Истиҥ илдьит: сахалыы эҕэрдэлэр
Саха тыла  -  27 октября 2016 17:44   1492
1. Үбүлүөйүнэн, төрөөбүт күнүнэн эҕэрдэлэр
Скрытый текст
1. Күндү __ __ сааскын туолбут кэрэ-бэлиэ күҥҥүнэн итиитик-истиҥник эҕэрдэлиибит! Уустук, сыралаах, эппиэтинэстээх үлэҕэр саҥа үрдүк ситиһиилэри, кытаанах доруобуйаны, тус олоххор дьолу-саргыны баҕарабыт!

2. Күндү кэргэммин, аҕалаатар аҕабытын, эһэлээтэр эһэбитин, тапталлаах күндү киһибитин __ __ сааскын туолбут кэрэ-бэлиэ үбүлүөйгүнэн, айыы сиригэр үктэммит алгыстаах күҥҥүнэн ис-сүрэхпититтэн үөрэн-көтөн сахалыы айхаллыыбыт, урааҥхайдыы уруйдуубут! Эн таһаарыылаах үтүө үлэҕинэн, сэмэй майгыгынан, элэккэй сыһыаҥҥынан киэн туттабыт, олус астынабыт. Оҕолоргун үрдүк үөрэхтэтэн, идэлээх олох киэҥ аартыгар үктэннэрбиккэр, аныгы үйэ сиэринэн бигэ бэлэмнээх дьон буолбуппутугар көмөҥ, сүбэҥ-амаҥ, ахсаабат кыһамньыҥ иһин барҕа махталбытын тириэрдэбит. Баҕарабыт ыалдьары киэр илгэн, кырдьыыга бэриммэккэ күндү сиэннэриҥ мичээрдэригэр, барыбыт тапталыгар угуттанан, аймах-билэ дьонуҥ ытыктабылын ылан, олоҕун өссө киэркэйэн, өссө да уһуннук, дьоллоохтук олороргор баҕарабыт.

3. Күндү киһибитин __ __ сааскын туолбуккунан ис-сүрэхпититтэн эҕэрдэлиибит. Санаабытын барыта сатанан, айылҕаттан бэриллибит дьоҕурун өссө тобуллан, уһаан, кэҥээн, дириҥээн, сайдан истин. Күндү чугас дьонуҥ уҕараабат тапталыгар инниҥ хотулаахтык баран ис. Чэгиэн доруобуйаны, олоххор тардыһыыны баҕарабыт.

4. Таптыыр ийэбитин, эбээбитин __ __ сааскын туолбут үтүө-мааны күҥҥүнэн итиитик-истиҥник эҕэрдэлиибит! Баҕарабыт кытаанах доруобуйаны, бары үтүөнү, кэрэни, инникитин да өссө үгүс сылларга эн олоххор үөрүү-көтүү, дьол-соргу тосхойдун. Күн сирин көрдөрбүт Күн күбэй ийэбитигэр бары үтүөҕэр, истиҥ сыһыаҥҥар, сылаас тапталгар махтанабыт.

5. Күндү кэргэммин, Күн күбэй ийэбитин, эйэҕэс эбээбитин __ __ сааскын туолбут кэрэ-бэлиэ үбүлүөйгүнэн, айыы сиригэр үктэммит алгыстаах күҥҥүнэн ис-сүрэхпититтэн үөрэн-көтөн сахалыы айхаллыыбыт, урааҥхайдыы уруйдуубут. Күндү киһибитигэр кытаанах доруобуйаны, үгүс үөрүүнү, күн сиригэр баар үтүөнү, дьоллоох, уһун олоҕу баҕарабыт. Биһиги туспутугар ахсаабат кыһамньыҥ, эйэҕэс сыһыаныҥ, болҕомтоҥ, өйөбүл-тирэх буоларыҥ иһин барҕа махталбытын тиэрдэбит.

6. Күн кэриэтэ күндү киһибин - тапталлаах кэргэммин, күн күбэй ийэбитин, истиҥ иһирэх эбэбитин __ __ үрдүк үбүлүөйгүнэн нохтолоох тойон сүрэхпит долгуйар үөрүүтүгэр уйдаран, хоолдьуктаах бэйэбит хоҥкулдьуйа сүгүрүйэн истиҥник-иһирэхтик эҕэрдэлиибит! Олоҕуҥ кэрэ-бэлиэ кэрчигин эдэрдии эрчимнээн, үөрэх, сайдыы туһа диэн үлүһүйэн үлэлии, сүүрэ-көтө сылдан үрдүк ситиһиилэрдээх көрсөргүнэн хаан-уруу, аймах-билэ дьонноруҥ аатааҕын диэн астынабыт. Эн барыбыттан эрэ ураты, дьиҥнээх сахалыы аһаҕас, амарах, үөрүнньэҥ майгыгын, төрөппүттэргин утумнаан дьон-сэргэ туһа диэн аһыныгас, кыһамньылаах сыһыаҥҥын бука бары астынан, киэн туттан, барҕа махталынан ахтабыт! Тапталлаах киһибит, өрүүтүн да буоларын курдук өйдөһөн-өйөһөн, күндүлэһэн-маанылаһан, эн-мин дэсиһэн кэлэр кэскилбит, кэнэҕэски ыччаттарбыт сылаас тыыннарыгар уйдаран олохпут долгуйар үөһүнэн эрэллээхтик өрө өксөйө туруоххайыҥ!

7. Күндүтүк саныыр кэргэммин, аҕабытын, эһэбитин __ __ туолар кэрэ-бэлиэ күҥҥүнэн итиитик-истиҥник эҕэрдэлиибит. Сахабыт сирин алмааһын курдук кытаанах доруобуйаны, сүбэ-ама, күүс-көмө буолан, өссө даҕаны уһуннук биһигини кытары олох үөрүүтүн, дьолун тэҥҥэ үллэстэн, ыалдьары билиммэккэ, этэҥҥэ, билиҥҥиҥ курдук сэргэхтик олороргор баҕарабыт. Эн биһиэхэ иҥэрбит кыһамньыгын, ситиһиигинэн холобур буоларгын үрдүктүк сыаналыыбыт. Иэйэхситтэриҥ эҥэрдэһэ, айыыһыттарыҥ аргыстаһа, араҥаччылыы сырыттыннар.

8. Күн сирин көрдөрбүт таптыыр күндү ийэбитин, эбээбитин __ __ сааскын туолбуккунан ис-сүрэхпититтэн эҕэрдэлиибит. Оҕолоргун бүөбэйдээн, иитэн, үөрэттэрэн атахпытыгар туруорбут үтүөҕэр сиргэ тиийэ сүгүрүйэбит, махтал бастыҥын этэбит. Билигин сиэннэриҥ, хос сиэннэриҥ эн сылаас сыһыаҥҥар угуттанан, үтүө сүбэҕин-амаҕын, олоҕуҥ туһунан үгүс сэһэҥҥин истэллэр, сонуннарын, ситиһиилэрин үллэстэллэр. Барыбытын түмэр дьоҕургун, угуйар күүскүн сыаналыыбыт, киэн туттабыт, холобур оҥостобут, эйиигин таптыыбыт, сыллыыбыт, ууруубут. Күн күбэй ийэбит, эйэҕэс эбээбит барахсаҥҥа кытаанах доруобуйаны, билиҥҥиҥ курдук эдэрдии дууһаны, көхтөөх туруктаах этэҥҥэ сылдьаргар баҕарабыт. Биһиги туспутугар оҥорор үтүөҥ тус бэйэҕэр уон оччонон төннүөҕэ, барыбыт ситиһиитэ, үөрүүтэ-көтүүтэ эн олоххун уһатыаҕа.

9. Күндү тапталлаах кэргэммин, аҕабытын, эһэбитин __ __ сааскын туолар үтүөлээх үбүлүөйгүнэн итиитик-истиҥник эҕэрдэлиибит. Эн баар буолаҥҥын биһиги дьоллоохпут, Эн баар буолаҥҥын бигэ тирэхтээхпит.

10. Ытык мааны учууталбытын __ __ сааскын томточчу туолар үөрүүлээх күҥҥүнэн ис сүрэхтэн иэйэн туран итиитик-истиҥник эҕэрдэлиибит!
Эн биһигини сүрэҕин сылааһар угуттаан, истиҥ тапталгын иҥэрэн, сыраҕыҥ-сылбаҕыҥ ууран туран үөрэппиккэр, үгүс билиини биэрбиккэр муҥура суох махтанабыт!
Күн-дьыл өксүөнүн билиммэккэ, ыалдьар-кырдьар диэни аахсыбакка, эдэрдии эрчимнэнэн, чугас дьонуҥ сылаас тапталынан кынаттанан мэлдьи үөрэ-көте сырыт!

11. Күндүтүк саныыр, убаастыыр __ __ сааскын туолар үөрүүлээх үбүлөйгүнэн итиитик-истиҥник эҕэрдэлиибит! Күндү киһибитинэн киэн туттабыт, өрөспүүбүлүкэбит сайдарыгар улахан өҥөлөөххүн, эппиэтинэһи бэйэҕэр ылынар үтүө суобастаах салайааччы быһыытынан билэбит! Эн киэҥ-холку көҕүскүнэн, билиигинэн-көрүүгүнэн, майгыгынан элбэх дьон-сэргэ махталын, ытыктабылын ылбыт киһи буолаҕын! Биһиэхэ үтүө холобур буолаҕыҥ!
Эдэрдии эйэҕэс дууһаҕынан, булгуруйбат сайаҕас санааҕынан, соргулаах сүбэҕинэн оҕолоруҥ истиҥ мичээригэр, чугас дьонуҥ сылаас сыһыаныгар куустаран үгүс үөрүүлээх кһннэн, уһун уруйдаах олохтон диэн алгыыбыт. Биһиги бары эйиигин таптыыбыт, убаастыыбыт!

12. Тапталлаах кэргэммин, амарах аҕабытын, эйэҕэс эһэбитин __ __ сааскын туолбут үбүлүөйгүнэн итиитик-истиҥник ис сүрэхпититтэн эҕэрдэлиибит! Күндү киһибитигэр ситиһиини, киил мас курдук кытаанах доруобуйаны, чэгиэн туругу, күн сиригэр баар бары үтүөнү, кэрэни, дьолу-соргуну баҕарабыт. Чугас дьонуҥ сылаас сыһыаннара, дьон-сэргэ ытыктабыла эйиигин мэлдьи арыаллаатын, күүскэр күүс эптин. Бу курдук өрүү үөрэ-көто, эдэрдии эрчимҥин ыһыктыбакка сырыт. Биһиги эйиигин олус күүскэ таптыыбыт.

13. Күндү балтыбытын, эдьиийбитин __ __ сааскын туолбут үтүө-мааны күҥҥүнэн итиитик-истиҥник эҕэрдэлиибит!
Тус бэ    йэҥ уонна дьиэ кэргэниҥ доруобай, чэгиэн-чэбдик буолуҥ, үтүө баҕа санааларгыт туоллунар.

14. Ытыктыыр учууталбытын __ __ сааһын туолар үбүлүөйдээх күҥҥүнэн эҕэрдэлиибит! Эн биһигини олох киэҥ аартыгар атаарбыт, дириҥ билиини иҥэрбит Учууталбыт буолаҕыҥ. Эһиги амарах дууһаҕыт, үлэҕэ бэриниигит, кытаанах ирдэбилгит биһиэхэ мэлдьи холобур буолар. Kүн сирин көрдөрбүт оҕолоргут, билигин сиэннэргит минньигэс мичээрдэрин иҥэринэн, сылаас тапталларыгар уйдаран дьоһун олоҕу олороргутуттан, чөл олоҕу тутһан этэҥҥэ сылдьаргытыттан биһиги үөрэбит.

15. Күндүтүк саныыр бииргэ төрөөбүт эдьиийбин __ __ томточчу туолбут кэрэ-бэлиэ күҥҥүнэн, үөрүүлээх үбүлүөйгүнэн итиитик-истиҥник эҕэрдэлиибит! Биһиги туспутугар ахсаабат кыһамньыҥ, үгүс үтүө сүбэҥ иһин махтанабыт. Баҕарабыт уҕараабат эрчими, чэгиэн чэбдик доруобуйаны. Олоххо дьулуургун, тэтимҥин ыһыктыбакка, өссө да уһуннук олороргор баҕарабыт!

16. Күн күбэй ийэбитин __ __ сааскынан сүһүөхтээх бэйэбит сүгүрүйэн, хоолдьуктаах бэйэбит хоҥкуйантуран итиитик-истиҥник эҕэрдэлиибит!
Тапталлаах ийэбит күн сирин көрдөрөн, олох араас олох уустуктарын намчы санныгар сүгэн, сүрэҕиҥ сылааһын, дууһаҥ иэйиитин оҕолоргор анаан тапталгынан угуттаан улаатыннарбыккар махтанабыт. Өссө да өр сылларга кыргыттарыҥ, уолаттарыҥ тапталларыгар уйдаран сиэннэргэр, хос сиэннэргэр эрэллээх эркин буол.

17. Тапталлаах кэргэммин, амарах аҕабытын, ытыктыыр эһэбитин __ __ сааскын туолар үбүлүөйгүнэн итиитик-истиҥник эҕэрдэлиибит! Ытык сааскын бэлиэтиир күҥҥэр үөрэн-көтөн туран эйиэхэ чэгиэн доруобуйаны, быстыбат күүһү-уоҕу баҕарабыт! Баҕа санааҥ барыта барҕара туолуохтун, алгыспыт үтүөтэ, санаабыт сырдыга эйиэхэ тиийиэхтин!

18. Тапталлаах аҕабытын, эһэбитин, убайбытын __ __ сааскын туолбут үбүлүөйгүнэн итиитик-истиҥник эҕэрдэлиибит. Дьоҥҥор, доҕотторгор ыллыктаах ыраас ыра санааларгын, олоххо үтүө көрүүлэргин үөрэ-көтө утары ууна сылдьаргыттан үөрэбит. Олоҕуҥ тухары үтүөнү үксэтэр, кэрэни кэрэхсиир олоҕуҥ аймах-билэ дьоҥҥор, оҕололоргор, сиэннэргэр холобур буолан, үтүө сүбэһит-амаһыт буолан кинилэр тапталларыгар уйдаран уһун дьоллоох олохтон. Эйиигин төрөөбүт төрүт дойдуҥ күөх айылҕата, ыраас уулаах күөллэрэ, ыллыыр ходуһалара араҥаччылыы, арчылыы сырыттыннар диэн алгыстаах санаабытын тиэрдэбит.

19. Тапталлаах кыыспытын, балтыбытын, эдьиийбитин, кэргэммин, күн-күбэй ийэбитин, эйэҕэс эбэбитин __ __ сааскын туолар кэрэ-бэлиэ күҥҥүнэн ис сүрэхпититтэн истиҥник эҕэрдэлиибит! Биһиги аймаҕы түмэр бас-көс киһибитигэр ахсаабат кыһамньыҥ, муҥура суох тапталыҥ иһин иһирэх тыл истиҥин, махтал маанытын аныыбыт. Күндү киһибитигэр чэгиэн-чэбдик доруобуйаны, эстибэт эрчими, сырдыгы-кэрэни, уһун дьоллоох олоҕу баҕарабыт. Бар санаа бастыҥын, ыра санаа ырааһын аныыбыт.

20. Улаханнык убаастыыр-ытыктыыр атас-доҕор киһибитин __ __ сааһын томтойо туолбут үөрүүлээх үбүлүөйүнэн ис сүрэхтэн эҕэрдэлиибит, чэгиэн-чэбдик сылдьан, уһуннук, дьоллохтук олороругар ис сүрэхпититтэн баҕарабыт.

21. Күндү дьүөгэбитин __ __ сааскын туолар үбүлүөйгүнэн ис сүрэхтэн эҕэрдэлиибит! Сатабыллаах дьаһалгын, мындыр толкуйгун, олоххо дьулуургун куруук холобур оҥостобут. Чэгиэн доруобуйаны, үгүс үөрүүнү, дьолу-соргуну ис сүрэхпититтэн баҕарабыт!

22. Таптыыр кэргэммин, күн күбэй ийэбитин, эбэбитин, хос эбэбитин __ __ сааскын туолбут үтүө-мааны күҥҥүнэн эҕэрдэлиибит! Күндү дьоҥҥор, оҕолоргор ыллыктаах ыраас ыра санааларгын, олоххо үтүө көрүүлэргин үөрэ-көтө утары ууна сылдбаргыттан астыабыт. Аймах-билэ дьоҥҥор, оҕолоргор, сиэннэргэр, хос сиэннэргэр холобур буолан, кинилэр тапталларыгар уйдаран, үтүө сүбэһит-амаһыт, амарах Далбар Хотун буолан уһун, дьоллоох олохтон. Баҕа санаабыт сырдыга эйиэхэ тиийиэхтин.

23. Ытыктыыр күндү дьүөгэбитин ___ алгыстаах ___ сааскын туолбуккунан итиитик-истиҥник эҕэрдэлиибит! Дьоҥҥор, дьүөгэлэргэр, аймахтаргар ыллыктаах ыраас санааларгын, олоххо үтүө көрүүлэргин үөрэ-көтө утары ууна сылдьаргыттан астынабыт. Эдэр сааскыттан үлэҕэ кыттар, үтүөнү үксэтэр, кэрэни кэрэхсиир олоҕуҥ аймах-билэ дьоҥҥор, оҕолоргор, сиэннэргэр холобур буолан, үтүө сүбэһит, амарах Далбар хотун буолан кинилэр тапталларыгар уйдаран уһун, дьоллоох олохтон. Сахалыы мындыр өйдөөх дьүөгэбитигэр кытаанах доруобуйаны, бары үтүө баҕа санааларын туолалларын баҕарабыт.

24. Тапталлаах аҕабытын, эһэбитин, хос эһэбитин __ __ сааскын туолбут үөрүүлээх үбүлүөйгүнэн итиитик-истиҥник эҕэрдэлиибит! Барҕа махтал тылларын тиэрдэн туран, баҕарабыт эстибэт эрчими, чэгиэн-чэбдик туругу! оҕолоргор, сиэннэргэр мэлдьи күүс-көмө, өйөбүл-тирэх буолан өр сылларга этэҥҥэ, дьоллоохтук олороргор баҕарабыт!

25. Амарах аҕабытын, тапталлаах эһэбитин __ __ сааскын туолбут өрөгөйдөөх үбүлүөйгүнэн ис сүрэхпититтэн эҕэрдэлиибит! Доруобай, чэгиэн-чэбдик буол, бары үтүө баҕа санааларыҥ туоллуннар. Эн үлэҥ-хамнаһыҥ, үтүөнү үксэтэр олоҕуҥ аймах-билэ дьоҥҥор, оҕолоргор, сиэннэргэр холобур буолар. Үтүө сүбэһит-амаһыт амарах аҕа, тапталлаах кэргэн, эйэҕэс эһээ буолан уһун, дьоллоох олохтон.

26. Күндү балтыбытын, эдьиийбитин __ __ сааскын туолар күҥҥүнэн итиитик-истиҥник эҕэрдэлиибит!
Күндү киһибитигэр чэгиэн-чэбдик доруобуйаны баҕарабыт, биһиги туспутугар кыһамньыҥ, куруук күүс-көмө, бигэ-тирэх, үтүө өйөбүл буоларыҥ иһин барыбыт аатыттан ис сүрэхтэн махтал, баһыыба тылларын бу үтүө күҥҥэ этэбит! Өссө даҕаны кыаҕыҥ тиийэринэн үлэлээ-хамнаа, ыарыыга-кыһалҕаҕа ылларбакка этэҥҥэ сылдьаргар баҕарабыт.


27. Күндү тапталлаах эдьиийбитин __ __ өрөгөйдөөх үбүлүөйгүнэн ис сүрэхпититтэн истиҥник, иһирэхтик эҕэрдэлиибит! Эн биһиэхэ барыбытыгар амарах сыһыаҥҥар, сүбэҕэр-амаҕар, өрүү көмө-ньыма буола сылдьаргар ис сүрэхпититтэн махтанабыт. Оҕолоруҥ, сиэннэриҥ, аймах-билэ, доҕор-атас дьонуҥ ситиһиилэрэ, үөрүүлэрэ, тапталлара өрүү үөрдэ сырыттыннар, кынаттаатыннар. Өссө да уһуннук сүһүөҕүҥ үрдүгэр сүүрэ-көтө, олоҕунан астына-дуоһуйа, чугас дьоҥҥор сүбэ-ама, өйөбүл-тирэх буоларгар сүһүөхтээх бэйэбит сүгүрүйэн туран, баҕарабыт!

28. Күндү тапталлаах кэргэммин, ийэбитин, эбэбитин __ __ сааскын туолар өрөгөйдөөх үбүлүөйгүнэн итиитик-истиҥник эҕэрдэлиибит! Күндү киһибит, эн дьоҥҥо-сэргэҕэ үтүө сыһыаҥҥынан, аймахтаргар кыһамньыгынан, дуоспуруннаах, барыга бары эппиэтинэстээх иннники күөҥҥэ сылдьаргынан биһиэхэ барыбытыгар холобур буолаҕыҥ. Ыллыктаах ыраас ыра санааларгын, олоххо үтүө көрүүлэргин үөрэ-көтө утары ууна сылдьаргыттан астынабыт. Эдэр сааскыттан үлэҕэ кыттар, үтүөнү үксэтэр, кэрэни кэрэхсиир олоҕуҥ аймах-билэ дьоҥҥор, оҕолоргор, сиэннэргэр холобур буолан, үтүө сүбэһит, амарах Далбар хотун буолан кинилэр тапталларыгар уйдаран уһун, дьоллоох олохтон.
Эйиэхэ үчүгэй олоҕу, кытаанах доруобуйаны, этэҥҥэ буолууну, уһун үйэни уонна оҕолоруҥ, сиэннэриҥ, халыҥ аймахатрыҥ тортотугар өрүү маннык сүүрэ-көтө, үөрэ, көмөлөһө, сүбэлии сылдьаргар баҕарабыт!

29. Күндү бырааппытын, убайбытын, таайбытын __ __ сааһын туолбутутнан итиитик-истиҥник эҕэрдэлиибит! Баҕарабыт кытаанах доруобуйаны, өссө да таһаарыылаах үлэни, дьиэ кэргэҥҥитигэр дьолу-соргуну. Эн биһиги туспутугар ахсаабат кыһамньыҥ иһин ис сүрэхпититтэн махтанабыт.

30. Олоҕум аргыһын, таптыыр кэргэммин, күндүттэн күндү ийэбин, истиҥник саныыр тапталлаах балтыбын, дириҥник ытыктыыр үтүө-мааны майгылаах эдьиийбитин __ __ туолбут үөрүүлээх үбүлүөйгүнэн истиҥник эҕэрдэлиибит! Баҕарабыт чэгиэн доруобуйаны, уһун дьоллоох олоҕу, ыра санаа туолуутун. Биһиэхэ ахсаабат кыһамньыҥ, сүбэҥ-амаҥ, амарах сыһыаныҥ иһин барҕа махталбытын тириэрдэбит, үтүө алгыспытын аныыбыт.

31. Тапталлаах кэргэммин, күн күбэй ийэбитин, эйэҕэс эбэбитин __ __ өрөгөйдөөх үбүлүөйгүнэн үөрэн-көтөн туран ис сүрэхпититтэн эҕэрдэлиибит! Эн биһигини күн сирин көрдөрөн, олоххо суолбутун булларан, үлэлии-хамсыы сылдьарбытыгар эйиэхэ махталбыт муҥура суох. Күндү кэргэммэр, ийэбитигэр, эбээбитигэр ыарыы ыалласпатын, кырдьыы кыттыспатын, өрүүтүн үөрэ-көтө, сүбэлии-амалыы сылдьаргар баҕарабыт. Санаабытыҥ сатанан истин, барҕа баҕан туола туруохтун, сырдык эрэ сыдьаайдын, куруук үтүө-мааны тыл, сырдык санаа эҥэрдэстин! Биһиги тапталбытыгар уйдаран өссө да уһуннук олороргор баҕарабыт.

32. Тапталлаах, ахтар-саныыр эдьиийбитин __ __ сааскын туолар үөрүүлээх күҥҥүнэн истиҥник эҕэрдэлиибит!
Уолан уолаттарыҥ, мааны кийииттэриҥ, кэрэчээн сиэннэриҥ тапталларыгар уйдаран дьоллоохтук олор, чугас дьонуҥ истиҥ-иһирэх сыһыаннарыгар, өйөбүллэригэр уйдаран өссө уһун үйэлэн! Бу күннэргэ аймахтарыҥ, чугас дьонноруҥ ис сүрэхтэн тахсар тылларын тэҥҥэ үллэстэн үөрүүгүт үрдээтин, саргыгыт салалыннын! Баҕа санааҥ барыта барҕара туолуохтун, алгыспыт үтүөтэ, санаабыт сырдыга эйиэхэ тиийиэхтин.

33. Тапталлаах кэргэним, амарах аҕабыт, эһэм __ __ сыллаах үөрүүлээх үбүлүөйгүнэн итии-истиҥ эҕэрдэтэ тут! Төгүрүк саас туолуутугар киһини үлэтинэн-хамнаһынан, дьиэ-кэргэнинэн, дьон сыһыанынан сыаналыыллар. Оттон эн олоҕуҥ бүгүҥҥү кэрчигэр үтүө-мааны ыал аҕата, эһэтэ буолан үктэнниҥ, киһи кэрэхсиир ситиһиилэрдээх көрүстүҥ. Сыалгын-соруккун хаһан баҕар бүтэр уһугар диэри уонна ханнык да мэһэйдэртэн толлубат күүстээх санаалаах буолаҥҥын, эйиэхэ дьон муҥура суох эрэнэр. Ытык сааскын бэлиэтиир күҥҥэр үөрэн-көтөн туран эйиэхэ чэгиэн доруобуйаны, быстыбат күүһү-уоҕу, үлэҕэр өссө үрдүк ситиһиилэри, эрэллээх доҕоттору уонна дьиэ кэргэҥҥэр дьолу-саргыны баҕарабыт!

34. Күн күбэй ийэбитин, эдьиийбитин, эбээбитин __ __ сааскын туолбут үөрүүлээх үбүлүөйгүнэн итиитик-истиҥник эҕэрдэлиибит. Баҕарабыт чэгиэн доруобуйаны, биһиэхэ өссө да дурда-хахха, өй-санаа, күүс-көмө буол тураргар баҕарабыт.

35. Баҕарыахпыт этэ өрүү эн бу курдук сымнаҕыыс-сымнаҕаһынан мичилийэ, өрүү бу курдук кэрэ, ыалдьыбакка доруобай сылдьаргар! Эн нарын тапталыҥ, сыралаах үлэҥ, такайыыҥ түмүгэр олоххо бэйэбит суолбутун буллубут уонна дьон тэҥэ олорорго дьулуһабытЭн үөрүүгүн үллэстэргэ, эн олоххун дьоллуурга мэлдьи бэлэммит. Биһиги дьиэ кэргэн дьолугар доруобай буол, эн инники олоҕуҥ мэлдьи үөрүү-көтүү үктэллэниэхтин, дьолунан доҕуһуолланыахтын!


2. Уруу үбүлүөйүнэн эҕэрдэлэр
Скрытый текст
1. ___ кыһыл көмүс сыбаайбаҕытынан үөрэн-көтөн туран эҕэрдэлиибит!
Идэлээх үлэһит буолан, кэргэннэнэн, дьиэ-уот тэринэн, оҕолонон-урууланан, билигин сиэннэргит минньигэс мичээрдэрин иҥэринэн, сылаас тапталларыгар уйдаран дьоһун олоҕу олороргутуттан, этэҥҥэ сылдьаргытыттан үөрэбит.
Баҕарабыт эһиэхэ уонна оҕолоргутугар, сиэннэргитигэр доруобуйаны, уһун дьоллоох олоҕу, этэҥҥэ буолун! Эһиги дьиэҕит өрүүтүн баай буоллун дьолунан, баай буоллун үөрүүнэн!

2. Таптыыр-ытыктыыр ийэлээх аҕабытын, күндү-мааны эбэлээх эһэбитин___ уонна ___, орто дойдугакиһи буолбут ытык аналгытын сиэрдээхтик толорон - аал уоту оттунан, иэримэ дьиэни иччилээн, саха дьоһун ыала аатыран олорбуккут номнуо __ сылын туолбутунан уруй-туску уйгулаахтылларын, айхал-талба быйаҥнаах алгыһын тиэрдэбит!
Эһиги төрөөбүт харыс сири халбарыйбакка дьиэ-уот тэринэн, дьоҥҥо-сэргэҕэ сирдэрбэт гына үлэлээн-хамсаан, нэһилиэк олоҕуттан туора турбакка бары үтүөнү да, мөкүөнү да тэҥҥэ үллэстэн бар дьоҥҥутугар наадалаах кэмигэр көмө-сүбэ буолан саха сиэринэн олорон кэлбиккититтэн киэн туттабыт, астынабыт, үтүө холобур оҥостобут.
Күнү дьоммут, сүүс-сүүскүтүттэн өйөнсөн, өйдөһөн, өйөһөн, ытыктаһан өссө да өр кэмҥэ дьоһун-мааны ыал аатын сүгэн дьоллоохтук, ньир-бааччы олоруҥ, чөл туруктаах, эдэрдии эрчимнээх, сырдык мичээрдээх буолуҥ.

3. Күндү тапталлаах төрөппүттэрбитин ыал буолан олорбуккут __ сылынан итиитик-истиҥник эҕэрдэлиибит! Эһиги олоххо тардыһыыгыт, чиэһинэй, ситиһиилээх үлэҕит, дьоҥҥо-сэргэҕэ үтүө сыһыаҥҥыт, кэрэҕэ-сырдыкка дьулуһуугут, кэскиллээҕи кэрэхсииргит, үлэҕэ-үөрэххэ дьулуургут, дьоҕургут, өйгүт-санааҕыт ырааһа биһиэхэ холобур буолар, инникигэ эрэли саҕар, күүс-уох эбэр. Күндү дьоммутугар истиҥ, дириҥ сүгүрүйүүбүтүн, махталбытын тиэрдэбит.

4. Күндү дьоммутун иккиэн сүрэххитин, дьылҕаҕытын холбоон аал уоту оттунан, Алаһа дьиэни тэринэн олорбуккут __ сыла туолбутутнан, оҕолоргутун төрөтөн, сиэннэргитин дэлэтэн, инники кэскилгитин удьуордаанкэргэннии буолбуккут ___ үбүлүөйгүтүнэн ис сүрэхпититтэн итиитик-истиҥник эҕэрдэлиибит! Эһиэхэ нус-хас сынньалаҥ, учугэй олоҕу, кытаанах доруобуйаны, этэҥҥэ буолууну, уһун үйэни уонна оҕолоргут, сиэннэргит, халыҥ аймахтаргыт ортотугар бу маннык сүүрэн-көтөн уөрэ, көмөлөһө, сүбэлии сылдьаргытыгар баҕарабыт.


3. Уруунан эҕэрдэлэр
Скрытый текст
1. Алаһа дьиэни тэринэр аал уоту оттор,төрөтөр оҕону төлкөлүүр, иитэр сүөһүнү күрүөлүүр, алтан сэргэни анньар, аар баҕаҕы айгыһыннарар, киһи-сүөһү-төрдө буолар, кэхтибэт кэскиллэнэр, кэтит кэһии тэллэхтэнэр, оҕону-урууну уһатан охтубат оҥорууланар, уйгу-быйаҥ олохтонор, уолбат ойбон, чөҥөрө чүөмпэ буолар, ааспыты аһатар, тоҥмуту ириэрэр, иринньэҕи иитэр, отоҕу улаатыннарар, өлөөрү гыммыты өрүһүйэр, быстаары гыммыты быыһыыр - үс дойдуга үтүө дьонунан аатырыҥ, үйэлэргит тухары үргүөрүргүйбэккэ, үлэлээн-хамнааҥ, умса түстэхтэринэ сүүстэриттэн өйөһүҥ, иттэнэри түстэхтэринэ кэтэхтэриттэн тардыһыҥ, солуннаргыт сойботун,тапталгыт татыарыйбатын, кырыылаах харахтарынан кытаанахтык көрсүмэҥ, хатыылаах тылларынан хабырдык саҥарсымаҥ! Өйгүтүн санааларгытын холбоон,күүскүтүн-күдэхитин түмэн сүҥкэн олоҕу сүрүннээҥ.Уу тэстибэтин! Уруйу кытта Алгыс курдук ааттаах үчүгэйдик,бу күнтэн саҕалаан самныбат саргыланыҥ! Дом! Дом! Дом!

2. Күндү ___ уонна ___ , бу үөрүүлээх күҥҥүтүнэн, сүрэххитин холбообут куҥҥутунэн ис сүрэхпиттэн иэйэн туран эҕэрдэлиибин! Баҕарабын саха алмааһыныы кытаанах доруобуйаны, үрдүктэн үрдүк ситиһиилэри, ыраас уостубат тапталы уонна элбэх оҕону!

3. Сүүс сааскытыгар диэри
Сарын санныгытыттан өйөнсөн,
Сүһүөхтээх эрэ сүгүрүйэр
Сүдү ыала буолаарын!


4. Эҕэрдэлэр
Скрытый текст
1. Кунду биир дойдулаахтарбытын, кэлэн иһэр ... итиитик-истиҥник эҕэрдэлиибит! Баҕарабыт эһиги дьиэ-кэргэҥҥит кэҥииригэр, элбэх ситиhиилээх улэни, элбэх дьоллоох тугэннэри, санааларгыт туолалларыгар!
Санаабыккыт сатабыллаах буоллун,
Туппуккут үйэлээх буоллун,
Уурбуккут уйгулаах буоллун…

2. Хонон турдах ахсын
Хомолто хойдубатын,
Кэлэр кэмҥэ
Кэлэйии кууспатын,
Үүммүт күҥҥэ
Үөрүүбүт үксээтин,
Саҕаламмыт сарсыардаҕа
Санааларбыт сайҕаннын!
Ситиһиинэн ситиилэниэх,
Табыллыынан тутулуктаныах,
Күнтэн күүс ылыах
Кыаҕырыах,туруктаныах!

3. Кэлэн иһэр Саҥа дьыл
Өйдөһүүнү аҕаллын,
Айылҕалыын, аймахтардыын,
Доҕордордуун, өстөөхтөрдүүн,
Үлэҕинээн – хамнаскынаан,
Чугас – истин дьоҥҥунаан,
Оҕолоргунаан, бэйэҕинээн!
Ким иллээхтик олорор
Килбиэн кэрэ туруктаах,
Дьону өйдүүр дьоҕурдаах
Дьоллонуоҕа Саҥа Дьыл!

4. Саҥа дьылынан истиҥ санааттан
Иэйиилээх эҕэрдэ!
Санаа-оноо тумуннун,
Саҥа дьылга эһиэхэ!
Үлэҕит ситиһиилээх буоллун,
Сынньалаҥҥыт көрдөөх буоллун,
Үөрүү кыыма умайдын,
Сылаалаах үлэҕит тубустун!
Таптал кэрэчээн сибэккилии
Тымныыны туораан күөдьүйдүн,
Оҕо-аймах көрдөөх саҥата
Олорор дьиэҕитин толордун!

5. Кэлэн иһэр Сана Дьыл
Дьолу – соргуну аҕаллын,
Дьаҥы, дьайы суох гыннын,
Үөрүү – көтүү элбээтин,
Күчүмэҕэйдэри, кыһалҕаны
Ырааҕынан тумнардын,
Ырыа - хоһоон аргыстаах,
Ытаабатах - эн буолаар!

6. Кырыа кыһыннаах Саҥа Дьыл
Кыһалҕаҕытын кыччаттын,
Көмүстүүрэ кыырпахтарын
Күлүмнэтэ көөчүктээн
Кэтэһиилээх ыраларгытын
Күүттэрбэккэ толордун!

7. Саҥа Дьылынан баҕарабын
Саҥа кэрэ иэйиилэри
Саппаҕырбат санаалары
Сардаҥалаах сарсыҥҥыны
Сайыҥҥылыы самаан күнү
Сааскылыы ыраас ыралары.
Томороон тымныыга кэхтибэт
Толору чорооннуу тапталы!

8. Үтүөҕэ, сырдыкка, үрдүккэ уһуйар үэрэтэр иитэр идэлээх ытыктанар дьону учууталлары учуутал күнүнэн! Истиҥник эҕэрдэлиибин, ситиһиилэри, доруобуйаны, бары үчүгэйи эрэ баҕарабын!


9. Хайаан да аах! Алгыста ылын,
Биир сыл ааста 365 күн күлүмнээн, күлүмүрдээн, олус да элбэх үөрүүлээх түгэннэр Кэлэн аастыларsmiling face with open mouth and smiling eyesclapping hands sign
Үүнэр үрдүк сылга, үөрүү үктэллээх үктэнэн эрэбитchristmas treethumbs up sign
Бу сыллар тухары эн- мин дэһиспит,
Үтүө дьоннорбор, доҕотторбор, үөлээннээхтэрбэр, аймахтарбар, оҕолорбор Эҕэрдэ бастыҥын анаатаҕым буоллун! Үүнэр сылга, санааҕыт Хоту олоххут табыллан иьиэхтин!
Үп - Харчы үгүөрүтүк кэлиэхтин! Доруобуйаҕыт тубустар, тупсан иһиэхтин!
Чугас дьоҥҥут үөрүүтүнэн дьолгутун өссө толорон биэриҥ! Оҕолоргут, сиэттэргит ситиһиилэринэн, силиккит ситэн иһиэхтин! Олохсуйбут, олохсуйан эрэр ыарыыларгытын чыычаах ыллаабат, күн көрбөт сиригэр үтүрүйдэхпит буоллун!!!
Күн түүн тупсуу, киэркэйии үксүү турдун!!!
Ааһан эрэр сылга хомоппуттаах буоллахпына, бырастыы гынаар дуу!
Көхсүн кэҥиэхтин!
Хараҕын сырдыахтын!
Хом санаа хоммотун! Эн биһиги өрүү, үөрүү өрөгөйүн тута сылдьыах!!!
Хас биирдии дьиэҕэ чөл олох, олохсуйуохтун!
Хас биирдии дьиэҕэ дьоллоох оҕо Саас олоруохтун!
Үүнэр сылга алгыспын анаатаҕым буоллун ! Барытын толору аахпыт буоллаххына?! Барыта туоллаҕа буоллун!
Салгыы ыытан ис! Атын Билэр дьоммут эмиэ алҕанан аастыннар!


5. Судаарыстыбаннай наҕараада иҥэриитинэн эҕэрдэлэр
Скрытый текст
1. Күндү таптыыр ийэбитин, эбээбитин __ __судаарыстыбаннай наҕарааданы ылбыккынан итиитик истиҥник эҕэрдэлиибит!
Эйиэхэ хас-нус, кэрэ олоҕу, чэгиэн-чэбдик доруобуйаны, уһун үйэни уонна оҕолоруҥ, сиэннэриҥ, аймахатарыҥ ортотугар сүүрэ-көтө, көмөлөһө-сүбэлии сылдьаргар баҕарабыт.

2. Үтүө сүбэһиппитин, учууталбытын __ __ үтүөлээх үлэһитэ буолбуккунан итиитик эҕэрдэлиибит! Улууһун, өрөспүүбүлүкэн туһугар үлэҥ-хамнаһыҥ мэлдьи таһаарыылаах, дьиэ кэргэниҥ, сиэннэриҥ бары этэҥҥэ буоллуннар. Чэгиэнник сылдьан санаабытыҥ туолан, алгыспыт ыпсан иһэригэр баҕарабыт.

[Сообщение редактировалось]

Ответов 5 Написать ответ
Ответ на тему: Истиҥ илдьит: сахалыы эҕэрдэлэр
Введите код с картинки*: 
Авторизуйтесь чтобы не вводить код каждый раз.
* Код состоит только из русских букв (кириллицы), если совсем непонятно, кликните на картинку — выйдет новый код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания