Тыл түһүлгэтэ - сахалыы үөрэтии тула санаа атастаһыы
Өрөспүүбүлүкэ учууталлара  -    2066
Сахалыы үөрэтиини киэҥник өйдөөн, хас биирдии киһи санааҕытын сайа этэргитин күүтэбит. Онуоха маннык сүрүн хайысха баар буолуон сөп диэн бэлиэтиир тоҕоостоох:
- сахалыы үөрэтии кыһалҕата, инники кэскилэ (ахсаан, физика, биология, география, о.д.а.)
- үөрэнэр хомуурунньук, кинигэ, айар тэтэрээт, о.д.а. сахалыы тахсарын салгыы сайыннарыы;
- Саха сиригэр ааҕыы культуратын сайыннарыы;
- ылбыт билиини тургутуу саҥалыы тыына.

Кэпсэтиигэ кыттааччылар, ким буоларгытын, хантан (ханнык оскуоланый? нэһилиэгий? куоратый?) кыттаргытын суруйаргытын умнумаҥ.
Ответов 53 Написать ответ
  • Могул
    6 февраля 2013  

    Тыл түһүлгэтэ-сахалыы үөрэтии тула санаа атастаһыы.

    Сахалыы үөрэтии кэнники уонунан сылларга улахан кыһалҕалаах боппуруоска кубулуйда.
    Тоҕо?
    Биллэн турар сүрүн биричиинэ Россия үөрэххэ министиэристибэтин ТӨРҮКҮ
    СЫЫҺА политиката буолар. Онно биһиги министиэристибэбит сөптөөх дьаһаныыны кыайан оҥорбот.
    Киин салалта саҥаттан саҥа дьаһаныылары реформа диэн ааттаан киллэрэ турар. Ол аайы программалар, учебниктар уларыйаллар. Онно икки тыллаах республика кыайан эппиэттэспэт.

    Дьэ ити түмүгэр Я. А. Коменскай "Улуу дидактикатын" ирдэбиллэрэ төрдүттэн кэһиллэллэр.
    Улуу педагог УШИНСКАЙ -"ТӨРӨӨБҮТ ТЫЛЫНАН ҮӨРЭТИИ 1 сыла 40 сыл устата АТЫН ТЫЛЫНАН үөрэтиигэ тэҥнээх!" - диэн өйдөтөн этиитэ тосту туора кэһиллэр.
    Онон этэбин БУ УЛУУ дьон ИРДЭБИЛЛЭРИН ТУТУҺУОХХА диэн.

    0
  • Федоров
    6 февраля 2013  

    шрифт

    Федоров Валерий Дмитриевич информатика учуутала Бордоҥ орто оскуолата
    Сунтаар улууһа
    Сахалыы буукубалары компьютерга суруйарга биир стандарт оҥоһуллара буоллар. Билигиҥҥи бааллар интернетка барытыгар үлэлиир буолбатахтар, онон тупсарыы ситэри үлэ наада. Windows 7 сахалыы суруйар, ону кытта ситимниир буоллар үчүгэй буолуо этэ

    0
    • Lisikka
      6 февраля 2013  

      саха тылын учебнига

      Дорооболорун. бу 5,6,7,8,9 кылааска уерэтиллэр учебниктар сурдээх ыарахаттар. о5о ейдуурунээ5эр бэйэм, 2-3 чаас аа5ан-уерэтэн эрэ баран ейдуубун. 70-80 сыллардаа5ы учебниктар методикалара быдан ордук курдук эьиги санаа5ытыгар?

      0
      • Мария
        6 февраля 2013  

        Эбэн этии

        Саха тылын учебниктарыгар эрчиллиилэрэ олус а5ыйах. Эбии материалга пособиелар суохтар. 8-9 кылаас учебнига уерэтэргэ табыгаьа суох, эрчиллиилэргэ да5аны, тиэмэни уерэтэргэ да5аны урукку Неустроев учебнигын эбии туьанабыт. Тус-туспа кылааьынан (8, 9)учебник тахсыан наада.

        0
        • Elizaveta_Egorovna
          6 февраля 2013  

          Эбэн этии

          Барыгытыгар эҕэрдэ! Бары суруллубукка сөбүлэһэбин. Ханнык баҕарар омук төрөөбүт тылынан атын науканы кэбэҕэстик ылынарын билэбит эрээри.биһиги тоҕо ситэ-хото туһанан испэппитий? Маны И.Шамаев оскуолата дакаастаабыта ыраатта дии.

          0
        • Elizaveta_Egorovna
          6 февраля 2013  

          Тылы туттуу

          Тэлэбииһэр, араадьыйа биэриилэригэр кыттар дьон,оннооҕор кэриспэндиэннэр тылларын сыыһа тутталлара үгүс, ордук ахсаан ааты, түһүк сыһыарыыларын туттууга , киирии тыллары кыбытыыга. Дапсы араадьыйаҕа биэриитин курдук тэлэбииһэргэ эмиэ киллэриэххэ сөп этэ.

          0
        • Elizaveta_Egorovna
          6 февраля 2013  

          БКЭ

          БКЭ киириитин биһириибин эрээри, нуучча тылын БКЭ-тигэр бэлэмнэнэр курдук анал пособия наада. Дьиҥинэн атын предметтэри кытта тэҥҥэ киирбитэ буоллар...Иккис иҥнэр төрүөппүт,арааһа,салгыы БКЭ-ни туттарбыт оҕо ханна барар.Мин санаабар, БКЭ-тигэр нууччаны эбэтэр саханы туттарарын талыан наада, салгыы республика иһигэр ханнык баҕарар үөрэххэ киириэн сөп этэ.

          0
          • Учуутал
            6 февраля 2013  

            БКЭ

            онтон нууча тылын туттарбыт о5о ханна барар?! Саха Республикатыгар баар уерэхтэргэ барытыгар саха тылын БКЭ баар буолла5ына барар сирэ элбиир...

            0
        • Elizaveta_Egorovna
          6 февраля 2013  

          Сахаларга

          Сахалар тоҕо аҕыйахпытый? Тоҕо кыттан испэккитий? Көхтөөхтүк кыттаргытыгар ыҥырабын!

          0
    • Федоров
      7 февраля 2013  

      Электроннай хаһыаттар

      Сахалыы тыллаах хаһыаттар электроннай версиялара тахсара буоллар, бу почта бытааннык сылдьар кэмигэр үчүгэй буолуо этэ. Электроннай версияны
      эмиэ суруттараҕын, хаһыат бэчээттэммит күнүгэр сайтан кодунан киирэн ааҕаҕын. Холобур "Эдэр саас", "Дьулурҕан" саҕалыан сөп этэ. Оннук холобур "Информатика" сурунаала баар.

      Валерий Дмитриевич

      0
  • Марина
    6 февраля 2013  

    Ууммут утуе кунунэн

    убаастабыллаах форму кыттыылаахтара. Атамай орто оскуолата Горнай улууьа.
    1. Саха тылын атын предметтэри кытта тэццэ тутар сыаллаах буоллахпытына, саха тылын БКЭ быьыытынан то5о о5о барыта туттарарын ситиспэппитий? Кини нуучча да тылынан сацарар о5о буоллун Саха сиригэр олорорун быьыытынан сахалыы сатаан сацарыахтаах... Ол инниттэн Саха сирин оскуолалара бары БКЭ саха тылыгар туттарыахтаахпыт.
    2. Саха литературатын 8 кылаас учебнигынан улэлииргэ ыарахан. Василиса Романовналаах бу учебнигы бэйэ5ит керен сацардан биэрэргит наада.

    0
  • Учуутал
    6 февраля 2013  

    Приоритетность

    Саха тылын предметэ хамнас аа5ыытыгар приоритетноьа 3-с категориялаах. Нуучча тыла, математика 1-кы, атын ЕГЭ-лээх предметтэр 2-с. Дьицинэн саха тылын ханнык категория5а киллэрэллэрэ оскуола бэйэтин компетенцията диэххит... Ол гынан баран, оскуола ЕГЭ-ни туттарар эрэ предметтэргэ ордук бол5омтотун уурар буолла5ына... То5о саха тылбытын сайыннарыахха диэн куустээх тыллар кэннилэригэр саха тылын учууталлара кулуккэ туран хаалыахтаахпытый? Биьиги саха тылын учууталлара, мин кердехпунэ, бэйэбит бэйэбитигэр эрэ сылдьар курдукпут.

    0
    • Antonina_Innokentievna54
      6 февраля 2013  

      Тылы сатаан суруйуу

      Тылы сатаан туттубаппыт тердуттэн баар суол. То5о сатаан туттубаппыт диибин? Онноо5ор сир дойду аатын сыыьа карталарга киллэрэбит. Холобур Бэдьимэ диэн сурулларрын Бедемя дьэ манна Бэдьимэ диэн тылга биир да сахалыы буукуба суох ээ. Ити буолар биьиги улахан ал5аспыт Итинник аахтахха элбэх. Туой Хайа - Той Хайа диэн суруллар.

      0
  • Нэьилиэк олохтоо5о
    6 февраля 2013  

    Телевизор

    Биьиги эрэ нэьилиэкпитигэр буолбата5а буолуо, кыра о5олорбут спутниковай антенанан туркмения мульфильмнарын кере олоробут (тууннэри-кунустэри). Онтон сахалар хаьан международнай таьымца тахсан цифровой телевидение5а кестебут. О5олорго аналлаах мультфильмнар суохтарын кэриэтэ. Санкт Петербург куоракка баран о5олор режиссер-аниматор уерэ5ин бутэрэн кэлэн тугу улэлииллэрий? Ханна ордук хамнас теленер сиригэр бараллар. То5о биьиги оннук достойнай о5олорбутун сепке туьаммаппытый?

    0
    • учуутал
      6 февраля 2013  

      Ханалас улууьуттан

      БКЭ диигит да манна сэптээх пособиялар наадалар, ол эттунэн быстар мэлтэх. О5олор сатаан сорох учебникка баар тыллары олох эйдээбэттэр, улахан да киьи ыарыр5атар. Сорох терминнэри наьаа сахатытан суруйаллар, мээнэ киьи эйдээбэт ((

      0
      • Antonina_Innokentievna54
        6 февраля 2013  

        Тылы сахатытыы

        Тылы наьаа сахатытыы бу сорох ерте о5о5о ейдеммет. Теье да анал тылдьыттар баалларын да урдунэн ыарахан. Онон тылы сахатытыыны биир со5ус халыыпка киллэрэн сахатытыахха наада диэн бэйэм буем санаалаахпын.

        0
        • Antonina_Innokentievna54
          6 февраля 2013  

          Сахалыы ойуулаах тылдьыт

          Терут культура уруогар кеме матырыйаал олох суох буолбатах, баар. ..Онтон ойуулаах тылдьыт кэлин сылларга та5ыста. Ол гынан баран, 2012 с сана тахсыбыт ойуулаах тылдьыкка бэйэм санаабын этиэхпин ба5арабын. Тылдьыт ойуута мандара учугэй, о5о5о ейденумтуе. Ол гынан баран, тыллар быьаарыылара суох, перевода эрэ баар. Бу хас биирдии киьи туттарыгар татым, ситэтэ суох дии саныыбын Ити мин санаабар бука элбэх киьи кыттыьара буолуо.Эьиги санаа5ыт?

          0
      • Учуутал
        6 февраля 2013  

        БКЭ

        эксээмэн киирдэ5инэ босуобуйа да баар буолуо этэ буо... босуобуйаны ким оцороруй? эн оцоро5ун, мин оцоробун... ол аата ким эрэ оцорорун кэтэспэккэ бэйэбит оцоруохтаахпыт буолаахтаата5а... биьиги улэбитигэр учугэй систиэмэ суох, ол иьин олороохтуубут. бэйэ-бэйэбитин кэтэсиьэбит, манаьабыт.

        0
  • Antonina_Innokentievna54
    6 февраля 2013  

    Төрүт культура уруога

    Төрүт культура уруога нэдиэлэҕэ биир чаас, 5-9 кылааска диэри.Тоҕо? Мин санаабар бу оҕо бэйэтин норуотун, төрүт үгэһин үөрэтиигэ олох кыра бириэмэ. Оҕо элбэхтик практически үөрэннэҕинэ эрэ бэйэтин омугун сиэрин - туомун билиэҕэ. Онон бу боппуруос төһө да өр сылларга, ситэтэ суох эрэ диирбэт тиийэбин, үөрэтиллибитин иһин түмүгэ суох. Маны өссө да кэпсээтэн, ырытан көрөргө ыҥырабын.

    0
    • Ханалас учуутала
      6 февраля 2013  

      аны биьиэхэ

      10-11 кылаастарга саха литературатын уруога суох, саха о5ото тэрээбут литературатын уэрэтиэхтээх дии саныыбын. Учуутал хамнаьыгар да охсор.

      0
    • Antonina_Innokentievna54
      6 февраля 2013  

      Терут культура уруогар кеме матырыйаал

      Терут культура уруогар кеме матырыйаалы онорорго хантан субэ ылабыт, оноьуллубут матырыйааллары бэчээттэтии боппуруоьа?...

      0
    • Antonina_Innokentievna54
      6 февраля 2013  

      Саха

      Саха тылын дьыл5ата, саха о5отун сахалыы тыынна иитиигэ, сахабыт сайдар дьыл5ата эьигини долгуппат дуо? То5о аьа5астык бэйэ5ит санаа5ытын этэн, долгутар боппуруостаргытыгар эппиэккитин биэрэн, ыйытан актыыбынайдык кыттыбаккыт? Сахалыы санаалаах, саха норуотун инники дьыл5атыгар ыалдьар сахалар бааргыт дуо?

      0
      • саха
        6 февраля 2013  

        омук

        сахалыы санаалаах, саха омук инники дьылҕатын саныыр саха интернети туһаммат, сүөһүтун көрөн солото суох сылдьара буолуо

        0
    • Antonina_Innokentievna54
      6 февраля 2013  

      Сахаларга

      Биьиги сахалар бары бииргэ тумсуе5ун, бары биир санааланыа5ын! Тылбыт омук быьыытынан сайдыа5а, кэскиллээх буолуо. Саха тыллаах буоламмыт - саха омук баарбыт. Кэнчээри ыччаппыт сахалыы тыынна иитиллэрин туьугар иинникитин бары биир киьи курдук турунуо5ун. Саха норуотун туьугар туруулаьар ытык дьоммутун харыстыа5ын, кинилэр ааттарын ере тутуо5ун.

      0
    • Сунтаар
      6 февраля 2013  

      терут культура

      Ебугэбит угэьин уруоктарга эрэ буолбакка ордук кылаас таьынан улэ5э туттуохтаахпыт. Этэргэ дылы, практика еттунэн кылаас салайааччыта улэлиэхтээх. Онон ацардас чаас элбэтэн бу проблеманы суох гынабыт диир сыыьа дии саныыбын.

      0
  • Учуутал
    6 февраля 2013  

    Тылбаас

    Саха тылын сайыннарабыт аатыран аьара сахатыта сатааьын туохха нааданый? Революция иннинэ киирбит саха тыллара олох хардыытынан сахатыйдахтара дии, онтон кэлицци тыллары сахалыы тылбаастыы сатааьын туохха нааданый?

    0
  • Учуутал
    6 февраля 2013  

    Инникини ете керуе5уц...

    Саха тылын оскуола5а нуучча тылыгар теье чааьы биэрэрбитинэн уерэтиэхтээхпит... Татарстацца тереебут тылларын 2 чаас уерэтэ сылдьыбыттар. Былаас сепке ейдеен билигин нуучча тылын курдук нэдиэлэ5э 5 чаас уерэтэллэр... Биьиги да тылбытын уерэтэрбитигэр улахан бол5омтону ууруо5уц...

    0
  • Денис, 11 кылаас,
    6 февраля 2013  

    Сунтаар 1 оскуолата

    Утуе кунунэн. Тыла суох омук суох. Онон, мин санаабар, ЕГЭ киирэрэ буоллар, о5олор кыьал5аттан да, саха тылын кыьаллан, дьаныьан туран уерэтиэ этилэр. Иккиьинэн, ити Саха НВК да элбэхтик сахалыы киинэ, мультик кердерере буоллар эмиэ туох эрэ хамсааьын тахсыа этэ.

    0
  • Сунтаар
    6 февраля 2013  

    саха омук сайдыыта

    бастатан туран, саха тылын предмет быьыытынан уеһэ тутуохпутун наада. онно, бастатан туран, Республика оскуолаларыгар приоритетноьын 1 категория5а киллэриини туруорсуохха. Иккиьинэн, уерэтии чааьын саатар 1 чааьынан элбэтии. Уонна саха тылын предметигэр, нуучча тылын курдук, 15% киллэрии. Россия урдунэн нуучча тылын, литературатын предметигэр, государственнай тыл буоларын быьыытынан, 15% бэриллэр буолла5ына, биьиги тереебут тылбытыгар, государственнай тылбытыгар то5о бэриллиэ суохтаа5ый?!

    0
  • Сунтаар
    6 февраля 2013  

    Санаата туспут

    конферениябытыгар улахан кэпсэтии тахсыбатах эбит. мантан кердеххе, саха омуга сайдарыгар наадыйар дьон а5ыйах эбит. эбэтэр "Син биир туох да хамсааьын буолуо суо5а", "туьата суох дьыала", "эппиппит, туруорсубуппут син биир олоххо киирбэт" диэн кэпсэтиьэ да сатаабатахтар быьылаа...
    оскуолаларга саха тылын предметэ туьата суох предмет курдук кестер. то5о диэтэххэ "ЕГЭ туттарбаппыт, уерэххэ киирэрбитигэр наадата суох"...
    дьицинэн о5о киьи быьыытынан сиэрдээх, сатабыллаах буоларыгар тереебут литература улахан оруоллаа5ын билэбит да5аны...

    0
  • ыллык
    6 февраля 2013  

    .

    Саха тылын үөрэтэр учууталлартан ыйытыахпын баҕарабын: Саха тылын үөрэтэр бырагыраамманы отой төрдүттэн уларытан саҥаттан оҥорору туох дии саныыгытый. Нууччалыы бырагыраамманы сүлэн ылбакка отой сахалыы хайдах баарынан үөрэтэри.

    0
    • Рустам Каженкин
      6 февраля 2013  

      Саҥа этии суох эрээри...

      Бэйэ кыаҕынан тэрийэн ыыппыппыт түмүгэ итинник. Барыта баар кыһалҕа. "наада" диэн эбиискэлээх. Биири өйдүөххэ уонна өйдөтүөххэ баар этэ - этэр этиилэрбитин бэйэбит эрэ олоххо киллэрэр кэммит кэллэ. Холобур, учебник, программа кыһалҕата турбута балачча буолла. Баар, билэр дьонум үксэ "саҥаны оҥоруохха наада" диэн этэллэр. Ону биһиги хос хатылыыбыт. Хатылаан бүтүөххэ! Олунньу 13 күнүгэр сарсыарда 10 чаастан Кулаковскай киинигэр улахан киэҥ ыҥырыылаах мунньах буолар. Ол түмүгүнэн чопчу бырайыактарга тахсыахпыт. Чопчу түмсүүлэри баар гыныахпыт. Ким да төлөөбөт, ким да кэтэспэт, онон бэйэбит хамсанан: 1) Сайыҥҥа диэри оскуола орто сүһүөҕүн программатыгар, 2) күһүҥҥэ диэри оскуола орто сүһүөҕүн УМК-тыгар үлэлиэхпит. Ким кыттыһар - кыттыһар, суох да суох. Ол эрэн, хас биирдиибит (учууталлар) ураты уопуппут хатыламмат, тус-туспа, уһун сыллар устата чочуллубут буоллаҕа, онон, ол саатар үксэ киирэ сатыыра буоллар диэн саамай барҕа баҕалаахпыт.

      0
  • Петрова Акулина Гаврильевна, Мастаах орто оскуолат
    7 февраля 2013  

    Учебник.

    Кыра кылаастарга ФГОС киирэн саха тыла уерэх базиснай былаанын булгуччулаах чааьыгар киирэн сурун предметтэр ахсааннарыгар холбонно диэн суруйаллар. Нуучча тылын кытта саха тылын чааьа тэннэммит курдук. Онтон орто, урдуку кылаастарга саха чааьа салгыы эбиллэрэ буолуо диэн санаа баар. Мин бэьис кылаас программатын 2 чааска ситиспэт туруктаахпын. Уопсайынан, бу учебник киирии тыллары таба суруйууга "былыргы" кинигэ буолла. Билигин урут нууччалыы суруллар киирии тыллары 10 сыллаах кэтээн керуу тумугунэн сахатыйбыт тылларга сана тылдьыт тахсыахтаах. Ол тылдьыт улахан кемелеех буолуох этэ.

    0
  • Попова Устиния Бэдьимэ оскуолата
    7 февраля 2013  

    сахалыы ааҕыыны тэрийии

    Сахалыы ааҕар киьи аҕыйаата. Оҕо үксэ интернетинэн суруйсар, кылгас иһитиннэриилэри эрэ ааҕар. Онон кинигэни ааҕыыны кылааска тэрийиэххэ, онно эбии чаас көрүөххэ баар. Ааҕыы туһунан ыстатыйам "Учуутал аргыһа" хаһыакка тахсыбыта.(тохсунньу 23 күнүгэр)

    0
  • Попова Устиния, Бэдьимэ оскуолата
    7 февраля 2013  

    Саха тылын күнэ

    Урут нуучча тылын күнэ диэн тэрийэр этилэр. Ол курдук саха тылын күнүн тэрийэн көрбүт киһи. Бары предметтэргэ ол күн сахалыы үөрэнэр гына. Английскай уруогар Англия туһунан сахалыы кэпсэттиннэр ээ, холобур.

    0
  • Альбина Онор оскуолата
    7 февраля 2013  

    Учебник

    Саха тылын учебниктарын астыммат дьонно кыттыьабын. О5о ылбыт билиитин чинэтэригэр бэйэтэ ба5аран туран толорор интэриэьинэй эрчиллиилэри киллэриэххэ. Уопсайынан, ба5ар чааспыт аччаан буолуо, эрчиллии олус а5ыйах. Эбии элбэх дидактическай матырыйааллар тахсаллара буоллар учууталга комото улахан буолуо этэ. Ахсаан, физика курдук уруоктары сахалыы учебнигынан улахан кылааска уорэтии ыарахан дииллэр. Син-биир ЕГЭ5э кэлэн нууччалыы буолар

    0
  • 1
    7 февраля 2013  

    3 ник атын-атын ааттарынан киирэн туох ааттаах кэнпириэнсийэтин ыыттыгытый?)))

    Өрөспүүбүлүкэ учууталлара (46.61.144.174)
    Рустам Каженкин (46.61.144.174)
    Федоров (46.48.133.1)
    Lisikka(46.48.133.1)
    Мария (46.48.133.1)
    Elizaveta_Egorovna(46.48.133.1)
    Учуутал(94.245.156.35)
    Сунтаар (94.245.156.35)
    Саха (94.245.156.35)
    Денис, 11 кылаас, (94.245.156.35)
    Марина(46.48.133.1)
    Учуутал(46.48.133.1)
    Antonina_Innokentievna54 (46.48.133.1)
    Нэьилиэк олохтоо5о(46.48.133.1)
    Ханалас учуутала (46.48.133.1)
    Ханалас (46.48.133.1)
    1 – Дьэппэн (46.48.133.1)
    Учуутал (46.48.133.1)
    Петрова Акулина Гаврильевна, Мастаах орто оскуолат (46.48.133.1)
    Попова Устиния Бэдьимэ оскуолата (46.48.133.1)
    Альбина Онор оскуолата (46.48.133.1)

    Саха тылыгар ыалдьаргыт дьоьун буо)

    0
    • 1 Дьэппэн учуутала
      7 февраля 2013  

      Тыый мин курдук айпилаахтар

      сыалай 15 эбиппит дии =)

      0
  • Прокопьева Татьяна Юрьевна Таатта Чымынаайы орто о
    7 февраля 2013  

    Торут култуура учууталлара

    Үтүө күнүнэн! Кэнники кэмнэ торут култуура предмет быьыытынан чааьа аҕыйаан иһэр, а5ыйах о5лолоох оскуола оскуола статуьун сутэрбэт сыалтан араас хайысхалаах уорэ5и талаллар, ол тумугэр чаас тиийбэт. Оскуола иитэр улэтигэр кыттыьан, угэс быьыытынан,сиэр-туом ыыта сатыыбыт. Тыа о5ото сахалыы иитиини ылар эрээри интернет, телевидение сабыдыала быдан куустээх. Атын оскуола5а торут култуура предметын сэмсэ чаас быьыытынан киьи барыта уорэтэр эбит. Урдук уорэ5и бутэрбит торут култуура учууталлара ханна баралларый? Оскуола5а то5о улэлээбэттэрий?

    0
  • Эдэр учуутал
    7 февраля 2013  

    Мин санаам.

    Биир идэлээхтэрим, утуо кунунэн! Анаабыр улууьуттан С.В. Неустроева суруйабын. Бу инники суруллубуттарга мин эмиэ собулэьэбин: уорэнэр кинигэ матырыйаалы а5ыйах, тыла-оьо ыарахан, ол иьин эргэ учебниктартан, пособиелартан, хомуурнньуктартан туьанарга куьэллэбин. Ордук 8-9 кылаас саха тыла учебник наьаа суххай, холбуу этиилэр тема бэриллиитэ, холобурдара ыарахан дии саныыбын. Рустам Каженкаин этиитигэр эмиэ собулэьэбин: биьиги уорэтэ сылдьар учууталлар, практика5а туох-хайдах итэ5эс баарын эппитинэн-хааммытынан билэ-коро сылдьар дьон программаны, учебниктары, комо пособиелары уопуппутун мунньан бэйэбит оностор кэммит кэллэ. Министерство улэьиттэрэ бэйэлэрин оттулэриттэн эмиэ улэ ыыталлара биллэр, ол эрэн бары биир сыаллаахпытын умнумуохпутун наада: саха тыла торообут торут тыл быьыытынан о5о5о сайдар кыа5ын арыйыыга суолтатын ойдотуу, инэрии. Онуоха мин ойдуурбунэн маннык кэпсэтиилэр, форумна эрэ буолбакка, чат, онлайн, араас корсуьуулэргэ, тумсуу тэринэн улэни миэстэтиттэн хамсатыахха наада. биьиги биир уопсай сайт дуу, тумсуу дуу - бэйэбит мустар, санаа, уопут атастаьар, ыарахан темалары ырытыьар, бэйэ-бэйэ комолоьор, кэпсэтэр туьулгэтин тэринэрбит бэрт ба5айы буолуо этэ. Холобур мин саха тылыгар эбэтэр литература5а материалга наадыйдахпына, субэ-ама кордуургэ интернеттан астынар материалбын булбаппын, бэйэм коллегаларбыттан ыйытыахпын кими да билбэппин. эьиги туох дии саныыгыт? уонна экзаменнар тустарынан туох уларыйыы киирбитин баьаалыста сырдатын эрэ.

    0
    • 1 Дьэппэн учуутала
      7 февраля 2013  

      Сэбулэьэбин

      Суруйаана Валерьевна этиитигэр сэбулэьэбин ))

      0
  • бигэ52
    7 февраля 2013  

    былыр диирим дуу-1959сылтан 1967сылга диэри биһиги 8 кылааһы бүтэриэхпитигэр диэри сахалыы

    үөрэммиппит. Ол саҕанааҕы учебниктары булан 2-с тыыннаан сөргүтэн туттуохха сөп дуо. Геометрияҕа Пифагор теорематын сахалыы бэккэ кэпсээн итэҕэтэр этибит.

    0
    • Могул
      7 февраля 2013  

      Бигэ-52

      Дьэ ити сөптөөх этии буолла. Онно эбэн эрчиллии кинигэтин оҥоруохха.
      Ол кэннэ саха тылыгар кылаас таһынан үлэҕэ республика бэйэтин хармааныттан харчы оҕотун эбии көрүнэрэ буоллар дьыала лаппа тупсуо этэ.

      0
  • BERT_JICKTY
    8 февраля 2013  

    Дапсы санаата

    http://sakhasire.ykt.ru/?p=12267
    Саха, нуучча тылларын тэҥнээн үөрэтии — тылы өрүтүннэрии биир суола

    Саха тыла нуучча тылыгар көһүөхтээҕэ биллэр, көһөн эрэрэ көстөр. Үйэ аҥаарын устата, мин билэр кэммэр, саха тыла, култуурата, дьонун өйө-санаата киһи итэҕэйиэ суоҕун курдук сөҕүмэрдик нууччатыйда. Ааспыт үйэ 60-с сылларыгар икки атын-атын улууска кыра кылааска үөрэнэр кыргыттар, өрөбүллэригэр дьиэлэригэр тиийэн, ийэлэрин «Маама!» диэн ыҥыран, саҥарбыттарын кэмсиниэхтэригэр диэри таһыллыбыттар.

    Буруйдара, кырдьык, улахан эбит: тыллаах-өстөөх обургу кыргыттар эрээри, оччотооҕу саха өйдөбүлүнэн, букатын өйө суохтук, мэниктик-тэниктик тылласпыттар, бэрт кутталлаах ыарыылары ыҥырбыттар. Аны ийэ-аҕа диэбэти сүөргүлүүр атын түбэлтэ Бүлүү Халбаакытыгар, Бүлүү куоратын өрүс уҥуортан өҥөйөн олорор чугас нэһилиэккэ, эмиэ ол 60-с сылларга буолбут. Биир дьахтар Бүлүү куоратыттан уончалаах кыыһын кытта дойдутугар сайылыы тахсыбыт. Кыыһа ийэтин «Маа! Маама!» диэн ыҥырарын мас саха халбаакылар улаханнык дьиктиргээбиттэр, сиилиэхтэринэн сиилээбиттэр. «Итиччэ улахан кыыс хайдах ынахха дылы маҥырыырый?!» дииллэр эбит. Бука, атын да сирдэргэ ити кэмҥэ оҕолоро ийэни ийэ, аҕаны аҕа дииллэрин ирдииллэрэ эбитэ буолуо.
    Сыл-хонук ааһар, саха дьонун өйө-санаата, тылга сыһыана уларыйар. Ол Халбаакы орто оскуолатын 2006 с. бүтэрэн эрэр сытыы-хотуу кыыс, бука, үчүгэй үөрэнээччи буолуохтаах, «үйэм-сааһым тухары «бэсэстибэ» диэм суоҕа!» диэн андаҕайан, өрөспүүбүлүкэ хаһыатыгар Хонуу Сибэккитэ диэн аатынан суруйан, Саха сирин үрдүнэн хайҕаммыта. Саха тылын бэтэрээн учууталлара үөрүүлэрин уйбакка хаһыакка суруйбуттара. Эмиэ ол саҕана биир саха тылын бүтэрбит киһи, оскуола дириэктэрэ буолаат, сахатын тылын чааһын сарбыйбыт. Онтун бииргэ үөрэммит табаарыһыгар бэрт ботуруйуот В.А.Ноговицыҥҥа кэпсээн, улаханнык кэлэппит этэ. Хайдах курдук саха тылыгар тоҥ тыыннаах, тоҥуй сыһыаннаах саха тылын учууталларын иитэн таһаара олорбуппутуй аатырар сэбиэскэй кэмҥэ, уларытыы да сылларыгар?! Кэлиҥҥи сүһүөх учууталларбыт хайдахтарый? Тылга, олоххо киэҥ көрүүлээх сахалары, саха тылын ботуруйуоттарын сатаан иитэр буолбуппут буолуо дуо? Иитэр буолбут буоллахпытына, ол ииппит дьоммут тоҕо тылларын туһугар кыһаллан хамсамматтарый, саха тылын көмүскээн, өһүргэниэхтэн да өһүргэнэн турбаттарый?!
    1961 с. Сахалыы таба суруйуу быраабылатын бырайыагын дьүүллэһиигэ «Кыым» уонна «Социалистическая Якутия» хаһыаттарга 66 киһи суруга бэчээттэммититтэн кэргэннии П.Н. уонна Н.Е. Самсоновтартан уонна 5 атын киһиттэн уратылара бары нуучча тылларын саха тылын сокуонугар бас бэриннэрэн суруйарга баҕаларын эппиттэрэ. Ол иһигэр оскуола оҕотуттан учуонайыгар, оробуочайыттан мэлииһийэтигэр-борукуруоругар тиийэ саха дьонун араас араҥата баара да — бары биирдик саныыр эбит этилэр.
    Итинтэн 40 сыл буолан баран, 2001 с. бэчээттэнэн тахсыбыт «Сахалыы таба суруйуу тылдьыта» тылдьыкка аҥаардастыы сахатыйбыт тыллары эрэ киллэрбэтэҕэ, нууччалыы ханыыларын эмиэ сөп диэбитэ. Онон «Нууччалыы-сахалыы барыйааннаах тыллар» диэни «айан» таһаарбыта. Икки аҥыы суруйууну иккиэннэрин билинэн, сахатытыахтааҕар сахатыппатах тэҥэ оҥорор. Син биир уруккулуу нууччалыы суруйарга суол аһар. Таба суруйууга тыл үөрэҕэ инники хардыылаабытын толору туһаннарбат. Киирии тылы таба суруйуу соруга сахатытыы уонна сахатытыыны чиҥэтии буолар. Ол ону нууччатытыыны чиҥэтии гына тиэрэ эргитэр. Үгүс нууччатыйан иһэр дьон сахатыйалларыгар көмөлөспөт. Салгыы нууччатыйа туралларыгар, саха тыла нуучча тылыгар көһөрүгэр өҥөлөһөр. Саха тылын үөрэҕэ саха тыла, сахалыыттан тирэх ылан, чиҥник өрүттэригэр баҕарбат курдук буолан тахсар.

    Аны «Олохторо нууччалыы суруллар тыллар» диэн кэрбэҥ анньан, тылы быыстала суох сахатыта турары олох да уот ааныттан бобор. Ол аата тыл хааччаҕа суох сахатыйа турарын көҥүллээбэт, суолун быһыттыыр. Кэлэр сырдык кэскилбит диэн эрэнэр тыабыт оҕото нуучча тылын саха саҥарар үгэһинэн саҥарыа, суруйуо суох буолан андаҕайарын көрдүбүт. Оччо буолуор диэри нууччатыйбыт өйдөөх-санаалаах, култууралаах — саха тылын кэрэтин туһунан тибис-тиэрэ өйдөбүллэммит омук өйүн сахатын тылыгар эргилиннэрбэтэххэ, бэйэтэ өрүттүө дуо? Бука, А.Е.Мординов 1986 с-ха дьиксиммитин курдук, аҕыйах кэминэн тыла суох, буору бааһырдааччы эрэ буолуохпут. Үһүс тылга бигэтик көспүт, «Март ыйга юношалар вольнайга соревнованиеларыгар спортшкола перспективнай воспитаннига Нюргун Матчитов схваткаларын досрочно чистайдаан, командатыгар решающай баллары биэрбитин особо отмечайдыыбыт» диэн «сахалыы» саҥарар үрдүк үөрэхтээх саҥаттан саҥа сүһүөх салайааччылар, тэрийээччилэр, иитээччилэр үүнэн тахсаллар. Саха сайдар суолун кинилэр быһаараллар. Чиргэл-чэгиэн ыччаппытын иитэр-үөрэтэр дьон — кинилэр. Оннук инники этэрээттээх саха омуга ханна тиийиэй? Тыл итиччэ түргэнник түҥкэлийэр буоллаҕына, аан дойду сайдыылаах омуктарын кытта тэҥҥэ-сэргэ хаамсар култууралаах, сайдыылаах литэрэтиирэлии тыллаах омук буолан, бу үйэни моҥуурбут саарбах. Саха тылын учууталлара кытта итинник хааһы тылынан саҥарарга бэйэлэринэн холобур буолар буоллахтарына, хантан ыраас тылланабыт? Сайдыылаах, кыахтаах омук итинник тыллаах дьоҥҥо оҕотун итэҕэйэн ииттэриэ, үөрэттэриэ этэ дуо?
    Биһиги олохпут куолута, дьоммут майгыта, үөрэхпит тиһигэ итинтэн атын киһини иитэн таһаарар кыаҕа суох буолта билиннэ. Тылы олоххо, тыл кэскилигэр быһаччы туһалаах гына хабаатыннаран үөрэтэр суолу тэлиниэх тустаахпыт. Оскуолаҕа оҕо нуучча тылын үөрэтэр буолуоҕуттан икки тыл уратыларын биллэрэн, ол аата икки тылы тэҥнии тутан — биир тылы атын тылга тэҥнээн үөрэтии саха тыла бэйэтин айылгытын тутан сылдьарыгар көмөлөһүө, нуучча тылыгар көһүүтүн тохтотон өрүтүннэриэ. Дорҕоону, буукубаны, тылы, тыл ситимин, этиини, ордук дьон сыыһар, тылы буортулуур уустук өттүн «нууччалыыта маннык, сахалыыта маннык» диэн чопчу ыйан, көрдөрөн үөрэтэр бырагыраама, үөрэх кинигэлэрэ, көмө кинигэлэр, тылдьыттар оҥоһуллан барыахтаахтар.
    Дорҕоону үөрэтии, мин көрүүбэр, түгэх өй утумнаан биэриитинэн, маннык кэрдиистэрдээх буолуон сөп. Бастакыта: тутаах билиини — саха, нуучча тыллара тус-туһунан тыллар буолалларын, онон аҥы-аҥы айылгылаахтарын, дорҕоонноро, тыллара хайа-хайалара бэйэлэригэр эрэ сөп буола айыллыбыттарын, атын тылга сөп түбэспэттэрин долоҕойго түһэрии. Билии итинтэн саҕаланыахтаах.
    Итинтэн салгыы иккис кэрдииһэ: нуучча тылыгар хастыы да аһаҕас, бүтэй дорҕоон сэргэстэһэрин, саха тылыгар оннук буолбатын үөрэтии дьиктиргэтиэн, кэрэхсэтиэн сөп.
    Үһүс кэрдииһэ: саха тылыгар бүтэй дорҕоон тыл иннигэр, ортотугар, бүтүүтүгэр туттуллуута чопчу бэрээдэктээҕин, нуучча тылыгар оннук суоҕун үөрэтии саха, нуучча тылларын уратыларын туһунан өйдөбүлү кэҥэтиэҕэ.
    Төрдүс кэрдииһэ: саха тылыгар суох нуучча дорҕооннорун, нуучча тылыгар суох саха дорҕооннорун биллэрии чиҥник иҥиэ, сахалыы саҥара сатааһын үөскүө. Москва, Яков, Яковлев, учитель диэн тыллар сахалыытыгар Москуба, Дьаакып, Дьаакыбылап, учуутал диэн дорҕоонноро уларыйан тахсарын оҕолор сонургуохтара.
    Бэһис кэрдииһэ: сахалыы дорҕоонноммут тыл киирии тыл диэн ааттанарын, саха тыла буолан хааларын биллэрии кэлэр.
    Алтыс кэрдииһэ: саха тылыгар сөп түбэспэт дорҕоонноох тыллары саха тылын сокуонугар хайдах сөп түбэһиннэрэн, киирии тыл оҥорору, тылга көрдөрөн, үөрэтии өйгө түһүмтүө буолуо. Итини билбэтэх дьон саха тылын сыыһырдааччы, сахатытыыны утарааччы буолаллар. Онон «киирии тыл» диэни биллэрии саха тылын доҕотторун тэнитэр сүдү суолталаах.
    Сэттис кэрдииһэ: киирии тылы нууччалыытынан солбуйан саҥарыы саха тылын алдьатарын өйдөтүү.
    Ахсыс кэрдииһэ: алдьаммыт тылынан саҥарыы тыл үөрэҕэр култуурата суох быһыы диэн сыаналанарын өйдөтүү. Ону өйдөөбүт оҕо олоҕун устата ыйыы оҥостуо. Саҥарыы култуурата үрдүө.
    Тохсус кэрдииһэ: саха тыла дорҕооно дьүөрэлэһэрин — биир эрэ тылга дьүөрэлэспэтин, саҥарар саҥабыт бүтүннүүтэ дорҕоон дьүөрэлэһиитигэр тутуллан турарын үөрэтии. Сахаҕа дьүөрэлэспит дорҕоонноох тыл, саҥа эрэ кэрэ диэн аатырарын, тыл кэрэтин (эстетика слова), тыл мантынан күүстээҕин, үйэлээҕин өйдөтүү. Олоҥхотугар тиийэ улуу айымньыларбыт дорҕоон дьүөрэлэһиитин сокуонунан айыллалларын көрдөрөн итэҕэтии.
    Онус кэрдииһэ: бу үйэлээх уратыта сууралыннаҕына, саха тыла буолан бүтэрин өйдөтүү. Онон дорҕоону үөрэтии сахалыы саҥарыы үгэһин өйдөтүүнэн, сахалыы ыраас саҥаны харыстыыр тыыҥҥа иитиинэн түмүктэнэр.
    Ол кэнниттэн тыл суолтатын үөрэтии кэлэр. Эмиэ тэҥнээн: «бу нуучча тылын сахалыы ханыыта маннык», «бу тыл тылбааһа маннык» диэн. Оннук үөрэтэр улахан да дьоҥҥо туһалаах. Нуучча тылын туттуу сиэрин хардыы аайы кэһэн, туттуо суохха туттар, тылы өйдөөн туттар ирдэбили билбэт дьоммут элбэх. Тыл суолтатын, ханыытын билии январь, подруга, подарок, поддержка диэн саҥара сылдьар дьоммут аҕыйыырыгар көмөлөһүөх тустаах. Ити тыллар саха тылыгар тохсунньу, дьүөгэ, бэлэх, өйөбүл диэн буолалларын хаба тардан билбэт буолан: «Нууччалыы саҥарар дөгөм, өйдөнүмтүө», — дииллэр. Дөгөмсүтэн, судургутутан, «окуошканан посмотриилаа» дииллэрин ордороллор, көмүскэһэллэр. Сорохтор сахалыы ханыылаах нуучча, омук тылларын сахалыы саҥаҕа кыбытар сатамматын билбэт буолан, булкуллубут тылынан саҥараллар.
    Нуучча тылын, тылын ситимин, этиитин өйдөбүлүн дьон билэн, нууччалыы туттар. Сахалыы ханыытын билбэт. Онон билэрдии, үөрүйэхтии нууччалыытынан саҥарар. Бэркэлээтэҕинэ — туруору тылбаастыыр. Ол аата сахалыы саҥардаҕым диэн буолар. Оннук туруору тылбаастаан саҥарыы олус хойуу: «идти навстречу желанию друга» — доҕорум баҕатыгар утары баран («доҕорум баҕатын ылынан // толорон» онн.), «пустить красного петуха» — кыһыл бөтүүгү ыыт («уотта ас» онн.), «звери и медведи живут в лесу» — кыыллар уонна эһэлэр ойуурга олороллор («кыыллар, эһэлэр тыаҕа бааллар» онн.), сказка «Лиса и Журавль» — «Саһыл уонна Туруйа» остуоруйа («Саһыллаах Туруйа» онн.) диэн буолан иһэр. Ону утары көннөрөн иһэр сороххо кыаллыбата да буолуо. Кыаллара буоллар, туһата туохха да кэмнэммэт улахан буолуох этэ.
    Киһи олоҕун устата туттар тылын үксэ: нуучча тылын бэйэтинэн туттуу, тылы дорҕоонун сахатыппакка да, тылбаастаабакка да саҥарыы уонна туруору тылбаастаан саҥарыы оскуолаҕа үөрэнэр сылларыгар үөрүйэх буолар. Онон онно тута баттаһан үөрэттэхпитинэ эрэ ситиһиилэниэхпит. Учууталлартан кытаанах ирдэбил туруох тустаах. Оскуолаҕа бутуур, булкаас тыллаах учуутал тардынар быһыыта-майгыта олохтонуохтаах. Учуутал идэтигэр сүрэхтэринэн-быардарынан бэриниилээх оскуолаҕа ыраас тыл уостубат хамсааһына өрө күүрдүөхтээх, тылы үөрэтии тэнийиэхтээх. Тылы үөрэтэн, өйдөөн бардахха, икки тыл уратыта толору көстөн кэлиэ: нуучча тылыгар суох дорҕооннор саха тылыгар, саха тылыгар суох дорҕооннор нуучча тылыгар бааллара, саха тылыгар сэргэстэспэт дорҕооннор нуучча тылыгар сэргэстэһэллэрэ, нуучча тылыгар охсуулаах аһаҕас дорҕоон, саха тылыгар уһун аһаҕас дорҕоон баара о.д.а. өйгө түһүө. Нуучча тылыгар дорҕоон дьүөрэлэспэт эбит буоллаҕына, саха тылыгар булгуччу дьүөрэлэһэрэ, ол дьүөрэлэспэтэҕинэ, саха тыла онтон сатарыйара өйдөтүллүөхтээх. Онтон тылы харыстааһын, төрөөбүт тылы таптааһын, ыраастык саҥара сатааһын таһыма — саҥа, үрдүк таһым кэлиэхтээх.
    Үөрэх министиэристибэтэ, Учууталлар идэлэрин үрдэтэр үнүстүүт, Төрүт омуктар оскуолаларын чинчийэр үнүстүүт, аны туран, хаадыры иитэн биэрэр кыһалар: Хотугулуу-илиҥҥи омуктар тылларын, култуураларын үнүстүүтэ, учууталлары үөрэтэр үнүстүүт, кэллиэстэр, Куманьытаарынай чинчийии уонна аҕыйах ахсааннаах омуктар кыһалҕаларын чинчийэр үнүстүүт, сүбэлэрин холбоотохторуна, саҥалыы үлэлээн, тыла симэлийэр кутталлаах сахаларын норуотун киһи-хара гынар күүстээхтэр.
    Икки, элбэх омук тылын булкуйбакка саҥарыы — тылы туттуу, ыраастык саҥарыы сүрүн ирдэбилэ. Ол кылаастан кылаас аайы чиҥэтиллэн, киһини үйэтин тухары батыһа сылдьар гына, үрдүк култуура бэлиэтэ буола оскуолаҕа дириҥник иҥэриллиэхтээх. Нуучча тылын култууратын үөрэтээччилэр «Киһи тылга сыһыанынан кини култууратын эрэ быһаарыллыбат, кини хайдах-туох кырастаньыынын көрөҕүн» дииллэр. Аны «Тылы туттуу, тылга үлэ ботуруйуоттааһын дьыалата» дииллэр. Биһиги ыччакка оннук өйү-санааны, сырдык иэйиини эрдэттэн иитэрбититтэн тоҕо кэмчиэрийиэх тустаахпытый? Саха уурастаабат тыньыс, дьирээ омук. Кини сайдыылаах ыччата, тыынын мананан, биир санааны ылыннаҕына, саха тылын үйэлээх үгэһигэр олоҕуран, эҕэрдэлээх иньэ тылбытын өрүтүннэрэр суолу тобулуо.

    Михаил АЛЕКСЕЕВ-ДАПСЫ.

    0
  • ыллык
    8 февраля 2013  

    .

    Саха тылын үөрэтэргэ аналлах билигин туттулла сылдьар бырагыраамманы 36-а сыллаахха, кэлии омуктар "саха тылын үөрэтэллэригэр чэпчэки буоллун" диэн санааттан ылыммыттара өйдөнөр. Онтубут кэлии омуктар саха тылын үөрэтэргэ кымаардаан да көрбөтөхтөрүн содулугар хата бэйэбит тылбыт симэлийэригэр төттөрү тирэх буоллаҕа. Онон ол алҕас көнүөхтээх. Бырагыраамма уларытыллан оҥоһуллуохтаах. СВФУ-га оҕолору хата төттөрү сахалыы саҥардахтарына хатыһаллар үһү дии. Үөрэтээччилэрэ нууччалыы эрэ саҥараллар дииллэр. Онон түргэнник дьаһал ылбатахтарына эстэр турукка киирэр инибит. Хотун Е.И.Михайлова уһуну киэҥи толкуйдаан сахалыы саҥаны төннөрөргө үлэлэстэҕинэ сатанар буолбут. Син сааһа да ыраатан эрэр курдук, омугун туһугар кыһаллар кэмэ кэллэҕэ. Дьиҥнээх саха дьахтара буоллаҕына омугун дьылҕатыгар туох эмэ күттүөнээх соҕус дьаһалы ыларыгар уолдьастаҕа. Саха дьоно киниттэн күүскэ соҕус ирдээтэхпитинэ, туруорустахпытына сатаныыһы быһылаах. Тыыннаах эрдэхпитинэ(сүтэ-симэлийэ).

    0
  • Могул
    9 февраля 2013  

    Дьэ ити

    убаастабыллаах Дапсы а5албыт холобура сир аайы баар суол.
    То5о итинник буоллубут?
    Сүрүн дьиҥ биричиинэ предметтэри нуучалыы үөрэтиигэ сытар.
    Ол түмүгэр о5олорбут нуучалыы толкуйдаах эрэ буолан оскуоланы бүтэрэллэр. Нуучалыыттан сахалыыга, сахалыыттан нуучалыыга кыайан көһөн саҥарар кыахтара суох.
    БиҺиги 50 сыл таҺынаа5ы дьон 8 кылааҺы бары предметтэргэ сахалыы үөрэнэн бүтэрбиппит. Ол иҺин хайа ба5арар тылга холкутук көҺөн толкуйдуубут, син араас да5аны буолларбыт.
    Ол аата ол са5анаа5ы үөрэх министиэристибэтэ Я. А. КОМЕНСКАЙ УЛУУ ДИДАКТИКАТЫН толору тутуҺан үөрэтиини ыытар эбит.

    0
  • Рустам Каженкин
    10 февраля 2013  

    Кыттыыгыт иһин махтал

    Бу этиилэри сүүмэрдээн, олунньу 13 күнүгэр буолар аһаҕас кэпсэтиигэ иһитиннэриэхпит. Түмсүү үөскүөн сөп диэн сэрэйэбит. Дьон-киһи үлэлииргэ бэлэм уонна аҕыйаҕа суох. Өссө төгүл махтал!

    0
  • Попова А.М, Нам, гимназия
    13 февраля 2013  

    санаа атастаһыы

    электроннай пособие, учебник, тылдьыт тахсарыгар үп -харчы көрүллэрэ буоллар.Учууталларга араас хабааннаах конкурстарда ыытыахха, холобур, интерактивнай дуосканы табыгастаахтык туттуу, "Саха тылын бастыҥ учуутала"

    0
  • Попова А.М, Нам, гимназия
    13 февраля 2013  

    санаа атастаһыы

    электроннай пособие, учебник, тылдьыт тахсарыгар үп -харчы көрүллэрэ буоллар.Учууталларга араас хабааннаах конкурстарда ыытыахха, холобур, интерактивнай дуосканы табыгастаахтык туттуу, "Саха тылын бастыҥ учуутала"

    0
  • Маша Гермогенова
    22 января  

    Ойуулаах тылдьыт диэн туогуй мин 4 кылааска уоранабын этиннитий баhaaлыста

    0
Ответ на тему: Тыл түһүлгэтэ - сахалыы үөрэтии тула санаа атастаһыы
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания