ аччаабыт
    Бугун эн туоллуҥ биир сүүскүн
    Аарыма ытыктыыр киьибит.

    Хоьоонноон э5эрдэ этиэхпин
    Холбоммото тылым сүьүө5э
    Долгуйбуппун ,уой,биллэрэн
    До5олоҥнотто ата5ым сүьүөҕэ

    Эргиллэн кэлиэ5э күөх саас
    Эгэлгэ өҥүнэн киэркэйэн
    Кылгас да буолла5а сүүс саас
    Этэҥҥэ олорор киьиэхэ.

    0
    • Чаачар
      Чаачар 4 сентября 2012  

      .

      Холонуу киллэрбит дьэ Саргы
      Хоһоонун тыллара дьол-соргу,
      Холбоһон ааҕыаҕа дьон-сэргэ,
      Холбука хаамыыһы дьэ сэргэ.

      0
  • Сахастрелец
    Сахастрелец 4 сентября 2012  

    Туунну санаа.

    Таптаатым, билэбин кини эрдээх,
    Сурэ5им кыланар эрээри, эрдээх!
    Анардастыы таптыыр олус да эрэйдээх
    Кини да билэбин сордонор, эрэйдээх.

    0
    • Чаачар
      Чаачар 4 сентября 2012  

      Бу Саха Сааһыта булан хостоон суруйара да бэрт ээ...

      Хоһооҥҥо
      Холонууну
      Холуттан
      Харбыыһыгын,
      Хотуулаах
      Хотоолго
      Хонноххунан
      Холбоһууһугун,
      Холоруктуу ытыллар
      Хоһоонуҥ тыллара
      Холоонноох сиригэр тиийэргэ
      Хойутуо суох курдуктар.

      0
      • ноор 0хоноос 4 сентября 2012  

        Бэйин эрэ,хоьоонньуттар,дуона суохтук тохтуу туьэн,иьирэх тылбын истэ туьун!

        хомо5ой со5устук
        хоьуйуохпун ба5арабын да-
        хоьоонум иччитэ ыксалаабат,
        сулбуччу со5устук суруйуохпун суланабын да-
        суруйар иччим чугаьаабат,
        холбоон-илбээн хоьооннуохпун кудьуйабын да-
        хоьоонум хобото
        холбоспот,
        ал5ас да5аны атынна
        аа5ыммыппын,
        сыыьа да5аны сыьыаннаахха санаммыппын,
        ол да буоллар холонон керее инибин
        кырдьык хоьоону
        холбуурга кучуллубутум,
        амырыын алгыьы
        арыйарга анаммытым,
        сытыы тылы сыьыарарга ыпсарыллыбытым,
        имигэс тылы
        этэргэ этиллибитим,
        кэрэ тылы кэпсииргэ
        кэнэйтэрбитим.
        Этэр тылым иччитэ,
        эмэн дьахтар буолан
        энэрдэьэн сылдьан,
        имэн уган биэрэн,
        энин имигэс тыллары
        этитэ сылдьыа этэ.
        Хоьуйар хоьоонум иччитэ,
        хотун дьахтар буолан
        куодарыьа сылдьан,
        кубул5ат кутан биэрэн,
        олус угус хоьоону
        хоьуттара сылдьыа этэ
        Оччо5о
        элэйбэккэ этэр
        имигэс инсэлээх,
        сылайбакка сыьыарар
        сымна5ас тыллаах,
        саллыбакка санарар
        сайа5ас саргылаах саналаах,
        уларыйбакка онолуйар
        ула5а тойуктаах
        бобуута суох
        модун хоьоонноох буолуом этэ.

        Онон этэр тылбын
        куемчулээмэн ду,
        хоьуйар хоьооммун
        бопсуман ду,
        оччо5о холонуом этэ

        0
        • Муора
          Муора 4 сентября 2012  

          Олох ис-дьиҥэ

          Бу Олох ис-дьиҥин хаһан
          Булуомуй, дириҥник хаһан?--

          Төрүт сирдии дөйө тоҥон
          Түөрдэрбэт дии, иҥэн- тоҥон.

          Иэйиим төлөнүнэн иһин
          Ириэрэн көрүөм мин ол иһин.

          Ис имминэн дьөлө хотон
          Иһирдьэ киириэм, ситэн-хотон:

          Көстүө дуо Олох үөс баайа,
          Көмүстүү харахпын баайа?--

          Эбэтэр күнтэн-күн иинэ
          Эрэлим көмүллүөхтээх иинэ?!..


          .

          0
          • Чаачар
            Чаачар 4 сентября 2012  

            Үтүө киэһэ бука барыгытыгар!

            Муора хоһооно уурбут туппут курдук силбэһэн тахсыбыта,кырдьык да киһини сөхтөрөр...

            0
  • ЫМЫЫ 4 сентября 2012  

    Оһуор -ойуу айылҕам.

    Оҕобунаан оһуор анньабыт,сабынан,
    Көстүөҕэ алааһым сибэккинэн сабынан.
    Халлааммыт көҕөрөн чээлэй күөх,
    Тиллибит айылҕам күөх да күөх.
    Дойдубар кэлбит уйгу өҥ,
    Дьүөрэлээн түһүөҕэ үгүс өҥ.
    Күнтэн сардаҥа тохтуоҕа,
    Сиргэ тиийбэккэ тохтуоҕа.
    Ортотунан үрэхпит устуоҕа,
    Оҕом ону ойууттан устуоҕа.
    Элбэх да өҥү талаҕын,
    Дьикти да буолуо талаҕын.
    Бэттэх тигиэхпит сэргэ,
    Хаһы да тэҥинэн, сэргэ.
    Анныгар ууруохпут саахымат көбүөр,
    Кытыйаҕа көстүө арыылаах көбүөр.
    Бээ тохтоо, болҕойон иһит,
    Баар буоллун өссө сахалыы иһит.
    Мүнаардар миигин биир суол,
    Ханан ааһыаҕай манна суол?
    Оҕом иискэ олус сүрэхтээх,
    Кэрэни араарар нарын сүрэхтээх.
    Кэккэлэһэ олорон оһуор анньабыт,
    Сылайан ардыгар,тэйиччи анньабыт,
    Эйиигин абылыа иис,
    Тупсуоҕа кэнники суол иис.


    От күөх,халлаан күөх тус туһунан буолаллара буолуо дуу диэммин киллэрдим.Биир эбиттэрэ дуу?

    0
    • Чаачар
      Чаачар 4 сентября 2012  

      Ымыы

      Ыыра ырааппыт
      Ыллыга тупсубут
      Ылыыһы бирииһи
      Ытыһа кыһыйыыһы... :-)))

      0
      • сельчанка
        сельчанка 4 сентября 2012  

        Однозначно ЫМЫЫ

        если что,мин киниэхэ куоласпын уже биэрдим

        0
        • ЫМЫЫ 4 сентября 2012  

          Чаачар тохтуоҕум кыратык айан,күүтэр миигин айан.

          Мин суохпар үчүгэй хоһооннор таҕыстахтарына үөрүөҕүм.7кэ 8 ка сатаан киирбэппин.
          Если что -диэбиккэ дылы ,куоласпын Сахастрелецкэ биэрэбин.
          Муора кытаат,хоһоонуҥ олус үчүгэй.

          0
    • Дьуэгэ дьахтар 4 сентября 2012  

      Бу таах, холонуу эрэ:)))

      Хомо5ой тылларбын холбооммун
      Мин ырыа тыллара айыа5ым
      Хоруонка 8нн8рун наардааммын
      Эриэккэс хартыына айыа5ым
      Иэйиибин имигэс тылынан
      Этэрбин кэрэхсиир эбиппин
      Оло5ум сиэдэрэй оьуорун
      Ойуутун ситэри билбэппин

      0
  • Чаачар
    Чаачар 4 сентября 2012  

    Холобурда көрүҥ! Арбита киэнэ

    Мин бүгүн кынаттаах аппынан
    Былыкка куйаардан эрэрдии,
    Хомуһун-кубулҕат аппынан
    Хоһоонум кутуллан эрэр дии!

    Таптыыбын бу манна бааллары –
    Бу күөҕү, бу халлаан саҕаҕын,
    Эҥсиллэр иҥсэлээх бааллары,
    Кирис тыам! Эн кэрии саҕаҕын.

    Таптыыбын күөх быйаҥ сааһынан
    Ньургуһун сибэкки тылларын,
    Бу тойук маннык саас-сааһынан
    Суккуллар дьиэрэҥкэй тылларын.

    Аттыбар кыракый көлүйэ,
    Анныбар Ленэ биир салаата.
    Көбүөхтүүр күүстэрин көлүйэ
    Күөх долгун биэрэги салаата.

    Көрүлээ, күүгүнээ, чэ, Лиэнэ!
    Эн уоргун, уо, дьэ туох тохтотуой!
    Киэргэннэ биэрэгиҥ чэл иэнэ,
    Киниэхэ күөх уунан тохто туой!

    Таас хайа! Кылбайар кырыыгын
    Көй салгын сууйбатах муҥунан,
    Көбүөхтүур сүүрүгү кырыыгын
    Күрбэ таас күөмэйиҥ муҥунан.

    Эйиэхэ бокулуон уураары
    Элиэнэ бэккэ да кыһаллар,
    Эн уоттаах уостаргын уураары
    Долгуннар таастары кыһаллар.

    Турдулар бараммат баараҕай
    Көбүөхтүүр долгуннар. О, Лиэнэ,
    Эн түллэр бардамыҥ баар аҕай,
    Уордайда кэй киэбиҥ ол иэнэ.

    Силлиэ тыал силлиэрдин баҕардар!
    Синэ биир – бар ытаа, бар ыллаа.
    Эбиитин элбэххэ баҕардар
    Эрэй уон арааһын барыллаа!

    Хаһыырар буурҕалаах сатанан
    Ыар былыт халлааны сабыыта,
    Сылдьыбыт сырыым дьэ сатанан
    Суйданна саарбах өй сабыыта.

    Мин уҥуор биэрэккэ бараммын
    Уоттаах түүн кистэлин уордарбын,
    Ол мүөтүн ыймахтаан бараммын
    Уоскутуох этим ыар уордарбын!

    Мин санаам ыарахан тимирэ
    Долгуну туоруурга сорунан,
    Киэҥ үөскэ тимирэ-тимирэ
    Күөрэйдэ тыын быстар сорунан.

    Силлиэ тыас часкыйан ытыырын
    Улахан куттал диэн көрбөккө,
    Туораатым күрүлгэн ытыырын
    Харахпын кэннибэр көрбөккө.

    Этиҥнээх буурҕабыт аһынна,
    Мин буллум үрдүк таас хайабын.
    Тыал тоҕо бу миигин аһынна? –
    Биллэҕэ мин киммин-хайабын.

    Дьэ куоттум дьиктибин айаммын…
    Туох баарай бу мантан ыар, этиҥ?
    Көрдүгүөт баламат айаммын –
    Күөх долгун, таллан таас, ыар этиҥ!

    Оол, мииҥин куоттаран, кыһыйан
    Эбэккэм хараҕын симмэхтиир,
    Кырылас кумаҕын кыһыйан
    Кыллырҕас куттаҕар симмэхтиир.

    Уотунан кытыастан, кытаран
    Силлиэ тыал күрэнэ турбута.
    Сүрэҕэр үөрүүтүн кытаран
    Биэрэккэ поэт уол турбута.

    Киэҥ халлаан аһаҕас уолугар
    Буурҕа тыал күрэнэн хааллар да,
    Тыл ууһа тойуксут уолугар
    Бэйэтин бэлиэтин хаалларда.

    Ол бэлиэ сүрэхтэн сууллубат…
    Мин үрдүк ыллыкпын ыйыаҕа,
    Буурҕаттан охтубат, сууллубат
    Маягын үрдүбэр ыйыаҕа.

    Хараҕым иирдэ дуу? Суох, атын –
    Халлааҥҥа көтөллөр паарустар –
    Ол уордаах Элиэнэ суо-хатын
    Аныардаах үөһүттэн паар устар.

    Долгун! Биир чаас баран эрээри
    Кыл тыыннаах сордонор сорунуу,
    Сотору да бүтүөх эрээри
    Суоһурдуҥ – ол быстах сорунуу.

    Айылҕам! Утуйан аҥаарый…
    Бу сири дьиктилээх сир дииллэр,
    Халлааҥҥа дьаарбайдын аҥаар ый,
    Кинини дьай тыыннар сирдииллэр.

    Күөх биэрэк дьэҥкэрэ түһээтин
    Киэргэлгэ киэргэлин эппитэ,
    Утуйбут түүлүгэр түһээтин –
    Санааҕа бу курдук эппитэ:

    «Дьэргэлгэн үҥкүүлүүр сирэ мин
    Киэҥ кыраай бараммат баайабын,
    Мин тыыннаах айылҕа сирэмин
    Тырымныыр букеты баайабын».

    О, чахчы, дойҕохтоох сир, бэккин.
    Уус тылтан күндү таас кыһыллар,
    Күн сирин киэргэлин сирбэккин,
    Көстөллөр бу күөхтэр, кыһыллар.

    Кэрэ түүн кээмэйдээх чааһынан
    Кинини кэтэһэн турабын.
    Ол кими кэтиирим чааһынан
    Сүүс төгул мин туойан турабын.

    Турбутум күөх талах иннигэр,
    Турбутум, турабын, туруоҕум
    Кэл! Биирдэ куустуһар иннигэр
    Мин тыыммын даҕаны туруоҕум!

    Эн солко былааккын эринэн
    Манна кэл, мин күнүм күлүмэ!
    Мин курдук эрэллээх эринэн
    Дьоллонор дьылҕаҕын күлүмэ.

    Манна баар мээр таптал, мээр эйэ,
    Бааллар күөх төлөннөөх сайыннар.
    Эн манна барҕата, мээрэйэ,
    Муҥура суох дьолгун сайыннар!

    Миэхэ биэр сүрэххин, биэр эккин,
    Өйдүүбүн, саныыбын өрүүтүн
    Субу эн дьаарбайар биэрэккин,
    Эн солко суһуоҕуҥ өрүүтүн.

    Дьэ кэллэ! Кинини кытары
    Таҥара тыыннара түстүлэр,
    Хараҥа күлүктэр кытары
    Көмүстүү күлүмнүү түстүлэр.

    Ол тыыннар санаабын табаннар
    Сүрэҕим күлүүһүн астыннар,
    Тапталыҥ охторо табаннар,
    Таҥара, баҕабын астыннар!

    Бэрт элбэх төннүбэт сыл ааста…
    Мин туран дьол-соргу көрдөстүм.
    Сүрэхпэр төлөннө, сылааста
    Кулу диэн Киниттэн көрдөстүм.

    Мин биллим уон илбис үөрэҕин,
    Мин баарбын үрдүк тыын былааһар.
    Эн бүгүн мииҥиттэн үөрэҕин,
    Үөрүүгэр хомолто былааһар.

    Бил мииҥин, мин аптаах талааммын,
    Бил мөлтөх быһыыбын, бил бэппин –
    Мин тугу кимтэн да талааммын
    Умналаан ылары билбэппин.

    Мин хадаар майгылаах эристин
    Сүүс дьылҕа кэриэһин кэспитим.
    Аны ким да кэлэн эристин –
    Элбэҕи кэйгэллии кэспитим.

    Тымныйбыт сүрэхпин, түөстэрбин
    Мин халлаан уотунан сиэтэбин,
    Сир-дойду сиксигин түөстэрбин
    Сүүс сылы тэһииннээн сиэтэбин.

    Оттон эн – сэттэ сир кэрэҕэр
    Кэрдиллэ кэлбэтэх барахсан!
    Баҕардым эн дьикти кэрэҕэр
    Бар дьоннуун барасыай барахсан.

    Эн дьылҕаҥ силбэһэр ситиитэ
    Сирэм күөх ньаассынтан өрүллэр,
    Таптаһар кэм кэлэн ситиитэ
    Кистэлэҥ чувстваҥ син өр үллэр.

    Ол таптал охторо түһэннэр
    Эн уоттаах сүрэххин кэйэллэр,
    Имэҥнэр муньньуста түһэннэр
    Имнэриҥ тыргылла кэйэллэр.

    Биһиги тааһынан тапталлар
    Биэрэги кэрийэн испиппит,
    Мичээрдиир эйэҕэс тапталлар
    Миньньигэс мүөттэрин испиппит.

    Биһиэхэ кынаттаах тыл баара,
    Санаабыт үрдүккэ көтөрө,
    Халлааҥҥа тырымныы тылбаара
    Ыллыыра күн айыы көтөрө.

    Таалалыыр талахха таарыйан
    Дьапталҕа таастарга киирбиппит;
    Тапталбыт өһүөнүн таарыйан
    Тапсыбат санааҕа киирбиппит.

    Ардыгар дьол тускул түөрэҕин
    Дьоло суох өттүнэн кээһэҕин.
    Кыайбаккын төһүүнэн түөрэҕин,
    Билбэккин кэннигэр кээһэҕин.

    Киһи сүүс көһүнэн быыһанар
    Тус-туспа майгылаах-быһыылаах;
    Атыҥҥа бэйэттэн быыһанар
    Адьаһын кыайтарбат быһыылаах.

    Киниэхэ хайгыыра-сирэрэ
    Уустуга суох түргэн буолара,
    Бэрт чугас биир хардыы сир эрэ
    Куоскаттан тиигир кыыл буолара.

    Суох буолла кэмчиэрбит быһыыта –
    Мин толло, дьиксинэ барабын.
    Кэпсээтэ: «Кэм кэллэ, быһыыта,
    Быраһаай, атыҥҥа барабын!..»

    Бараҕын… Мин эмиэ барыаҕым…
    Илиигин ыл түөспэр уур, атаар…
    Ахтаммын күдэхпин барыаҕым…
    Ааттаһыа диир тылгын ууратаар!

    Сассыарда тыргыл күн ойуута
    Тапталбыт тымныйан хаалбыта,
    Күөх биэрэк дьэрэкээн ойуута
    Ыраатан кэннибэр хаалбыта.

    Күөх түүнтэн уһуктан турууга
    Көрүстүм көтөрдөр үөрдэрин –
    Тураҕас туруйам «турууга»
    Тууйуллар сүрэхпин үөрдэрин!

    Атын тыл абыгар түбэһэн,
    Атыҥна санааҕын уур, астын –
    Туспа сир туйгуна түбэһэн
    Эйигин кытары уурастын.

    Иккиһин көссүһэ кэл, этиэм
    Эргийбэт арахсыы туһунан;
    Олуурдаах тылбынан кэлэтиэм –
    Ол аата суолбут тус-туһунан.

    Эн – таптал муҥутуур Кыыһаҕын,
    Мин - кырыыс төрөппүт Уолабын,
    Эн – күннүү күндээрэ кыыһаҕын,
    Оттон мин – күүгэннии уолабын.

    Айылҕам! Көргүн киэр уур; аһыы
    Аймалҕан. Ким тугун аһыйар?
    Урукку сымнаҕас уураһыы
    Мин уоспар дьаат буолан аһыйар.

    Ытаата ол имэҥ, ол омун:
    «Быраһаай, күн диэки көр үстэ!»
    Оһоллоох олоҕум оломун
    Эҥсэр баал утары көрүстэ.

    Ырыабын саптылар ыар ааннар.
    Ыллаары сорунан көрбүтүм –
    Кынаттаах тылларым ыарааннар
    Кытаанах эрэйи көрбүтүм.

    Үөрүүнү бүгүн киэр уур, айдым
    Ынырык тыллары, хараны –
    Үтүөнү туойартан уурайдым,
    Тойугум күөмэйбэр хар аны.

    Туох буолуой биир тойук өлүүтэ –
    Таһааран ону киэр кээс, бырах!
    Олоххо биэрэр биир өлүутэ
    Поэкка суох дииргин, кээс, бырах.

    Мин үрдүк магиям ханнаҕын?
    Кэл эрэ, киир – ханна бааргыный?
    Киир – туохтан кэхтэҕин-ханнаҕын?
    Кинини саманна баар гыный!

    Билигин биһиги хайабыт
    Хараҕын таммаҕа тахсыаҕай?
    Көмүстүү күлүмнүүр хайабыт
    Көхсүгэр хайабыт тахсыаҕай?

    Бигэтик мин өйдөөн кэбистим;
    Эн мииҥин да саныы тур, аҕын.
    Эйиэхэ сэрэбиэй кэбистим –
    Тумарык быыһыгар тураҕын…

    Кэрэ кэм сүрэххин үөрдүүтэ
    Күөх сааскар көрүлээн хаалыаҕыҥ,
    Көтүгэс кыталык үөрдүүтэ
    Кыһыҥҥы кыраайгар хаалыаҕыҥ.

    Олох ыар төлкөнү кэбиһиэ,
    Оччоҕо дьэ уоххун харатыаҥ,
    Оччоҕо муннаран кэбиһиэ
    Ол сүүстэ дьаарбайбыт хара тыаҥ.

    Кыыс кындыа сүрэҕиҥ тэбиитэ
    Көссүһэр күүлэйтэн ырыаҕа,
    Ол ону дьылҕа киэр тэбиитэ
    Киллэриэм мин кэриэс ырыаҕа.

    Эн тыыныҥ тобоҕо баарына
    Өйдүөҕүҥ мин күүспүн, мин уорбун,
    Таптыаҕыҥ, таҥара баарына,
    Субу мин айманар минуорбун.

    Сүрэххэр биирдэ уот эстиэҕэ –
    Сылайан ыран-күр түһүөҕүҥ.
    Сэгэриэм! Эдэриҥ эстиэҕэ,
    Ынырык түүллэри түһүөҕүҥ.

    Мин эмиэ манна сор суолбунан
    Муҥура суох уостан барабын,
    Сүүс төгүл тэпсибит суолбунан
    Мин аргыый арҕахпар барабын.

    Ардыгар туран кэп туонабын
    Айдааннаах суорума сорукпун,
    Алгыыбын күөх чэлгий туонабын,
    Көрдүүбүн көстүбэт сорукпун.

    Соҕотох мунчаарбыт куттас уол
    Мин бара сатыыбын, сатыыбын…
    Сүрэхпэр тоҥ тыалы кутта суол –
    Сатыы да барарбын сатыыбын.

    Сыньньалаҥ олохтон ырабын,
    Эрэйтэн буһабын-хатабын;
    Таптыыбын мин албын ырабын,
    Тылбынан кумаҕы хатабын.

    Таптыыбын төрөөбүт уйабын –
    Буурҕанан биэбэйдиир биһиги;
    Кыйданыы кырыыһын уйабын –
    Поэттар манныкпыт биһиги.

    Биһиги дорҕоонноох долгуттар
    Туруору түөстэрин кимэбит,
    Тыл күүһэ тыыҥҥытын долгуттар,
    Билиэххит поэт диэн ким эбит.

    Поэт сир сокуонун кэһиитэ
    Маарынныыр биир тылы сотору…
    Айылҕа бэлэхтиир кэһиитэ
    Тыл тыынын төрөтүө сотору.

    Оҥорбут буруйбун-айыыбын
    Барытын сатана салаатын!
    Ырытыҥ мин айбыт айыыбын
    Силиһин-мутугун, салаатын.

    Эргэрбит иэйиини саҥардан
    Дьэргэтиэх сассыҥҥы саҥанан!
    Долгуну киһилии саҥардан
    Кэпсэтиэх ол кэрэ саҥанан!

    Манна дьол салгынын тыыныллар,
    Поэт ыар тыллартан салҕааччы,
    Кыратык сыньньанан тыын ыллар,
    Тыыһынча быстаҕы салҕааччы.

    Таптаабыт кыыс оҕоҥ сириитэ
    Кыракый сылтахтан буолуохтаах.
    Ол онтон хамсаабат сир иитэ,
    Кытаатан буол модун, буол уохтаах!

    Сүрэхпит ыллаатын үөрүүнэн,
    Ыарахан тыллары талбатын!
    О, поэт, үөр сайдан, үөр үүнэн,
    Аны бил эдэр саас талбатын.

    Көччөхтөр көттүлэр-дайдылар,
    Күннэрбит күөрэйдэ, көмүстээр!
    Тойуксут! Бу талыы дайдылар
    Ньуурдарын ырыанан көмүстээр.

    Айылҕа маанылаах иитиэҕэ,
    Билиэм дуо, тостору-бэттэри!
    Улуу сир уһааран иитиэҕэ
    Сүүһүнэн мин курдук бэттэри!

    1941 сыл

    1
  • ЫМЫЫ 4 сентября 2012  

    Оо дьэ,олус да уһун,барыта саас сааһынан суруллубут.

    Үчүгэйэ бэрт.Чэ туох буолуой .Кини кыырт мохсоҕол,биһиги чоппуускалар буоллахпыт.Баҕар хаһан эмэ тупсуохпут,кылбаарар кубаҕа кубулуйуохпут:)

    0
    • Дьуэгэ дьахтар 4 сентября 2012  

      Тылга тииьэ олоробун:)

      Поэзия кынаттаах атынан к8тунэн
      Арбита куйаарга ааста5а
      Уйэттэн уйэ5э тыл кууьун к8тутэн
      Оло5ун олорон ааста5а
      Киниэхэ тэннэьиэх бэттэри
      Айыл5а билигин да иитиэхтиир
      Сир Ийэ маанылаах бэттэри
      Саналыы т8р8т8н иитиэхтиир!

      0
  • Чаачар
    Чаачар 4 сентября 2012  

    Дьэ бу хос

    Ыыра
    Ыраатта
    Ыйааһына
    Ыараата,
    Дорҕооно
    Дуораанынан
    Доҕуһуолланан
    Доргуйда (улахан резонанс ылла).

    0
    • кытыыСаха
      кытыыСаха 4 сентября 2012  

      Чаачар ,Э5эрдэ! Бу Арбита хоһоонун таһааран күрэскин түмүктээн кэбистиҥ быһыылаах.

      Билигин ким ба5арар итиннэ суруллубут ононимнары сааһылаан төһө ба5арар суруйар ини. Уйбаан Арбита5а аҥар да ата5ар тиийбэт дьон буоллахпыт.

      0
      • Чаачар
        Чаачар 4 сентября 2012  

        Оо дьэ түмүктэнэр санаата суох быһыылаах

        Өссө иккис чааһа арыллара дуу? Дии санаатым... Куруһуба саатар киирбэт буолан хаалла...

        0
  • ЫМЫЫ 4 сентября 2012  

    Ити тахсыбытын кэннэ, анныгар киһи таһаарыан да куттанар.

    0
  • Сахастрелец
    Сахастрелец 4 сентября 2012  

    Арбита буолбатахпын, аллараа кэрдииспин.

    Самналлан тураахтыыр эргэ хотон.
    Тыал куулэйдээн, ардах да хотон
    Угустэрэ уө5эн, сорохторо хотон ...

    Урут дьэ, силигитэ ситэн - хотон
    Аатырара: Дьэ, бу хотон да хотон!
    Бары да мөлтуөхпут буолуо, онтон...

    Халдьаайыга мустуохпут мантан, онтон
    Куһуөру кытарыа дии, минньигэс отон
    Сытыахпыт буолуо ээ, өлөн - охтон...

    0
    • Чаачар
      Чаачар 4 сентября 2012  

      Эчи суох доҕор.

      Сахабыт тыла бараммат
      Атылыы тыл муҥурдаммат
      Ойуур охтон бараммат,
      Балык иһэ муҥурдаммат.

      Муус анныттан тутуллубут
      Собо иһэ үөстэммэт,
      Алгыстанан тутуллубут
      Дьиэ өлөр үөстэммэт.

      Туттар сэппит илиибитигэр
      Учүгэйдик сылдьыаҕа,
      Көстүбтт эйгэ илии битигэр
      Айылгыннан биллиэҕэ.

      0
  • blMblbl
    blMblbl 4 сентября 2012  

    Санаам.

    Сааһыламмат өйүм санаам,
    Суруйуо суохпун дуу, сатаан,
    Сэмэй айыыбыттан мин саатан,
    Ыыппатым манна саараан.

    0
  • blMblbl
    blMblbl 4 сентября 2012  

    Санаам.

    Сааһыламмат өйүм санаам,
    Суруйуо суохпун дуу, сатаан,
    Сэмэй айыыбыттан мин саатан,
    Ыыппатым манна саараан.

    0
    • Чаачар
      Чаачар 5 сентября 2012  

      Үтүө сарсыарла бука барыгытыгар!

      Тыл тылга киирсибэккэ
      Солуута суохтан иирсибэккэ
      Туора мастан иҥнимиэххэйиҥ
      Суолу солоон иһиэххэйиҥ.

      Оччотугар иннибитигэр
      Кэлэн иһиэ кэрэ тыллар
      Этэр тылбыт ини биитигэр
      Эһиэхэйбит күүскэ тыллар.

      0
  • blMblbl
    blMblbl 5 сентября 2012  

    Доҕотторум ,бааргыт дуо?

    Төрөөбүт төрүт тылбыт,
    Төлкөтүн түстүөҕүн.
    Эриэкэс этэр тылбыт,
    Арааһынан түстүөҕүҥ.

    Үчүгэй хоһоон үтүмэн,
    Кинини антах үтүмэн.
    Үрдүккэ сырдыа сыдьаан,
    Үөрэ ааҕыа баҕар сыдьаан.

    Мин эмиэ саха сыыһабын,
    Билинэбин сыыһабын .
    Сүтэрдим өссө Күрүһүбаны,
    Тылбынан анньыам куруһубаны.

    0
  • Чаачар
    Чаачар 5 сентября 2012  

    .

    Улдьаар төбө толкуйун
    Улахаҥҥа уурбаппын
    Улуу тылбыт киирбитин
    Уолукпуттан хостуубун.

    0
  • blMblbl
    blMblbl 5 сентября 2012  

    Көр-күлүү

    Дьикти сэмэй Кууһума,
    Дьиибэлээмэ кууһума. (ырыаттан)
    Киллэриэм дьиэбэр аһынан,
    Күндүлүөм ,минньигэс аһынан.
    Олор эн сымнаҕас олоххо,
    Ыксаама дуу ,ааһар олоххо.
    Илиигэр ылбыт хомуһун,
    Миигин абылыыр ап хомуһун.
    Дууһабар сибэкки тыллыаҕа,
    Дьукааҕым ойоххор тыллыаҕа:)
    Куотартан быстыаҕа буут,
    Сүүрэҥҥин ырыаҕын хас да буут.
    Дьикти сэмэй Кууһума,
    Сарбаҥнаама аны, кууһума.

    0
  • Сахастрелец
    Сахастрелец 6 сентября 2012  

    Мин ахтабын - эн ахта5ын, эн ахта5ын - мин ахтабын!

    Арбита омонимнарын туһанан суруйдум. Плагиат буолуо дуо?


    Нарыннык - намчытык уоскуттан ууруоҕум
    Көтө5өн ыламмын оронно ууруоҕум
    Халлаанна куөрэгэй дьырылыыр
    Тапталтан сүһүө5үм дьырылыыр.
    Тас танас уһулла о5уста
    Ис танас инчэйэ о5уста!
    Тапталым, чыычааҕым таһаата кэрэтэ
    Тэрэччи тэрэйбит эмиийин кэрэтэ
    Сэрэнэн, нарыннык – намчытык таарыйан
    Сытыахпыт куустуһан тапталы таарыйан
    Дьол, имэн имнэммит кыыһаҕын
    Иэдэстиин кыбыста кыыһаҕын ...
    Умнулла сыспыт иэйиини санардан
    Ыллатан, ытатан, киһилии санардан
    Уохтаахтык хамсанан иһиэххэ,
    Дьол, таптал утаҕын иһиэххэ!
    Тапталым охторо сурэххин табаннар
    Баҕарбыт баҕаҕын, санааҕын табаннар
    Тыыһынча иннэлэр сурэххин кэйэллэр
    Имнэриҥ иэйиинэн тиҥийэ кэйэллэр
    Уурааммын, сыллааммын уотунан сиэтэбин
    Абылыыр – алыптыыр дойдуга сиэтэбин
    Билиэхпит бу тууннэ таптаһыы уөрэҕин.
    Дьоллоно, эрэнэ, мичээрдии уэрэҕин
    Устабыт туманна уйдара, сороҕор тимирэ
    Кыыкыныыр, хаачыргыыр ороммут тимирэ
    Сэниэбит эстэн, уостан барабыт
    Сиртэн арахсан ырайга барабыт
    Ол онно бутуутэ, уохпут харыыта
    Майгынныа сааскы уу харыыта
    Сутэрэн ыллым дии, ханнаҕын?
    Баҕарбыт баҕабыт ханнаҕын!
    Суох манна буруйбут-айыыбыт
    Барытын көҥуллуур айыыбыт
    Имэммит, та5ылбыт илии битигэр
    Инники дьыл5абыт илиибитигэр!

    0
  • ЫМЫЫ 6 сентября 2012  

    Өбүгэм баайа.

    Сытаҕын буорга тимирэн,
    Дьэбиннээх эргэ тимир эн.
    Оҕустаҕа эйиигин саха ууһа,
    Махтаннаҕа киниэхэ аҕа ууһа.

    Кылбайар күөҥҥэр күн оонньуура.
    Буолбатах этиҥ оҕо оонньуура.
    Эһэбит оҕонньор киэн туттара,
    Уолан киһи харыстаан туттара.

    Эйиигин аалан,сууйабын тааска,
    Харыстаан таҥаска суулуубун баайа.
    Мусуойга сытыаҕын ып ыраас тааска.
    Ыччакка көстүөҕүн өбүгэм баайа.

    0
  • саргы 6 сентября 2012  

    сахастрелец

    баьаалыста күөспүтүн кыттыьан өрүөххэ диэн хоьооҥҥун кыратык уьатан биэриэҥ дуо ырыа5а наьаа барсар хоьоон

    0
  • Сахастрелец
    Сахастрелец 6 сентября 2012  

    Саргыга! Тугу да ыксалынан толкуйдуу охсубатым, онон атын хоһоонорбуттан икки куплеты эпт

    Нарыннык куустуһан иһиэххэ
    Куөспутун кыттыһан өруөххэ
    Тапталбыт ута5ын иһиэххэ
    Олохпут оһуорун өруөххэ

    Ыалдьыппыт дуоһуйа аһыа5а,
    Ааммытын астына аһыа5а
    Сэгэрбин махтанан ууруо5ум
    Илиибин санныгар ууруо5ум.

    Тарбаххын намчытык таарыйан
    Сылдьыахпыт тапталы таарыйан
    Дьол, имэн имнэммит кыыһаҕын
    Иэдэстиин кыбыстан кыыһаҕын

    КэтэҺэн куннэрбин барыа5ым
    Ыксааммын утары барыа5ым
    Ытыырбын мин испэр хаалыа5ым
    Сайыһан, аймана хаалыа5ым

    0
  • ыллык 6 сентября 2012  

    .

    Кэнники күппүлүөт, икки кэнники строкатын уларытарыҥ буоллар астык буолуо этэ. Хоһоон сүнньүттэн туораабыт курдук. Кыйахаммат инигин билээҕимсийбит диэн.

    0
  • Сахастрелец
    Сахастрелец 7 сентября 2012  

    Ыллык, Саргы биир дьоннут дуо? Чэ, уларыттым.

    Нарыннык куустуһан иһиэххэ
    Куөспутун кыттыһан өруөххэ
    Тапталбыт ута5ын иһиэххэ
    Олохпут оһуорун өруөххэ

    Ыалдьыппыт дуоһуйа аһыа5а,
    Ааммытын астына аһыа5а
    Сэгэрбин махтанан ууруо5ум
    Илиибин санныгар ууруо5ум.

    Тарбаххын намчытык таарыйан
    Сылдьыахпыт тапталы таарыйан
    Дьол, имэн имнэммит кыыһаҕын
    Иэдэстиин кыбыстан кыыһаҕын!

    КэтэҺэн куннэрбин барыа5ым
    Ыксааммын утары барыа5ым
    Халлаанна куөрэгэй дьырылыыр
    Тапталтан сүрэ5им дьырылыыр!

    Сурэх оннугар суһүөх диэххэ эмиэ сөп буолул.

    0
  • ыллык 7 сентября 2012  

    .

    Буо...о дьэ астык буолла. Суох доҕор мин Саргы буолбатахпын, ыал буола сатыы сылдьан кэннигэр арахсыы, сайыһыы булбутун сөбүлээбэккэ ити суруйбутум.

    0
  • саргы 7 сентября 2012  

    сахастрелец

    кэнники куплеттарын эмиэ олус учугэйдэр,ол гынан баран ис хоьоонноро атын дии. хайдах эрэ олохпут суолун устун куруук бииргэ буолуохха диэбит курдук эбитэ буоллар.

    0
  • Сахастрелец
    Сахастрелец 7 сентября 2012  

    Ыллык, олох ыарахан, түһүүлээх, тахсыылаах. Остуоруйа буолбатах.

    Остуоруйа5а эрэ барыта ыал буоллуллар, дьоллорун буллулар диэн буолар. Олоххо барыта ыал буолууттан са5аланар: үөрүү - көтүү, санаа түһүүтэ, эрэй-мун да буолуон сөп. Дьол уонна сор арахсыспат аргыстар!

    0
  • Сахастрелец
    Сахастрелец 7 сентября 2012  

    Бу барсар дуо?

    Халлаанна куөрэгэй дьырылыа
    Тапталтан сүрэ5им дьырылыа!
    Өрүүтун өйдөһө сылдьыахпыт
    Үөрүү–дьол ырыатын ыллыахпыт!

    0
    • Муора
      Муора 7 сентября 2012  

      Тапталы ыралыыр хоһооннор


      1. Сүрэхпин аһар күлүүс тыла --
      Сүүдүйэр эн сүрэҕиҥ тыла
      Сир очурдарыттан иҥнэ-иҥнэ,
      Сэгэриэм, эчи, ханна сүттэ-иҥнэ?

      Оҕо Таптал оҕо хатаммыт
      Нохтолооҕум онон хатаммыт,
      Арыйбатах уйан ис хоһоонун,
      Айбатах уран истиҥ хоһоонун.

      Бүтүннүү кини -- кулгаах иччитэ:
      Бүппэт соруктаах тойон иччитэ
      Ботугуруо кэрэх, сэгэйээри,
      Боотуругар үөрэн сэгэйээри...


      2. Оо, таптал -- сүрэх уот кыһата,
      Олох биир үөрэтэр кыһата,
      Сыыйыы тоҥ тимирдии саҥалыы
      Сымнат, ай миигин, ап-саҥалыы!

      Тахсыым ээ эллэнэн-таптатан,
      Таптыыр эр киһибэр таптатан,
      Этигэн хомустуу тылланан,
      Эймэнэ туойарга тылланан.

      Тургутуу абытай талыытын
      Тулуйан, айымньы талыытын
      Утаарыым, кыһаҕар уһааран,
      Устар Кэм үөһүнэн уһааран!

      3. Иэйиим киэҥ өрүһүн устунан,
      Истиий, эн, эн эрэ устунан
      Эллэйдии, оо, кэлэн биэрдэргин,
      Эйэҕин эрэнэ биэрдэргин.

      Итиэннэ алгыстаах ыһыаххын
      Иинэр мин таһаабар ыһыаххын,
      Аата суох хочону ааттааҥҥын,
      Айыы суо хотуннуу ааттааҥҥын.

      Тууйуллар бэйэкэм кэҥээммин --
      Туймаада кэриэтэ кэҥээммин,
      Алаарыам таптатар иннигэр,
      Айыы хаан баатыр, эн иннигэр...


      4. Ыар олох баттыгын уйан
      Ырбыт мин тапталым -- уйан,
      Өһүөн батталыгар хатан
      Өрөгөйдөөн, эмиэ да хатан:

      Иэйии ибир ардаҕынан кууһа
      Илгийиэ ил тыала-кууһа, --
      Кыыһыа уйгулаах кэмҥин аһа,
      Кыһыл отоннуу, сүрэҕиҥ аһа;

      Ону Тапталым оҕунан ытыа, --
      Оргууй аҕыалаан оччоҕо ытыа,
      Ыллыа сиппит сүрэх сүмэ-тылынан --
      Ырайбытын аһар күлүүс тылынан!

      0
  • саргы 7 сентября 2012  

    сахастрелец

    олус барсар,сурэ5им диэн оннугар сурэхпит диэххэ.Махтал, эссэ да
    истин иэйиилээх хоьооннору суруйа тур.арааьа аралдьыттым дуу чаачар мө5өрө буолуо .

    0
    • Чаачар
      Чаачар 7 сентября 2012  

      Саргыга-"Эчи суох доҕоччуок."..

      Ким тугу саныырын этэрэ манна омнуоламмат. Этии-сүбэ баар буоллаҕына сайдарбыт түргэтиир.

      Саха Сааһытын хоһоонноро
      Дьиҥ иһин ис хоһоонноро
      Ис киирбэҕинэн өйдөнөр
      Ааҕар киһини сөхтөрөр...

      Мин үөрэбин, Куруһуба саҥа сүүрээн киллэрбитин,хоһо тохтоон турбатын,
      Ити дьикти сүүрээн уматыыта ырааппытын сөҕөбүн.

      Муора этэр тыллара
      Сибэккилии тыллара
      Өрө үүнэн тыыллара
      Үөһэ диэкки тыыллара...

      0
  • саргы 7 сентября 2012  

    Оо,Муора, эн хоьоонноруҥ таптал муората

    !!!!

    0
  • Сахастрелец
    Сахастрелец 7 сентября 2012  

    Чаачартан ыйытыым дуу?

    Арбита омонимнарын туһанан суруйбутум плагиат диэн буолуо дуо? Бэлэм омонимнары ту7анар сыы7а буолара дуу?

    0
    • Чаачар
      Чаачар 7 сентября 2012  

      Саха Сааһытыгар

      Ханнык баҕарар сахалыы тыл,ким да бас билиитэ буолбатах. Ол аата эн бэйэҥ биэрбит ис хоһооҥҥунан суруйууҥ, ол бэйэҥ киэнэ.Итиннэ Арбитаҕа махтаныахха эрэ сөп, өй уган биэрбитигэр... Ити плагиат буолбатах.
      Арай эн биир айымньыны(атын киһи киэнин) бүтүннүү бэйэм киэнэ диэн таһаарар буоллаххына,дьэ ооччоҕоно плагиат диэххэ сөп. Ити биир үксүн мелодияларга эрэ баар суол, хоһооҥҥо ити хайдах да табыллыбат.

      0
  • Сахастрелец
    Сахастрелец 7 сентября 2012  

    Эмиэ да сэпкэ этэ5ин эрээри.

    Классиканы бюэйэм тылбынан, эйдуурбунэн конспектаабыт курдукпун дии?

    0
    • Чаачар
      Чаачар 7 сентября 2012  

      Эн бэйэҥ тылгынан конспектаабыт буоллаххына

      Онтукаҥ максимум копирайтинг таһымыгар киирсэр(рунет бизнеһын тыла),хайдах да плагиатка киирсибэт,Сахалыы эттэххэ сүһэн ылыы диэххэ сөп,ити хардыы ахсын баар суол. Ол хайдах да уорууга киирсибэт.
      Ити кутталгын устуоххун наада,оччоҕоно эйиэхэ айымньы алып аартыга арылла түһүө.:-))

      0
  • Сахастрелец
    Сахастрелец 8 сентября 2012  

    Чаачарга! Гаврильева Арбита5а анаммыт тобугар ити мин

    Арбита омонимнарын туһанан суруйбут хоһооммор биир этиибин кавычкалаан суруйуон этэ диэбит. Кыыкыныыр, хаачыргыыр ороммут тимирэ - диэни. Хаачыргыыр орон диэн Умсуура айбыт тыллара онон бэйэн айбыт курдук кавычката суох суруйарын сыыһа диэбит. МИН билбэтим элбэх буолла5а, сэрэхэчийэн барытын кавычкалыы сылдьыыһыкпын курдук балаһыанньа уэскуур эбит. Мин иннибинэ син биир ким эрэ, ханна эрэ итинник санарыан, суруйуон сэп буолла5а ээ.

    0
  • Кружево
    Кружево 8 сентября 2012  

    Талахха мустубут ырыаһыт чыычаахтар курдуккут.

    Барыгытыгар үтүө сарсыарда буоллун.Топпун сэҥээрбиккитигэр, киирэн ыалдьыттаан ааспыккытыгар махтанабын. Кырдьык, этэргит курдук хас биирдии хоһоон, оҕоҕут тэҥэ буоллаҕа. Онно сыана быһан кэбиһэр хайдаҕа буолла? Мунааран олоробун. Мин ааҕарбынан 16 киһи кыттыбыт. Чаачары кыттыһыннарбатым. Бэйэтэ кыттыбатын туһунан биллэрбитэ. Чэ, кинилиин 17 диэххэйиҥ. Аны, онуспут чугаһаата. Хайдах дьаһанабыт? Киэһэ киирэн көрүөм. Туох этиилээххитин биллэрээриҥ.

    0
  • ыллык 8 сентября 2012  

    .

    Дьэ оччоҕо хас саҥарбыт тылларын аайы патент ылан истиннэр ээ. Оннук хас киһи саҥарбытын барытын испиэһэктээн истсннэр. Сомоҕо домохтору эмиэ барытын туттар буоллахпына эмиэ кавычка иһигэр суруйан иһииһибин дии. Мин айбатах тылларым буоллаҕа.

    0
    • Муора
      Муора 8 сентября 2012  

      Сахастрелецкэ

      Этиэн буолаарай, ол А. Гаврильева Арбита5а анаммыт туоба хайа форумна баарый? Кердеетум да, булбатым...

      0
      • Кэбуки
        Кэбуки 8 сентября 2012  

        ок, киһи ситэн аахпат элбэх холонуу суруллубут ))) бэрт да бэрт.

        Гаврильева Арбыытаҕа анаммыт туоба "Мегино-Кангаласский" форумҥа баар этэ.

        0
        • Муора
          Муора 8 сентября 2012  

          Махтал, Кэбуки!

          0
          • Муора
            Муора 8 сентября 2012  

            Эн эрэн

            Барыта ааһыаҕа, күн-дьыл устан,
            Бараныа дьылҕаҥ бүтэһик чааһа,--
            Быраҕыаҥ эккин таҥастыы устан...
            Быычыкаан-- киһи өлүүтэ-чааһа:

            Төһө да төлкөтө үллэ туоллар,
            Тэһэҕэс буолан, көҥү түһээхтиир,
            Түүлүгэр эрэ томтойо туоллар
            Түстээх олоҕу кини түһээхтиир.

            Өлүү илгэҕин иһэн хаалыахтыы,
            Өрүү бэйэҕэр эрэ хаалыахтыы
            Өрүсүһэриҥ сүөлүн да иһин,
            Өйдүүбүн мин сүрдээҕин ол иһин...

            Айбыккар, Аар кэскилгэр ол эрэн
            Айах тутаҥҥын, искэр наар эрэн.

            0
            • Муора
              Муора 9 сентября 2012  

              Эбэлии алгыс

              Эргэрбит иһиттии уһуйан
              Эстиэхпэр диэри мин тохтуоҕум
              Эмэн кэс иэйиинэн, уһуйан
              Эйигин. Итиэннэ тохтуоҕум...

              Иҥэриэҥ эн сааскы өҥ сирдии
              Илгэлээх алгыспын, сиэн оҕо,
              Имэҥнээх сайыҥҥар өр сирдии
              Истэрбин, айыллыаҥ -- дьол оҕо:

              Тапталым куоһаабыт кустуга,
              Таба эн түһээр тус аналгар.
              Ардаҕым хаалларбыт кустуга,
              Арылхай буолаар Түс-аналгар.

              Иэйэхсит-эрэлбин эһимээр:
              Иэйэр ис дьиҥҥин киэр эһимээр.

              1
              • Муора
                Муора 9 сентября 2012  

                Сүүрдэн ис

                Букатын буолума нэс оҕус:
                Бука диэн дугдуруй да, оҕус.
                Бириэмэ диэн быһый эн аттан,
                Бииртэн биир биэтэккэ, чэй, аттан.

                Кистэлэҥ айылгыҥ истэн-ис
                Күүстэрин арыйа, сүүрдэн ис.
                Дьылҕаҕар баар бары аччык-аас
                Дьайы эн үрдүнэн дайан аас.

                Кэннигэр көй элбэх көстөрү
                Кэбиһэ көтүтүүй, ситээри
                Иннигэр туох саҥа көстөрү, --
                Итиэннэ муҥутаан ситээри!

                0
                • Чаачар
                  Чаачар 10 сентября 2012  

                  Муораҕа -Дьэ дьикти

                  Хантан итинник тыллары
                  Таһаардыҥ тобулан тыылларан?
                  Ханнык да хоһоонньут тылларын
                  Таарыйбат курдукка дылыгын.

                  Айылҕа бэрсибит бэлэҕэ
                  Аараттан кэллэҕэ дэлэҕэ?
                  Айдарыы күүһүнэн тиэртэҕэ
                  Айымньы талаанын эттэҕэ.

                  0
                • Муора
                  Муора 10 сентября 2012  

                  Эн көмүс

                  Миигинниин, сэгэриэм, эн көмүс
                  Миҥэбин -- иэйиибин, кэл, көмүс,
                  Сүрэҕиҥ сэмээр уот аһыйа
                  Сүүдүйэн, кэмэ суох аһыйа...

                  Амарах харахтыы көрөр күн
                  Аннынан көппүтүм хас да күн
                  Олоҥхо түмүгэр аттанан
                  Олохтон, кынаттаах аттанан.

                  Оттон эн... мэҥэстэн биэрбэтиҥ,
                  Оргууй чээл сирэмнии биэрбэтиҥ
                  Иэйиибэр өҥ тыыны, мин илгэ
                  Истиҥмин ааныттан киэр илгэ.

                  Күөх окко үктэнэн көрбөккө
                  Көнньүнэн өллө дии, көрбөккө
                  Аттыгар эйиигин -- Айыытын,
                  Арааһа, бэйэтин айыытын...

                  Миигинниин, сэгэриэм, эн көмүс
                  Миҥэбин -- иэйиибин, кэл, көмүс.

                  1
  • Нууралдьыйа
    Нууралдьыйа 8 сентября 2012  

    Бастакы бастыҥ Ымыы!

    Иккис-Муора, үһүс-Чаачар диэм этэ)))

    0
    • Чаачар
      Чаачар 8 сентября 2012  

      Б

      0
      • Чаачар
        Чаачар 8 сентября 2012  

        Бэйи эрэ бу

        Мин күрэскэ суохпун ээ...Иккистээбит киһиэхэ бириис аныахтаах этим.
        Хотун бэйэтэ киирэн быһаарара дуу?

        Саха
        Сааһытын
        Суруйуута
        Суола ииһэ
        Суох хаалара
        Сатаммат,
        Сааһылаабыт тыллара
        Саталлаахтык кииртэрэ.

        0
  • Кырбый кыырт 9 сентября 2012  

    Үтүө күн, кэрэни дириҥник хорутан өйдөөччүлэр

    Сиэр сиппит,
    Хоһоон бөҕө айыллыбыт
    Поэт пегаһы сиппит
    Биир тыыҥҥа баайыллыбыт,
    Доһуйа билистибит
    Баһаам баайы ыллыбыт.
    Хааһахпытыгар симтибит.
    Куруһуба, Чаачар, сарсын хайы сах 10 буолар дии. Мин суох буолабын онон бу киэһээ сүбэлэһэн кэбиһэбит дуо? Что к чему.

    0
  • Сахастрелец
    Сахастрелец 9 сентября 2012  

    Сарсын барыта быһаарыллыа!

    Куннээх сайын көмус куө5э
    Тапталлаахпын көмускуө5э
    Көмус куһун утуөрдуө5э
    Ыарыытын өһулэн уөрдуө5э!

    Чыычаа5ым, эрэлгин эн эһимэ,
    Тапталгын кый ыраах эһимэ.
    Ыарыы, дьай сохсотун эһимэ!
    Куһуммут сайыны туһуөҕэ
    Санаакан сырдаахтыы туһуөҕэ
    Куөрэгэй чыычаахпыт көтуөҕэ
    Тапталбыт уөруөҕэ - көтуөҕэ!

    Куну таптыыр, кунтэн уөрэр,
    Оҕо курдук кулэр - уөрэр
    Көтөр – дайар ымыы чыычаах
    Утуөруөҕун, итэҕэй чыычаах!

    Айыыларбыт абыраан
    Чыычааххытын көмускээн!

    1
  • сэр сэм 9 сентября 2012  

    Оо дьэ, барахсаттар суруйан субуруппуттара элбэ5ин!

    Мин үөн-күрдьэ5э хоһооммун күрэстэһэ диэн биэрбэтэ5им, таах, дьээбэ курдук. Бириэмэ кырыымчыгынан барыгытын ситэ аахпатым, тус бэйэм санаабар Муора5а туох эрэ баар курдук. Оонньуу-оонньуунан, ол эрээри кэнэ5искитигэр аһары биир халыыбынан үлүһүйүмэҥ диэн сэрэтиэхпин ба5арабын. Орох диэбиккит оронон тахсыбат оборчо буолан хаалыан сөп. Истиил, куорума арааһа муҥура суох, барытыгар холонон баран тус бэйэ5ит суолгутун була сатаан. Арбыыта5а тэҥнэһэр кыаллыбата да буолуо, ол гынан баран ба5ар атыннык да этэн-тыынан киниттэн да ордор то5о кыаллыа суо5ай? Барытын кэм-кэрдии эрэ дьүүллүүр кыахтаах, чыын-соло, биир күннээх аат-суол тугу да билбэт, ону Арбыыта да оло5о дьэҥкэтик көрдөрдө. Саха тыллаах баарын тухары кини аата умнуллуо суо5а. Арбыытаны алыс арбыыр дии санаамаҥ, хаһыстахха киниэхэ да сыыһа-халты үгүс бөҕө буолла5а, күн да эбирдээх дииллэринии.

    0
    • Муора
      Муора 9 сентября 2012  

      Сэр сэм, миэхэ ол туох баарый?

      Бука диэн, этиэн буолаарай? Никкэр киириэн дуо, пагергар суруйан ыйыталаьыахпын? Эн сепке этэ5ин. Куорма5а хаайтарыы мин ыарыым буолан эрэр быьыылаах.

      0
      • сэр сэм 9 сентября 2012  

        Һмм...

        Чэ, кылгата со5ус эттэххэ дьиҥнээх хоһоон диэн көннөрү тугу эрэ дьүһүйүү-хоһуйуу буолбатах, бу тус бэйэҥ санаа5ын-иэйиигин дьоҥҥо тиэрдии, лоп-баччы гынан баран онон-манан сонуннук оһуордаан-эриэккэстээн ылан, киһи өйүгэр хатанар гына. Ол эйиэхэ баар курдук.

        0
        • Муора
          Муора 9 сентября 2012  

          Махтал хардарбыккар!

          Дьон буолла5ына, хоьооннорбун ейдеебеттер ээ.Кинилэргэ айымньы судургу, ис киирбэх буолара быдан истин-чугас быьыылаах.

          0
          • сэр сэм 9 сентября 2012  

            Былыр да, быйыл да сахаларга ырыа-хоһоон өйдөбүлэ буккуурдаах со5ус.

            Поп-культура диэн атын, таһымнаах литература диэн атын буоларын киһи эрэ барыта өйдөөбөт, оннук буолуо да суохтаа5а буолуо. Тус бэйэм, холобура, Б.Сэмэнэп Арбыыта хоһоонноругар ырыа суруйан ыллыырын биир өттүттэн кинини тилиннэрэр суол быһыытынан өйүүбүн, атын өттүттэн ыллахха ырыа5а син биир аан бастаан ырыаһыт аата ааттанарынан, мууһука5а-тас көстүүгэ о5устаран ырыа тыла түгэххэ түһэринэн, үксүгэр уларыйан-тэлэрийэн ис хоһооно да алдьанарынан итини биир суолтан атыҥҥа халыйыы курдук көрөбүн.
            Ол курдук Пушкин, Лермонтов, Есенин хоһоонноругар ырыалары иһиттэхпинэ үксүгэр "иһим буһар". Бу искусство атын-атын көрүҥнэрэ, хоһоон хайаан да ырыа буолуохтаах диэн сыыһа өйдөбүл.

            1
            • Муора
              Муора 9 сентября 2012  

              Айымньылар араас-араас таьымнарын, ол аата, араара уерэниэххэ наада буолла5а.

              Эн тылбааьы кыайа-хото тутар эбиккин. Учугэйэ сурдээх. Мин сана кыралаан холонон эрэбин. Дьоппуон дьахталларын хоьооннорун тылбаастыы сатыыбын. Онно кердехпунэ, хоьоон ис хоьоонуттан теьетун эрэ куорма сырсыытыгар сиэртибэлииргэ тиийэр эбиккин. Ол теье себуй?

              0
              • сэр сэм 9 сентября 2012  

                Биир тылтан атын тылга ис хоһоонун 100% тиэрдэр кыаллыбат да5аны.

                Икки тыл дэгэтин өйдүүр эрэ киһи холонор. Ол аата, холобура, эн этэриҥ курдук дьоппуон тылыттан сахалыы тиэрдэргэ быһа холоон маннык суолунан тиийэ5ин: дьоппуон - английскай - нуучча - саха. Итиннэ төһөлөөх сүтэрэ буолуой? Онтон куорманы, сүһүөҕүн ахсааныгар тиийэ тутуһуу - бу дьиҥнээх тылбаас сүрүн ирдэбилэ. Ону кыайа тутар тылбаасчыт ахсааннаах, бу үлэ туспа ньыманы, дьо5уру, эрэйдээх үлэни эрэйэр. Онтон атына "авторизованнай тылбаас" буолар, ол куһа5ан диэн буолбат эрээри дьиҥнээх тылбааска киирсибэт. Онон мин билэрбинэн нууччалыы-сахалыы эрэ холонобун, Пушкин Гейнеттан ылбыт хоһоонун "Гейне киэнэ" диэн сахалыы саҥардарбын суобаһым көҥүллээбэт, ниэмэстии билбэт эрээри...

                1
    • Муора
      Муора 9 сентября 2012  

      Оттон нууччалыы тылбааьы туьаммыппын ыйан туран таьаартардахпына син ини?

      0
      • Муора
        Муора 9 сентября 2012  

        Сэр сэмнэ

        Кыра маастар-кылааьын иьин махтал. Олус бэркэ, сиьилии быьаарар эбиккин. Уерэнээччи курдук сананан ыллым. Кырдьыга да, уйэбит тухары уерэниэхпит турда5а.

        0
      • Чаачар
        Чаачар 9 сентября 2012  

        Үтүө киэһэ бука барыгытыгар!

        Мөккүөр төрдүн билбэтэрбин даҕаны кыттыһан көрүүм,тылбаас өттүгэр баҕас тугу да ырыҥалаппаппын, син туох эмит сурулунна ини суруллубата ини, ол гынан баран син киһини "интригуйдуур"-таарыйар айымньылар тахса тураллара саарбаҕа суох.Ону ким да тохтоппот ким даҕаны ону таһымын быһаарбат. Ити син биир үөһээттэн этэн биэрии курдук кэлэр(бэлиэ),ону кимтэн да харыһыйбакка,дьону кытта тэҥҥэ үллэстэр ордук дии саныыбын.
        Оччотугар эйиигиттэн тугу да ким да, харыһыйыа суоҕа дии саныыбын.
        Ити мин тус бэйэм санаам.

        0
        • Чаачар
          Чаачар 9 сентября 2012  

          Ким эрэ тугунан эмит

          Дьону баһыйабын диэн санаалаҕа бу киһи таһымын быһаарбат.
          Ким эмит "дьоҥҥо тугу эрэ киллэрдим быһыылаах диэн" өйдөбүлгэ киирбит киһи-бу киһи таһымын үрдүкүлэр быһаараллар(алтыс халлаан)...

          0
          • Чаачар
            Чаачар 9 сентября 2012  

            Ол курдук Омар Хаям

            Хоһоонноро хас үйэҕэ, хас омук тылыгар тылбаастаммыта биллибэт.Билигин да тыыннахтар.Иван Арбитаны мин оҕо эрдэхпиттэн истэр этим да ахсарбат этим.Ол саҕана хоһоону төрүт да испэр киллэрбэт эбитим буолуоҕуттан буолуо.Оттон бу аҕыйах хонуктан, кини үлэлээбит үлэтин хасыһан көрөн бараммын...Дьэ кырдьык биир киһиэхэ ити ама кыаллыбыта буолуо дуо?-диэн өйдөбүл тахсан кэлэр.Ол гынан баран,итинник үлэ бэриллибитин кэннэ,ону дьоҥҥо-сэргэҕэ хаалларбыттара махталлаах суол.

            1
    • blMblbl
      blMblbl 10 сентября 2012  

      Сэр Сэм

      Дьэ кэһэппиккин дии.Муораҕа эрэ туох эрэ кыра баар.Атыттар тохтооҥ -диэн өйдөөтүм ээ.Дууһа ыллыыр ырыатын,сүрэх күүтэр ыратын,хомолто хараҕын ууларын,кистэлэҥ килбик тапталы,уолан киһи тойугун,дьолу түстүүр алгыһы барытын хайдах эн биир тылынан саба быраҕан сыана быһаҕын,бар дьон истиитигэр таһаардыҥ?Уруккуттан билсэр дьон быһыытынан саатар убаастаан даҕаны итинник суруйартан туттунуохха сөп этэ буолбаат,эбэтэр пагер диэн баар дии.

      0
  • Кружево
    Кружево 9 сентября 2012  

    Бары күрэскэ кыттыбат аатырбыттар.

    Ким кыттарын билэн баран онтон таллахха хайдаҕый? Эбэтэр "меценаттар" ханнык хоһоону сөбүлээбиттэринэн дуу?

    0
    • Чаачар
      Чаачар 9 сентября 2012  

      Куруһуба эҕэрдэ!

      Хата киирэр күннээх эбиккин дии.Мин сарсын түмүккэ кыайан сылдьыбат буоллум быһыылаах.Бэйэҥ дьону ыҥыран быһааран көрүөҥ буолаарай? Куоластааһын чэрчитинэн дуу хайдах дуу?Билигин аны"талааным"кыаттарбакка мелодистар күрэстэрин быһаара бардым, этно-рок киэнин.Хаһан эрэ соло гитараҕа ,"золотой рок" бирииһин индивидуальной көрдөрүүгэ бастакытын ылан турабын(бакыр тарбахтарбынан).Ханты-Мансийктан иҥин кэлбиттэрэ. Новосибирскайга баран иннибин биэрбэтэҕим(хроматическай гамма эрийиитигэр)

      0
      • Кружево
        Кружево 9 сентября 2012  

        Хоһоон бөҕө төрөөбүт)))

        Оҕолоох дьон Арбыытаҕа, Байбал Сэмэнэпкэ махтаныҥ. Чэ, уонна миэхэ)))

        0
      • Кружево
        Кружево 9 сентября 2012  

        Чаачар, саамай быһаарыылаах түгэҥҥэ барар эбиккин дии.

        Талааннаах уолу көҥүллээн ыытар буоллахпыт. Ханнык баҕарар айымньыны бастакы, иккис диэн быһаарар сыыһа быһыылаах. Баҕар айымньыны кыайан өйдөөбөтөх да буолуохпун сөп эбит. Кэлин, олох хойут ол киһи таһымыгар тиийиэхпин эмиэ сөп курдук дии. Ону да тиийдэхпинэ. Аттар сүүрүүлэрэ буолбатах буоллаҕа.

        0
        • Чаачар
          Чаачар 9 сентября 2012  

          Мин санаабар ыксаабакка эрэ

          Куоластааһыны оҥоруохха сөп. Бу хоско киирбит дьоннортон(Одьунаас сүппүтэ хомолтолоох:-( ). Саатар манна ол кыттыспыт дьон таһымын быһаарарга мин оннук(компетенсиялаахпын дуо?)-суох буоллаҕа дии...
          Бэҕэһээ эрэ хомоҕой хоһоон холонуутун хоннохпуттан хостуу сатаабыт киһи буоллаҕым дии.Бэйэм санаабын этэр буоллахха: дьүүллүүр дьоҥҥо:Куруһуба
          Кырбый кыырт,Саргы быһаараллара ордук курдук. Сөбүлээн аахпыт хоһооннорум:ЫМЫЫ, Саха Сааһыта(Сахастрелец),Муора курдук талааннары туора быраҕар сатаммат курдук.

          0
          • Чаачар
            Чаачар 9 сентября 2012  

            .

            Кытыы Саханы ыҥыран
            Көрөрүм дуу
            Кыайыылааҕы быһаарарга
            Кыттыһан көрөрө дуу?

            0
            • Куруһуба 9 сентября 2012  

              Тоҕо, кытыы Саха?

              0
              • Куруһуба 9 сентября 2012  

                Мин бэйэм эрэ сөбүлээбит хоһооммун бастатыахпын баҕарар буолуум)))

                Аны ону атыттар утардыннар? Сарсын күнүс 12ч хоһооннору тутан бүтэбит))) Онтон куоластааһын саҕаланар. Арай маннык диэтэхпинэ сөбүлэһэҕит дуу?

                0
                • сельчанка
                  сельчанка 9 сентября 2012  

                  бутэьик тыл туобу арыйбыт киьиэхэ Кружевога буоллун

                  Оттон бэйэм саныахпар бириискэ харчы угабыт диэччилэр бэйэлэрэ быьаардыннар,элбэх хоьоон суруйбут дьонтон биир эрэ учугэйин талагыт,ол кэннэ сыымайдаан ким 1,2,3 буоларын бэйэгит быьааран баран эппит харчыгытын угар буоллаххыт дии, только бастакы 500 буоллагына соответственно суммата кыччаан истин ээ, бастаабыт киьи саныырыгар да астык буолуо, ус киьи 500 ыллагына хайдах эрэ ким да бастаабыта биллибэт астыга суох курдук буолар дии, оттон дьонтон мнение хомуйар буоллаххытына,учугэйдик ааган баран кэнники суруйуогум

                  0
  • Чаачар
    Чаачар 9 сентября 2012  

    .

    Хайдах да диэбит иннигэр
    Хотуу тыла бэриллэр
    Хос арыйбыт киһиэхэ
    Хотуҥҥа -Куруһубаҕа.

    Хоһоон тылын барылын
    Хоһулууну барытын
    Хото этии тылларын
    Хоттохторо буоллаҕа.

    Хоһоонньут буолбатахпын
    Хоһуун тылы сэргиибин
    Хостоон ылбыт тылларын
    Хоннохторбор уктуоҕум.

    Бу топ киирэн үлэлээбитэ миэхэ наһаа элбэх сүүрээни укта, Кружевоҕа махтанабын. Ол эрэ буолбатах, манна киирэн кыттыспыт дьоннор бэйэҕит да билбэтинэн улахан кылаат(вклад) уктугут, саха тыла сайдыытыгар.

    0
  • Кружево
    Кружево 10 сентября 2012  

    Бүгүн балаҕан ыйын 10 күнэ.

    Хайдах кыайыылааҕы быһаарарбытын ыйыталаһан көрдүм. Кэтэһэ сатаатым. Эппитим курдук хоһооннору күнүс 12 дылы ылабыт. Хоһоон суруйбут дьон бары кыттаҕыт. Чаачартан ураты. Чаачар хара маҥнайгыттан пагербар суруйан аккаастыырын биллэрбитэ, ол иһин. Киэһэ киирэн көрүөм. Санааларгытын суруйуҥ.

    0
  • Сыр5ан
    Сыр5ан 10 сентября 2012  

    Суруктарым мин биир таптыыр киһибэр,тоҕо эрэ барбаттар.

    Ахтаммын аҥарым буолла.

    0
  • ЫМЫЫ 10 сентября 2012  

    Оо дьэ,саҥа кэлэн көрдүм ээ.Муора үчүгэй хоһооннору суруйбуккун

    Мин биир бүтэһик хоһооммун успейдаан киллэрбэккэ хааллым.Эппитим курдук Сахастрелецкэ куоласпын биэрэбин.Ол кэнниттэн Муора.Кырбый Кыырт,Кытыы Саха,Сельчанка,Нууралдьыйа,Кэбуки да бэртэр ээ.Арай Сэр Сэм сэмэй кылаатын соччо сөбүлээбэтим(кыыһырбат инигин)

    0
  • Кэбуки
    Кэбуки 10 сентября 2012  

    Барыгытын да сөбүлээн аахтым , өссө да суруйаргыт буоллар...

    Мин Муора, ЫМЫЫ, Сахастрелец диибин.

    0
    • Дьуэгэ дьахтар 10 сентября 2012  

      Мин эмиэ куоластыыбын,

      Муора, Ымыы, Сахастрелец. 8сс8 да суруйа турун,сурэ5и-быары ортотунан киирэллэр, эчи, олоро тустугут да суруйан иьэргит киьини с8хт8р8р. Мин турукка эрэ киирдэхпинэ биир эмэ лоскуй тыл, строка киирэн эрэйдиир. Соро5ор тыл к8рдуу сылдьар буолан хаалан испэр кыыьыра саныыбын. Куруук топка киирэн ымсыырар курдукпун.

      0
  • Сыр5ан
    Сыр5ан 10 сентября 2012  

    Сахастрелец

    Муора,Нууралдьыйа.
    Онтон суругум син-биир барбат.

    0
    • Муора
      Муора 10 сентября 2012  

      Уьун улугуруубуттан уьугуннара туспуккут иьин, бу хос олохтоохторугар, ыалдьыттарыгар бар5а махтал!

      ЫМЫЫ "Оьуор-ойуу айыл5ам", Сахастрелец "Эйиэхэ кэьиибин ууруо5ум" диэн этэ дуу, Ырыачай "Сир аьын мунатыныыта" диэн хоьооннорун чорботуом этэ.

      0
  • Саргы 10 сентября 2012  

    Үтүө киэьээнэн уран тыл уустара!

    Биллэн турар бутэьик тыл хос хаьаайкатыгар Куруьуба5а бэриллэр.Чаачар туобу иилээн-са5алаан ыыппытыгар улахан махтал!! Саргылаах санаа5ын саҥараар диэбиккит иьин санаабын этээри та5ыстым.Балаьыанньа быьыытынан хоьоон кээмэйэ суьуэ5э тэҥ,формата ис хоьооно учугэй буолуохтаах диэн этэ.Ону барытын аахсан туран мин бастакы миэстэни Муора "таптал ыралаах хоьоонноруттан" үһүс хоьоонугар,иккис миэстэни Ымыы "Өбүгэм баайа"хоьоонугар, уьус миэстэни Ымыы "Оьуор ойуу айыл5ам" хоьоонугар биэриэм этэ.Сахастрелец тэттик хоьоонноро наьаа учугэйдэр,уьун хоьоонноро соро5ор куплеттан куплекка ситимэ суох курдук буолар эбит."Куэспутун кыттыьан өруөххэ", "Кэллэргин кэьиибин ууруо5ум" диэн хоьоонноро наьаа учугэйдэр.Кинилэргэ аа5ааччылар бириистэрин биэриэм этэ.Сорох хоьооннор наьаа "сложнайдар", эйдуургэ ыарахаттар диэхпин ба5арабын.Чэ ити мин санаам,дьиҥинэн бириис туруорбуттар сыаналыахтаахтар,ол гынан баран балаьыанньаны тутуьуохтаахтар.Онон Муора, Ымыы,Сахастрелец.

    0
    • Уруйдаан 10 сентября 2012  

      Керен ааспыт.

      Ымыыга:
      Эн Сэр Сэмнгэ суруккун аллараа суруйуоххун.

      Куруук киирэн аа5ар дьон, уруккуну кербекке санга туох эбиллибитин киирбэтэх кэмнэриттэн аллараа аа5аллар.
      Атыттар буолуо дуо, онноо5ор Сэмин да булан аа5ара саарбах.
      Аллараа еттюгэр суруйан ис.

      0
  • Кружево
    Кружево 10 сентября 2012  

    Куоластааһын түмүгүнэн

    1-Муора, 2-Ымыы, 3-Сахастрелец. Муора, телефонуҥ № пагербар ыыт. Кыттыбыт, куоластаабыт дьоҥҥо махтал. Аныгыскыга эмиэ кыттаарыҥ.

    0
    • сельчанка
      сельчанка 10 сентября 2012  

      Саргы,

      Олох тыл уорэхтээгэ курдуккун дии, согобун эрэ ырытыын учугэйиттэн, оттон кыайыылаахтарга эгэрдэбин тириэрдэбин, чахчы да кыайыахтарын кыайдылар, оссо да айа-тута турун.

      0
  • blMblbl
    blMblbl 10 сентября 2012  

    Муора,кыайыыгынан эҕэрдэ!

    Күндү дьүөгэм!Күндү көһөҥө көмүс тылыҥ үүнэ, үөскүү турдун,үөрүүнү билбит өрөгөй тылыҥ үрдүккэ көтүттүн,сырдыкка тардыһар саталлаах тылын сандаара умайдын,дьолу туойар дьоһуннаах тылын дьолуота үрдээтин!

    Сахастрелец-таптал таҥарата-таптал туһунан айбыт хоһоонноруҥ олус үчүгэйдэр.Миэхэ да эн тылыҥ баар буолбат ээ.Тапталы туойууга эн бастыҥҥын!Уҕараабат уохтаах иэйии эйиигин арыаллаатын


    Куруһубаҕа-бу тобуҥ иһин дириҥ махталбын этэбин.Сүтэ сылдьыбытыҥ эрэ соччото суох этэ.Аныгыскы сырыыга күрэҕэ суох буоллар .Баардаах баара батарбат-син биир кыттыһыа этибит.

    Чаачарга-Харчын-приһин оннугар төрөөбүт күммүнэн ,бу ый 27 күнүгэр ,миэхэ эрэ анаан хоһоон суруйдаргын:)Харчы уктаххына арааһа хомойорум буолуо:)


    Кыттыбыт дьоҥҥо-Хоһоонноргутун барытын сэргээн аахпытым.Дьиҥинэн поэт буолбатах дьонно син бэрткэ суруйдубут дии саныыбын.Сорох сорохтор омоним диэни чуолкайдык да билбэт этибит дии.Мин хааччахха хаайтаран суруйары соччо сөбүлээбэтим.Кэлэр да өртүгэр көрсүөхпүт дии саныыбын.

    0
  • саргы 10 сентября 2012  

    сельчанка баьыыба

    олох тылга да, хоьоонно да сыьыаным суох, ол гынан баран эбугэлэрбиттэн ба5ар туох эмит бэриллибитэ дуу диэммин эрэнэр буоллум эн топкар киириэхпиттэн ыла,онон эн үтүө бэ5элээххун.

    0
  • Колобок 11 сентября 2012  

    Барытын сэмээр аахтым)

    Манна ынырыллыбытым эрээри эьиэхэ холоонум суох буолан кыттыбатым( Наьаа учугэйдик айа5ыт-суруйа5ыт, олох тыл уерэхтээхтэрин курдук(эбэтэр оннук эбитэ дуу?))дьууллуур субэ сепке быьаарда, ол эрэн бэйэм сахастрелец хоьооннорун себулээтим)

    0
  • Сыр5ан
    Сыр5ан 11 сентября 2012  

    Сүүһүнэн суругу суруйдум

    Суруктарым барбаттар,мин игнорга олоробун(((.

    0
  • Кружево
    Кружево 11 сентября 2012  

    Муора, харчыҥ киирбит дуо?

    Биллэрээр эрэ.

    0
    • Куруһуба 13 сентября 2012  

      Хайа, "меценаттар", тылгытыгар турдугут дуо?

      Биллэриҥ эрэ. Миэнин Муора туппут үһү. Манна тоҕо эрэ биллэрбэтэх(((

      0
  • Нууралдьыйа
    Нууралдьыйа 14 сентября 2012  

    Үтүө сарсыарданан!

    МТС сибээһэ мөлтөх сиригэр сылдьабын, онон модемым сороҕор бытаана бэрт буолан, бу тобу саҥа өҥөйөр дьоллоннум.
    Күрэх түмүгүн билээри баҕа бөҕө этэ. Бириистээх миэстэлэргэ тиксибит дьоҥҥо эҕэрдэ! Онноо5ор миигин эмиэ бэлиэтээбит дьоҥҥо махтал, соһуйдум))) Стрелец хоһоонньут бэрдэ кистэнэ сылдьыбыт эбит, урут онто биллибэт этэ дии, эбэтэр саҥардыы таптал дьолун-сорун билбититтэн айар илбистэммит эбитэ дуу)))
    Бу олус уустук соруктаах күрэҕи тэрийбит Куруһубаҕа туспа махтал, өссө да манныкка маарынныыр күрэхтэ тэрийэр буолаар дуу!
    Утуйбут аҥардаах форуму бу топ улаханнык сэргэхсиппит)))

    0
  • Сахастрелец
    Сахастрелец 15 сентября 2012  

    Э5эрдэ! Ымыы да мин да тугу да ыла иликпит,

    ким да тугу да ыйыппат да, суруйбат да5аны.

    0
    • Кружево
      Кружево 15 сентября 2012  

      Оо, дьэ (((

      Чаачар иккистээбит киһиэхэ биэриэм диэбитэ. Кэллэҕинэ тиксэрэр ини. Харчытын миэхэ ыыта сатаабыта, тиксэрээр диэн, ол эрээри кини этэр кошелек диэннэрин өйдөөн быстыбатаҕым. Онон, аккаастаабытым. Тылыгар турар ини. Эрэнэбин. Оттон үһүс киһиэхэ ким да биэриэх буолбатах быһыылаах. Арай, Күннэйкэ "бастаабыт киһиэхэ биэрэбин" диэбит дии. Үһүстээбит киһиэхэ диэбэтэх((( Онон, Сахастрелец, хомойума. Мин кигэттээбит, тылларын ылбыт дьонум буолбатах. Өйдүө дии саныыбын. Мин эппит тылбар турбутум. Суобаһым ыраас. Арай, киирэн кыттыспытыҥ, үгүс хоһоонноргун дьон дьүүлүгэр таһааран биһирэбили ылбыккынан эҕэрдэлээн туран сэмэй бэлэхпин ыытабын.
      image

      0
  • ... 16 сентября 2012  

    Дьэ буоллага:(

    Кидайдаанэспиттэр:( Вполне аныгылыы)

    0
  • Ньургуһун 16 сентября 2012  

    Сахастелецкэ

    Оннооҕор сүрэххин ылан быраҕыахтара;(

    0
  • Сахастрелец
    Сахастрелец 16 сентября 2012  

    Ба7ыыбаларын! Бу сарсыарда Чаачар укта харчыны.

    Аны да ыныра тураарын. Бу форумна соччо сылдьыбат этим. Спорт, булт-алт, Дьо7ун сааска сылдьабын этэ. Форумчааннарга бары учугэйи, дьолу-соргуну!

    0
    • Куннэйкэ 16 сентября 2012  

      Үтүө дьахтар биир тыллаах! Тылбар турааччыбын!

      Бастаабыт Муора нүөмэргин хаалларарын буоллар дуу? Уонна хайдах да угар ньыма тобулбатым!

      0
      • Муора
        Муора 16 сентября 2012  

        Куннэйкэ, электроннай аадырыспар бэйэн аадырыскын ыыт.

        Оччо5о нуемэрбин ыытыахпын сеп: Moyukova@yandex.ru

        0
  • Кружево
    Кружево 16 сентября 2012  

    Хайа оттон Ымыыга туох тигистэ?

    Чаачар иккистээбит киһиэхэ биэриэхтээх этэ дии. Тоҕо Сахастрелецкэ ыытта? Иккиэннэригэр ыыппыт дуу? Сырдатыҥ эрэ. Кэтэҕинэн үллэстэ олорумаҥ))) Ымыыны умнар сатаммат!

    0
    • Куннэйкэ 16 сентября 2012  

      Хайа, Муора ханна бааргын? ыыппытым дии!

      0
      • Муора
        Муора 16 сентября 2012  

        Суох, тута иликпин.

        Сибээс быстар мелтех. Ба5ар, хойутуу кэлэрэ дуу? Дьэ, моьуок диэтэ5ин.

        0
        • Чаачар
          Чаачар 16 сентября 2012  

          Куруһуба эҕэрдэ!

          Иккистээбит киһи ЫМЫЫ харчыны ыыттаххына хомойуом диэбит этэ,онон хоһоону... Саха Сааһыта умнууга хаалла быһыылаах диэммин үһүс миэстэ ирдэбилин бэйэм санныбар ылынным. Кырбый Кыырт бэйэм көрүүбүнэн бэйэм талбыт киһибэр, төлүөм диэбит этэ... Тобу үчүгэйдик өйдөөн ааҕаарыҥ эрэ.

          0
    • Чаачар
      Чаачар 27 сентября 2012  

      Ымыыга

      Ырыа тыллаах
      Ымыы чыычаах
      Ыллык устун
      Ыллыы турдун
      Ыаллыы дьонун
      Ыарыы бултун
      Ытыһынан
      Ылан баран
      Ытыгынан
      ытыйбыттыы
      Ыраах дьиэкки
      Ыытан кээһэр.

      Ыпсаран этэр
      Ылбаҕай тылыгар
      Ынырыктык
      Ымсыырабын,
      Ыксаабакка-
      Ыххайбакка
      Ыһыктыаҕа
      Ыраас тылы,
      Ырытыаҕа
      Ыйыллыбыт
      Ыйаахпытын
      Ыраас мууска.

      0
  • Ньургуһун 16 сентября 2012  

    Чаачарга

    Ону эппитиҥ дуу?Хоһоон ыытыаххын.Баҕар кэнники санаата уларыйбыта буолуо дии.

    0
    • Муора
      Муора 16 сентября 2012  

      Куннэйкэ, кэлбэтэ.

      Сарсыарда, сибээс учугэй эрдэ5инэ, ба5ар, ыытан кереер. Атын сурук кунус кэлбитэ ээ.

      0
      • Куннэйкэ 16 сентября 2012  

        Была не была диэн бараммын бэйэм номербын ыытабын.

        9142302312 манна смс-таан биллэрээр!

        0
        • Муора
          Муора 17 сентября 2012  

          Куннэйкэ, э5эрдэ!

          СМС да барбат. Хайа эрэ атын дойдуга олоро5ун дуо?
          Чэ, кэбис, табыллыбат эбит. Ити харчыгынан, хата, биир эмэ хоьоон кинигэтин атыылаьан аа5аар дуу. Хол., Лариса Миллер дьикти муударай хоьооннорун. Мин дууьа эмин тэнэ кэмчилээн, кун аайы кини айымньыларын аа5абын...

          0
  • ... 17 сентября 2012  

    аахсыы диэн кытаанаҕа эбит))

    Туох буолбутай, ити? )

    0
  • Timirkhan
    Timirkhan 21 сентября 2012  

    Уруккуттан)))

    Айылҕа ыһыаҕа

    Саас буолан күөрэгэй ыллыаҕа,
    Сардаана уһуктан тыллыаҕа,
    Сиэдэрэй дьүһүннээх аал лыаҕа
    Сибэкки кэрэтин сыллыаҕа.

    Симэх от хоҥкуйан ылыаҕа,
    Сиик мүөтүн таммаҕын ыһыаҕа,
    Сандаарар дьөрбөтүн аһыаҕа,
    Симиктик кытара кыыһыаҕа.

    Саас дьоллоох таптала ааллыаҕа:
    Собобут күөрэйэн ыам ыаҕа,
    Сэмэй уол аналын талыаҕа
    Сүрэҕэ үөрүүттэн таалыаҕа.

    Саас чаҕыл халлаана халлыаҕа,
    Сир - дойду уйгута аллыаҕа,
    Симэнэ уһуктар аар тыаҕа
    Соргулаах дьол - үөрүү ыаллыаҕа.

    Саас күлэр саһарҕам кыыһыаҕа,
    Сардаҥа күлүмүн ыытыаҕа.
    Сааскы көр айылҕам ыһыаҕа
    Сир үрдүн кэскиллээх тыынныаҕа.

    1
    • Дьуэгэ дьахтар 25 сентября 2012  

      8сс8, 8сс8!

      0
      • Timirkhan
        Timirkhan 26 сентября 2012  

        Сүрэҕим умнубат үөрүүтэ)))

        Нарын кыыс имигэс үҥкүүтүн,
        Мичээрдиир эйэҕэс көрүүтүн,
        Абылыыр сайаҕас күлүүтүн –
        Сүрэҕим умнубат өрүүтүн.

        Иэйиитин кынаттаах бөрүөтүн,
        Түлүк түүн утуйбат төрүөтүн,
        Баранар дьылҕалаах дьол мүөтүн –
        Сүрэҕим умнубат өрүүтүн.

        Тапталын кэхтибит күүрүүтүн,
        Дьоло суох уостубут үөрүүтүн,
        Аһыылаах арахсыы төрүтүн –
        Сүрэҕим умнубат өрүүтүн.

        Эн истиҥ тапталыҥ күндүтүн –
        Сүрэҕим умнубат өрүүтүн.

        1
        • Timirkhan
          Timirkhan 27 октября 2012  

          ТөннҮҮ

          Олох – түгэн.
          Тиэтэл. Түргэн.
          Көтөр сүүрээн,
          ыксал күүрээн.
          Күнүм бүттэ,
          куота сүттэ.
          Тэҥҥэ сырсыах
          сэниэ да суох!

          Дьоннуун саатаан,
          тапса сатаан –
          Дьолу күүтэ,
          наар үтүктэ
          Туттан – хаптан,
          тэһиин тутан
          Суолбун тэлбит
          муҥум эбит.

          Үөрүү кыыма
          сайа тыынна –
          Үүнэр түүҥҥэ
          күөс быстыҥа
          Суолбун үктүү,
          дьолбун түстүү
          Төннүөм эмиэ
          ааспыт кэмҥэ.

          Олох – түгэн.
          Тиэтэл. Түргэн.
          Туттан – хаптан,
          тэһиин тутан
          Үөрэ – көтө,
          өрө көрө
          Төннүөх эмиэ
          ааспыт кэмҥэ.

          1
  • ? 24 августа 2013  

    .

    0
  • Кружево 25 августа 2013  

    Былырыын баччаҕа

    үчүгэй да этэ.

    0
  • blMblbl
    blMblbl 26 августа 2013  

    Хайа доҕоччуок сайыны билбэтэххин,загардаабатаххын дуу:)Кубахайгын:)

    Мин эмиэ ол кэми суохтуубун,ахтабын.Үчүгэй этэ ээ.Хас да бу топка тахсыбыт хоһооммун бэчээккэ таһаартарбытым.Олох соһо сылдьабын:)

    0
    • Кружево 26 августа 2013  

      Тоҕо эрэ сатаан хараарбаппын.

      Форум быраҕыллыбыт өтөх курдук буолаахтаабыт. Сытыган эрбэһининэн саба үүммүт. Алҕас киирбит киһини өтөх иччитэ куттуур быһыылаах.

      0
  • blMblbl
    blMblbl 26 августа 2013  

    )))Өтөх иччитэ ол аата хара санаалаах,бүрэ дьүһүннээх буоллаҕа дии:)

    0
  • ыллык17 26 августа 2013  

    .

    Курууһуба ити миигин өтөх иччитэ диигин дуо, һы.
    Ымыы мин соччо бүрэ көрүҥүм суох ээ, билигин да син дьахталлары долгутан, килбигитэн атахтарын төбөтүн көрдөрөр кырдьаҕаспын. Билигин да 1м80-ҕа чугасаһар уһуннаахпын, ыйааһыным 80 киилэттэн барбах тахсар ээ. Маҕан баттах да чачаххай, абына-табына.

    0
    • Кружево 27 августа 2013  

      Дьыала эн уһуҥҥар буолбатах, Ыллык.

      Форум тоҕо маннык кэри куру туруктаммытын тобула сатыыбын. Бара сатаан иччилээх өтөххө холуубун.

      0
  • blMblbl
    blMblbl 27 августа 2013  

    Һы-һыык:)Ыллык эн эбиккин дуу,өтөх иччитэ:)

    Уордайбыккын уҕарыт,уоһахта салаа.Кыыһырбыккын кыйдаа..........туох диэн этэй?Атын киһини эппитим ээ.Хата хооһурҕаталлара чугаһаатаҕа буолуо,тыллаах сыҥаахпынан оонньуу олорбуппун:)

    0
  • Ымыы-1
    Ымыы-1 5 сентября 2014  

    икки сыл буолбут эбит.Бу туобу умнубаппын.

    0
  • кини 20 сентября 2014  

    сурдээх учугэй топ!

    Курууhуба барахсан, идэ5инэн саха тыла уерэхтээх киhи бу хоббиннан эрэ туолбакка тылбыт кистэлэцин эмиэ таайыhарыц буоллар МАХТАЛБЫТ муцура суох буолуо этэ. Эр дьон меккуеругэр дьахтар кыттара- кыатанарга, убаастабыллаах буоларга-себу быhыыга булгу туhалаах диэммин кердеhебун. Эн билииц научнай оттеногы булууга септеех хайысханы сирдиэ эбитэ буолуо... Бэйэц кер.
    Омоним киhи тебетун, тылын бэрийэргэ-ей массаhын тэцэ сыаналаныах кэрицнээх...!
    Бары кэрэни!

    0
  • Сахастрелец
    Сахастрелец 14 апреля 2016  

    )))))))))))))))))))))))))))))))))))))))))))

    Ама да ааспытын иһин умнубакка
    араас сирдэргэ сылдьаммын тумнубакка
    Кэлэ турабын мин Куруһуба тобугар
    сынньанан ылаары кэрэчээнэ тобугар))))))))))))))))))

    0
  • Sarik
    Sarik 17 октября 2016  

    Что такое омоним?мне 11я не чего ойдооботум

    0
  • Сахастрелец
    Сахастрелец 12 ноября 2016  

    Омоним диэн биидик саҥарыллар, суруллар эрээри тус - туспа суолталаах тыллар.
    Холобур -
    Таай – ийэҕин кытта бииргэ төрөөбүт эр киһи, таабырынна таай.
    Таба – хотугу таба, таба оҕус.
    Тайах – буур тайах, тайах мас.
    Талаан – уу талаана, талаан - былдьаан ылбатаҕым, айар талаан.
    Талаҕын – тааттан талаҕын эн өрүү талаҕын.
    Таптал – үрдүк чувство, хотууру таптайыы.
    Талыы – дьахтар төрүүр талыыта, сирии – талыы, уора - талыы.
    Тас – тас аан, оту - маһы тас.
    Тимир – сүгэ тимирэ, ууга тимир.
    Түөстэргин – солуута суоҕу да түөстэргин эн мөтөт түөстэргин.
    Түс – от түһэ, охтон түс, дьоллоох түс.

    0
  • krestianka
    krestianka 12 ноября 2016  

    Киирэн бэлиэ охсуохха. Ойдуо

    0
  • Элигиэт
    Элигиэт 18 ноября 2016  

    Чэйгин саахардаама.
    Соркуойгун тууьаама.
    Килиэпкин арыылаама.
    Куртаххын кэцэтимэ.



    Доруобуйагын харыстан.

    0
  • Элигиэт
    Элигиэт 18 ноября 2016  

    Сарсыарда уут иьэбин.
    Кунус торуой сиибин.
    Киэьэ миин иьэбин.
    Туун аьаабакка сытабын.

    0
  • Элигиэт
    Элигиэт 18 ноября 2016  

    КУннэтэ АЙЫЫттан кердес.
    Кэргэнцин таала таптаа.
    Куускэ улэгэр огун.
    Купуургун кэргэнцэр уун.

    0
  • umeles
    umeles 19 ноября 2016  

    Туох буоллум бугун мин, туохтан санаар5аатым бу туун мин? Турабын туннугум таьыгар, таьырдьаны одуулуу сатыыбын, кыьыны тымныы туланы харана буруйбут, тапталы атас таннарбыт. Арай туолбут ыйдана сарданата туьэн, улам сырдата турар мин собулуу керен улааппыт хатынчааммын, кини бу туун эмиэ куус холобур буолан тустэ санаабар, кини нарын лабаалара тыйыс тымныыга тостубатахтар буруе хаарга бэриммэтэхтэр. Махтал эйиэхэ хатынчааным. Бырастыы гын тапталым.

    0
  • umeles
    umeles 19 ноября 2016  

    Хайдах эрэ ситэтэ суох курдук

    0
  • Элигиэт
    Элигиэт 21 ноября 2016  

    Тылга мээнэ тииьимэ.
    Туох барыта миэрэлээх.
    Иьит иэнэ кээмэйдээх.
    Олох амтана усталаах.

    0
  • Элигиэт
    Элигиэт 21 ноября 2016  

    Киьи буолан сурагырар кэмцэр.
    Утуе.аьыныгас санаагын ыьыктыма.
    Кырдьан.мелтеен олорор кэмцэр.
    Угус ейебул ирдэниэн умнума

    0
Ответ на тему: Омоним. Хоһооҥҥо холонуу.
Введите код с картинки*: 
Авторизуйтесь чтобы не вводить код каждый раз.
* Код состоит только из русских букв (кириллицы), если совсем непонятно, кликните на картинку — выйдет новый код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания