7 лет на форуме Автор 4 уровня Топ пользователь Все
Награды
7 лет на форуме
7 лет на форуме
Автор 4 уровня
Автор 4 уровня
Топ пользователь
Топ пользователь
1000 просмотров
1000 просмотров
Тылбыт тыынын туһунан тохтообот тойук.
  2232
Дорҕоон сааһыланаатынан барыаҕа, онно хоруйдааччылар чопчу бичик аннынан бэйэҕит көрүүгүтүн суруйуоххутун сөп.
Тойугу
Тохтоппокко
Тобулан
Таһаара
Туруҥ!
Саҕаланыыта А. Бүтүүтэ Э буолуо. Ханнык дорҕоонтон киирэр хоһоон өйгүтүгэр көтөн түһэр да, ол дорҕоонтон суруллубут хоһоон анныгар хоһуйуугутун хаалаан иһиҥ! Чэ кытаатыҥ! Аттар түстүлэр.

[Сообщение редактировалось]

Ответов 83 Написать ответ
  • Чаачар
    26 декабря 2012  

    А

    Айар аартык алыбар
    Айаннаатым оргууйдук
    Айаан күөлүн үрдүнэн
    Айбыт айыым атаарар.

    Айдарыылаах куйаартан
    Айдаан курдук иһиллэр
    Айаас аттыы сыыйыллан
    Айыы тыла субуллар.

    Алҕас тахсыа дии санаан
    Алҕаһаабат баҕаттан
    Алгыс тылын тобулан
    Аргыый туттуом чопчулаан.

    Айбыт айыым арчылыа
    Айыы тылын аҕалтыа
    Аргыстаһан арыаллыа
    Айар аартык арыллыа.

    1
    • blMblbl
      3 января 2013  

      .

      - - blMblbl 30.12.2012 (22:32) (82.145.208.115)    

      Ааспыт,ырааппыт сыллартан,
      Аҕыйаппакка,айгыраппакка,
      Аартык аайы ыйаабакка,
      Аара ыһан кээспэккэ,
      Аҕалбыт эбит өбүгэм,
      Аҕа,ааспыт көлүөнэм-
      Арыы сүөгэй аллыбыт,
      Айыы ,таҥара бэлэҕин,
      Араас мандар дэгэттэнэн,
      Айыллыбыт тылбытын.

      0
      • Соһуйбат
        3 января 2013  

        .

        Айар талааннаах тыл
        Айдарыылаах айыл5аттан
        Атан хаалбат сыаллаах
        Алаас иьиттэн к8б8н
        Араас сиргэ тиийдэ
        Айбыт олоххо тиллэн
        Аа5ан истэн эрэллэр
        Ааны аьан бистэ
        Аны 8сс8 ку8дьуйу8
        Ааттаах тылга кубулуйуо

        0
  • Чаачар
    26 декабря 2012  

    Б

    Бастыҥ тылы буламмын
    Бастыҥалыы иилэммин
    Бастаккыттан саҕалаан
    Баспын күүскэ имитиэм.

    Балысханнаах байҕалы
    Балкыыр ытык долгунун
    Балык ыамныыр дойтутун
    Балай эрэ баһыаҕым.

    Баллыгырыыр дэппэккэ
    Балкыыр тылы эппэккэ
    Балыс-убай диэбэккэ
    Байым тылы этиэҕим.

    Билим тылын биһирээн
    Билиҥҥитэн үөрэтэн
    Билиибитин үрдэтэн
    Билгэбитин арыйыах.

    Бар дьоммуттан ыйытыам:
    Барсыыһы дуо бастатан,
    Бараммат баай тылбытын
    Барыыстаахтык хостуурум?

    0
    • blMblbl
      3 января 2013  

      .

      . - blMblbl 31.12.2012 (15:58) (82.145.210.172)    

      Баҕарар эбиппин олустук,
      Билбэппин барытын билиэхпин.
      Бараммат быйаҥнаах өҥ тылбыт,
      Баайыттан толору сомсуохпун.

      0
      • Соһуйбат
        3 января 2013  

        .

        Былыргыттан билбиттэр
        Бухатыырга холооннор
        Буур5а5а эриттэрэн
        Буллараллар быдан сиртэн
        Будулуппакка к8тутэн
        Баар оннорон биьэллэр
        Бу тылбыт иччитэ
        Бэйэтинэн эриллэн
        Баар эбит кууьун
        Билбэккэ сылдьабыт

        0
  • Чаачар
    26 декабря 2012  

    Д

    Дойдум ыраас салгынын
    Добуоччутук тыынаммын,
    Дорҕоон тыаһын таһааран
    Доргутаммын соһутуом.

    Доҕотторбун кытары
    Дохсун ытыс тыаһынан
    Домох сонун тылларын
    Доҕуһуоллаан көрсүөхпүт.

    Дуйдаах тылбыт туоһутун
    Дуорааныттан билэммит
    Дугуруҥнаан көрбөккө
    Дуоһуйууну ылыахпыт.

    Дабыдалбыт салҕанан
    Дайар сирбит ыраатыа
    Далбар хотун ийэбит
    Далааһыннаан салайыа.

    Дириҥ тылбыт суолтатын
    Дириҥэтэн көрдөххө
    Дьикти дьиибэ күүстэрин
    Дьиктиргээммит сөҕөбүт.

    Дьоһун тылбыт дорҕооно
    Дьону үөрдэ сылдьыахтын
    Дьоро киэһэни тупсаран
    Дьолу биэрэн тосхотуо.

    0
    • blMblbl
      3 января 2013  

      .

      . - blMblbl 02.01.2013 (11:13) (80.83.239.67)    

      Дабааннаргын өрө ыттан,
      Дабайаммын тахсыахпын.
      Далай,дириҥ ууларгар,
      Далбаарыйа устуохпун,
      Дорҕоон буолан эбиллэн,
      Дьиэрэһийэ түһүөхпүн-
      Дьэдьэн курдук минньийбит,
      Дьирим кэрэ тыллары,
      Дьикти айбыт айылҕам,
      Дьэ эрэ, миэхэ биэрэ түһүүй,
      Дэлгэм,уйгу быйаҥтан,
      Дэлэмсийэн бэрсээриий.

      0
      • Соһуйбат
        3 января 2013  

        .

        Дулун тыаьар уйдаран
        Дор5оон буолан к8тт8
        Дьиннээх тыллар эриллэн
        Дьону эмтиир эбиттэр
        До5ор чугас буоланнар
        Дуоьуйа сынньатар эбиттэр

        0
  • Чаачар
    26 декабря 2012  

    И

    Илбистээх тыл иэйиитэ
    Илдьэн иһиэ инники
    Илдьиритэн тобулуу
    Илдьи тыытыа төбөнү.

    Илин эҥэр өттүттэн
    Илдьит кэлэн этиэҕэ
    Илим үтэр кэриэтэ
    Иилэн биэриэ тыллары.

    Илин кэлин түсүһэн
    Илии-илии ылсыһан
    Иилии көтө эргийэн
    Иллээх тылы этиэҕиҥ.

    ======================
        
    Иэйии киирдэҕинэ
    Иэдэс биэрбэккэ
    Иэмин-дьаамын булан
    Иэйдэххэ-туойдахха

    Иэн кэдэриҥнээбэт
    Иэс баайыллыбат,
    Иэримэ дьиэбит
    Иэрчэҕэ элэйбэт.

    0
    • blMblbl
      3 января 2013  

      .

      . - blMblbl 02.01.2013 (14:49) (80.83.238.119)    

      Ийэлии иһирэх тыллары,
      Иннин кэннин ырытан,
      Иҥэн-тоҥон буламмын
      Иилэн тутан ыламмын,
      Иилээн саҕалаан истэрбин.
      Ис испиттэн иэйэммин,
      Имэҥирдэн,илбиһирдэн,
      Итиинэн илгийэр,
      Ириэнэх хааннааммын,
      Истиэхтэн үчүгэй,
      Илгэлээх тыыннааммын,
      Ирэ хоро ааҕыллар,
      Истиҥ хоһоон гыннарбын.

      0
      • Соһуйбат
        3 января 2013  

        .

        Иитэ аьата сылдьа5ын
        Иннигинэн тэлэьитэн
        Ирдээн сирдээн а5аллын
        Инэн хаалбыт тылбытын
        Иннибитигэр уктабыт
        Итэ5эьин билбэбпит
        Иннин диэки дьулуьуохпут

        0
  • Чаачар
    26 декабря 2012  

    К


    Кыратык да буоллар
    Кыһалҕаны умнан
    Кыһыылаах тыллары
    Кырыы кырыытынан
    Кыбытан истэххэ
    Кыһыҥҥы тымныыга
    Кыһыл илииннэн
    Кырыа хаары хаһардааҕар,
    Кытыйаннан-хамыйаҕынан
    Кырбаһа олорордооҕор,
    Кыһыл тылынан кыырардааҕар
    Кырдьык даҕаны,
    Кыра да буоллар туһалааҕа дуу?
    Кылаан да кылбарыйбат ини...

    0
    • blMblbl
      3 января 2013  

      .

      . - blMblbl 02.01.2013 (16:44) (82.145.208.113)    

      Кини баар эбээт сүрэхпэр,
      Күннэтэ күүһүрэр кутаа уотум,
      Күрэммэт,уостубат тапталым,
      Күүһү эбэр,өрө күүрдэр,
      Күндү көмүс тылларым.
      Көрдөһөбүн,куотумаҥ
      Күлүккэ былдьанан сүтүмэҥ,
      Киэһээ барыарга барымаҥ,
      Киргэ буорга сыстымаҥ,
      Кыһын мууһураҥҥыт тоҥумаҥ.
      Куруук тупса турдаргыат,
      Күннүү тыгар буолларгыат,
      Киһи аайы,сүрэх аайы,
      Киирэн уйа булларгыат

      0
      • Соһуйбат
        3 января 2013  

        .

        Куурбут сири илитэн
        Кыыран ардах туьэриэ
        Кини кыахтаах буоларын
        Кинилэр эрэ билэллэр
        Кыахтара баарынан туьана
        Кэпсэтэр эбиттэр тылларбыт
        Кыьын да тымныыга
        Кэхтэн олорон хаалбакка

        0
  • Чаачар
    26 декабря 2012  

    М

    Муҥура суох тылбытын
    Муҥур уһукка тиэрдимэҥ
    Муҥу-сөру көрдөрүмэҥ
    Муҥ кыраайынан саҥардыҥ.

    Мух-мах буолбакка
    Муннугу кэйбэккэ
    Мурун быатын соспокко
    Муус сүрэхтэнимэҥ.

    Мэйиини имитэн
    Мээнэннэн көрбөккө
    Мааһын табан этии
    Манан аҕай буолбатах.

    0
    • blMblbl
      3 января 2013  

      .

      Модунтан,модун,
      Модьуттан модьу,
      Мындыртан мындыр,
      Минньигэстэн,минньигэс-
      Муҥурун уһугун булларбат,
      Мин төрөөбүт төрүт тылым!
      Мөлбөйө үксүү тур,
      Муҥутуу сайда тур.

      0
      • Соһуйбат
        3 января 2013  

        .

        М8кку8ргэ тэбиэьириэ
        Мааны тыллар сырсаллар
        Мэлдьэьэргэ атамаан
        Мин эппэтэ5им онноруо
        Муннарыа суо5а биьигини
        Мааны сиргэ олордуо

        0
  • Чаачар
    26 декабря 2012  

    Н

        
    Намылыйан
    Наскылдьыйан
    Нарын кыыстыы
    Нуоҕалдьыйан
    Нөрүөн
    Нөргүй
    Налыы тылбыт!

    0
    • blMblbl
      3 января 2013  

      .

      Наһаа даҕаны үөрэбин,
      Нарын таптал тылыттан,
      Нуһараҥ сааскы киэһээлии,
      Наҕыл ,намыын ырыаттан.

      Наһаа даҕаны күүтэбин
      Налыы көнө сыһыыга,
      Ньаассын отум быыһыгар,
      Намчы кэрэ сибэкки,
      Наскылдьыйа тылларын.

      0
      • Соһуйбат
        3 января 2013  

        .

        Наар баар буолуо
        Наадалаах тылбыт
        Нөҥүө көрүө иннибитин
        Намыраабат аны кини.

        0
  • Чаачар
    26 декабря 2012  

    О

    Ойор-тэбэр сүрэхпит
    Ойуоккалыан баҕаран
    Оһуор тылы этиэҕин
    Оҥойохтуур айах суох.

    Ол да буоллар хомойбот
    Оргууй тиэрдэр иэйиитин
    Охтоохтон охтубакка
    Омоллоон олоҕугар.

    0
    • blMblbl
      4 января 2013  

      .

      Ойуу- уран тылларым,
      Оһуу-тоһуу түсүһэн,
      Оһуор-дьарҕаа таһааран,
      Оҕуруолуу тиһэҥҥит,
      Оторой-моторой оҕо саас,
      Орой мэник кэмнэрин,
      Омун -төлөн эдэр саас,
      Омнуоламмат тапталын.
      Оргуйа ааспыт олоҕум,
      Омоох суолун булаҥҥыт,
      Остуоруйа оҥорон,
      Оҕо-ыччат дьоннорбор,
      Оргууй кэпсиир буолаарыҥ.

      0
      • Соһуйбат
        4 января 2013  

        .

        Омуннаабат олуур кэмнэ
        Ордургууру сутэрэр
        Оьуобай куустээх тэтимэ
        О5олордуун оьуохайдыыр
        Ох тылбыт сымнаатын
        Охтубакка кэккэлэстин
        Олохпутун оносторго
        О5онньордуун сиэттиьиэхпит

        0
  • Чаачар
    26 декабря 2012  

    Ө

    Өлбөт үөстээх тылбытынан
    Өлүөр дорҕоон таһаарыахха,
    Өлгөм өйдөөх эрэттэргэ
    Өлүү гынан түҥэтиэххэ.


    Өрөгөйдөөх саха тылын
    Өрө тутуох харыстааммыт
    Өргөс тиийбэт чыпчаалыгар
    Өрөөбөккө суолталааммыт.


    Өрүү үөрдүө үтүө тылбыт
    Өр сыллардаах сиэрбит-туоммут,
    Өрт уотунуу салгыбакка
    Өрө туруо салгыы сайдыа.

    0
    • blMblbl
      4 января 2013  

      .

      Өйдөөбөппүн,өйөөбөппүн,
      Өбүгэ үгэһин кэһэри.
      Өспөт, сүппэт тылбытын,
      Өлбөөдүтэ сатыыры.

      Өйдөөбөппүн,өйөөбөппүн,
      Өбүгэ өтөҕүн умнары.
      Өлөн алдьанан эрэри ,
      Өрүһүйбэт буолары.

      Өйдөөбөппүн,өйөөбөппүн,
      Өбүгэ өлбүгэ сирдэрин,
      Өһүк,салҕыыр удьуора,
      Өлүү-өлүү ыһарын.

      0
      • Соһуйбат
        4 января 2013  

        .

        Өй санаа сайдыыта
        Өбүгэлэртэн тирэнэр
        Өрүү сүтэрбэт тылбыт
        Өрүһүйэн кэллэҕэ
        Өҥнөөх буолан сайдара
        Өй баайын арыйыы.

        0
  • Чаачар
    26 декабря 2012  

    С

    Сах саҕаттан саҕаланан
    Саха тыла салҕаныаҕа
    Саахалланар кыахха киирбэт
    Сахараалга тирэҕирбэт.

    Саараабакка тобуламмыт
    Сааһын булан таһаарыахха,
    Сааһылааммыт сыымайдааммыт
    Саатар сатаан саҥарыахха...

    Сайаҕастык этэр тылбыт
    Санатыаҕа күөхтүүр оту
    Сайыҥҥылыы сылаас тыына
    Сайа сүүрүө санаа хоту.

    1
    • Чаачар
      1 января 2013  

      .

      Cаҥа сылга сааһылааммыт
      Саҥарыахха саха тылын
      Сылайбакка саамылааммын
      Сатарытыам этэр тылбын.

      0
      • blMblbl
        4 января 2013  

        .

        Сииктии сүтэн симэлийэн,
        Сиппэрэҥҥэ көтүспэт,
        Сири кытта сир буолан,
        Сиксик буолан сытыспат,
        Сирэлийэн хата ордук,
        Силистэнэн,ситэн- хотон,
        Сирэм күөххэ силис тардан,
        Силигилээн өрө үүнэр.
        Симиин кымыс утахтыы,
        Симиир иһити толоруохтуу,
        Сириэдийэн, сайдан иһэр,
        Саха үүнэр саргыта-
        Самныбатах тыллара.

        0
        • Соһуйбат
          4 января 2013  

          .

          Саха санаата тахсара
          Сана тылтан эбиллэр
          Сарсыардаттан сэнээрэ
          Сэьэргиири с8булуур
          Солун сурахха алама5ай
          Соьуйарын ытыктыыр
          Саха саната имитэн
          Суолтатын талар

          0
  • Чаачар
    26 декабря 2012  

    Т

    Төрөөбүт сахалыы тылбытын
    Төрдүттэн ырытан көрөбүт
    Төрүккү өбүгэ саҕаттан
    Төрүтчү умнаһын түөрэбит.

    Таҥаммыт саҥарар тылбытын
    Таҥара маанылаан биэрдэҕэ
    Таҥнары саҥарбат туһуттан
    Таҥалай тэттигин туоратыах.

    Тулалыыр эйгэбит дуораанын
    Туллуктуу тобуллар тыастарын
    Туллубат тутуллаах тылынан
    Тулуйан тэһийэн туойуоҕуҥ.

    0
    • blMblbl
      4 января 2013  

      .

      Талбыккынан көтөр ыллыыр,
      Татыйыкчаан чыычааҕым,
      Туохтан маннык тыаһырҕаан,
      Тула көттүн эн миигин?
      Тэбиэс,үргүүк сэгэрбин,
      Тырыбыныыр дьүһүҥҥүн,
      Тойук гынан туойуохпун,
      Тылым тиийбэт эбитин.

      0
      • Соһуйбат
        4 января 2013  

        .

        Тобурах туьэрин курдук
        Тобулута кэйиэлиир
        Толкуйдуура тылбыт тургэнэ
        Тэннээ5ин булбат тэнэ
        Тэбиэьирэн киирэн барда5ына
        Таах санарбатах оноруо
        Туран хаалар тугэннэр
        Тууйуллэр эн буолуон
        Тимэххин су8рэ сатыан
        Тиритэн киирэн барыан
        Туох айалаах буоллум диэн

        0
    • blMblbl
      4 января 2013  

      .

      Талбыккынан көтөр ыллыыр,
      Татыйыкчаан чыычааҕым,
      Туохтан маннык тыаһырҕаан,
      Тула көттүн эн миигин?
      Тэбиэс,үргүүк сэгэрбин,
      Тырыбыныыр дьүһүҥҥүн,
      Тойук гынан туойуохпун,
      Тылым тиийбэт эбитин.

      0
  • Чаачар
    26 декабря 2012  

    У...Уо

    Уйулҕам хамсаата тыллартан
    Уйугас сүрэҕим тэбиэҕэ,
    Уйабын саҥаттаан оҥостон
    Уйаным -хатаным биллиэҕэ.

    Уус-уран ураты тылбытын
    Уу ылбат, уот сиэбэт буоллаҕа,
    Уола-хаан уот сытыы этиитин
    Уолуктан таһааран эрдэҕэ.

    Уоспутун утары тутаммыт
    Уостубат тыллары таһаарыах,
    Уоскуйар быһыыннан туттаммыт
    Уон араас этиини быктарыах.

    0
    • blMblbl
      4 января 2013  

      .


      Уоскуй эн, уоһахта салаа.
      Уордайбакка,сахалыы саҥар.
      Уолуккунан тыыммакка,
      Уоту күөртээн биэрбэккэ,
      Ууну таһытан барбакка,
      Уһун тылы дьаарыстаа.

      Уоскуй эн,уҥуохта кир,
      Устугас,усках кэпсээнтэн,
      Уйуһуйан барбатах,
      Улар мэйии буоллаҕын.
      Улуутуйан олорон,
      Уран тылы уурталаа

      0
      • Соһуйбат
        4 января 2013  

        .

        Ураты тыл баарын
        Улуу дьоммут эппиттэр
        Уларыйбат кэскили
        Уьатаннар к8рбуттэр
        Уна,ханас эрдиммэккэ
        Ууран хаамтаран иьиэ5ин
        Уулларбакка туруулаьыа5ын

        0
  • Чаачар
    26 декабря 2012  

    Ү..Үө

    Үтүмэн үгүөрү тыллары
    Үтүмэҥ,тардымаҥ таҥнары!
    Үтүөнү үксэтэр тыыммытын
    Үтүлүк иһигэр хаайымаҥ!

    Үрүйэ уутунуу сыыйыллан
    Үрүҥ тыл үүт буолан устуоҕа,
    Үрүҥүн-харатын арааран
    Үөрүүнү-көтүүнү түстүөҕэ.

    Үөс диэкки иһирдьэ киирдэххэ
    Үөһэттэн кэлиэҕэ бэлэхпит,
    Үөс батаас тылларын эттэххэ
    Үөһүрүө буоллаҕай сүрэхпит.

    0
    • blMblbl
      4 января 2013  

      .

      Урдук күммүт,күлүмүн анныгар,
      Үөрүүлээх-көтүүлээх күннэргэ
      Үрүҥ санаа үрүлүйэрин туһугар,
      Үтүө өрүү үксүүрүн туһугар,
      Үтүмэн,үгүс дьолу түстээн,
      Үчүгэй тыллары үмүөрүтэн этиэххэ.

      0
      • Соһуйбат
        4 января 2013  

        .

        Үрүмэччи көтөрүнүү
        Үөрэ көтө ыллыаҕыҥ
        Үҥкүүлээн да көрүөҕүҥ
        Үрдэ суох дэлэйдик
        Үүннэрэн барыаҕыҥ.

        0
  • Чаачар
    26 декабря 2012  

    Х

    Харыстыах хаарыаннаах тылбытын
    Харахпыт харатын кэриэтэ
    Хараардар,хаарчахтыыр моһолтон
    Хараарчы булкуйар күүстэртэн.

    Хабааннаах ураты долгунун
    Хабахха тыыннарбат туһуттан
    Хабархай салгынын ыраастаан
    Хабарҕа ырыатын ыллыахха.

    Халлааммыт кый ыраах түгэҕин
    Халтайга хаһыытаан эстимэҥ!
    Халба кус мэлдьэҕин үтүктэн
    Хаалары буолбаты үөтүмэҥ!

    0
    • blMblbl
      5 января 2013  

      .

      Хайдах даҕаны кэмнэргэ,
      Хаарыан тылбытын умнумуох.
      Ханнык даҕаны түгэҥҥэ,
      Хаалларан,ууран барымыах.
      Ханна даҕаны буолларбыт,
      Ханарытар буолумуох.
      Хаһан даҕаны кистээбэккэ,
      Хата өрө тутан көрдөрүөх.
      Хайа да бэйэлээх дойдуга,
      Хайаан да илдьэ сылдьыах.

      0
      • Соһуйбат
        5 января 2013  

        .

        Хаалаан иьиэххэ тылбытын
        Хостоон аа5ан булуохха
        Хоьуйбуттар холкутук
        Хоннурбуттар,иэйэннэр
        Хобу сиби халтарытан
        Хоьуун тылга кубулуйбут
        Хаалбат эппит тыллара
        Хатанан иьэр эбиттэр.

        0
  • Чаачар
    26 декабря 2012  

    Ч

    Чопчулуур
    Чуолкайдыыр буоллахха
    Чочу таас
    Чочуйуо тылбытын,
    Чахчытын
    Чаабыйдыыр буоллахха
    Чыычаахпыт
    Чаабырҕаан этиэҕэ.

    0
    • blMblbl
      5 января 2013  

      .

      Чиргэл мас кэриэтэ,
      Чэчирии сайдаҕын,
      Чолбон сулус буолаҥҥын,
      Чаҕылыйа сырдыыгын,
      Чэлгиэн, ыраас салгынныы,
      Чэбдигирдэ охсоҕун-
      Чөҥөрө чүөмпэ,уолбат ойбон,
      Чуҥкуйбат,чугуйбат,
      Чулуу тыл-төрүт тылым.

      0
      • Cоһуйбат
        5 января 2013  

        .

        Чороон толору кымыстаах
        Чараас тылга кубулутан
        Чынкыныыр ыгыллан иьиллэн
        Чэ туойан эттилэр.

        0
    • blMblbl
      5 января 2013  

      .

      Чиргэл мас кэриэтэ,
      Чэчирии сайдаҕын,
      Чолбон сулус буолаҥҥын,
      Чаҕылыйа сырдыыгын,
      Чэлгиэн, ыраас салгынныы,
      Чэбдигирдэ охсоҕун-
      Чөҥөрө чүөмпэ,уолбат ойбон,
      Чуҥкуйбат,чугуйбат,
      Чулуу тыл-төрүт тылым.

      0
  • Чаачар
    26 декабря 2012  

    Э

    Этэр тылым эстибэт
    Этиҥ түһэн соһуппат
    Этим-хаанным салгыбат
    Этэрбэһим элэйбэт.

    Эмискэччи үөһэттэн
    Эмис кустуу күөрэйэн,
    Эмиэ киирэн кэлэллэр
    Эмиий үүтүн тыллара.

    Элэ-была тылбытын
    Элэппэккэ саҥаран
    Элэктээбэт быһыыннан
    Элэккэйдик кэпсэтиэх.

    0
    • blMblbl
      3 января 2013  

      )))))))

      Эһиэхэ эрэ анаммыт курдук,
      Эриэ-дэхси сааһыламмат,
      Эриэхимэй сорудах буолан,
      Элэттэ сылатта быһыылыых.
      Эрийэ-буруйа сатаатым,
      Элэ была тылбын да эттим.
      Эркин курдук эрэллээх,
      Эр дьоннор барахсаттаар!
      Эдьиийгитин дуу,балтыгытын дуу,
      Эргииргэ быраҕан,
      Элэс-гынан хааллыгыт:)
      Эрэйим тиллиэҕин,
      Эргиллиэм баҕар сотору.
      Эбэтэр олох даҕаны,
      Эһиил биирдэ кэлиэҕим.

      0
      • Чаачар
        4 января 2013  

        .

        Элбэх тыл дьүөрэлиэ
        Эстибэт кыахха киириэ
        Эн мин таптыыр тылбыт
        Элбэх туойар тойукпут
        Эбиллэ туруо иннибитигэр.

        0
        • Соһуйбат
          4 января 2013  

          .

          Элбэх тыл дьүөрэлиэ
          Эстибэт кыахха киириэ
          Эн мин таптыыр тылбыт
          Элбэх туойар тойукпут
          Эбиллэ туруо иннибитигэр.

          0
    • blMblbl
      5 января 2013  

      .

      Эҕэрдэ!Эйиигин дьэ ситтим,
      Эгэлгэ тылларбын барааммын,
      Эттэһэн,эллэһэн,элэйэн,
      Этэр тылым бараныыта,
      Эстэ быста сыһыыта....)))))

      0
  • Чаачар
    26 декабря 2012  

    Манна

    Нуучча дорҕоонноро киирбэтилэр онтон ураты Ҥ Ҕ Й дорҕооннортон саҕаланар тыл суох буолан киирбэтилэр. Л дорҕоонтон тахсар тыл сэдэх соҕус буолан киллэрбэтим.

    0
    • соьуйбат
      30 декабря 2012  

      мин хоьоонно санаммытым 2 ый буолла,эн хоьооннун тубэстэхпинэ аа5абын)

      Айар талааннаах тыл
      Айдарыылаах айыл5аттан
      Атан хаалбат сыаллаах
      Алаас иьиттэн к8б8н
      Араас сиргэ тиийдэ
      Айбыт олоххо тиллэн
      Аа5ан истэн эрэллэр
      Ааны аьан бистэ
      Аны 8сс8 ку8дьуйу8
      Ааттаах тылга кубулуйуо

      Былыргыттан билбиттэр
      Бухатыырга холооннор
      Буур5а5а эриттэрэн
      Буллараллар быдан сиртэн
      Будулуппакка к8тутэн
      Баар оннорон биьэллэр
      Бу тылбыт иччитэ
      Бэйэтинэн эриллэн
      Баар эбит кууьун
      Билбэккэ сылдьабыт

      0
      • соьуйбат
        30 декабря 2012  

        ***********

        Дулун тыаьар уйдаран
        Дор5оон буолан к8тт8
        Дьиннээх тыллар эриллэн
        Дьону эмтиир эбиттэр
        До5ор чугас буоланнар
        Дуоьуйа сынньатар эбиттэр

        0
        • соьуйбат
          30 декабря 2012  

          ***********

          Иитэ аьата сылдьа5ын
          Иннигинэн тэлэьитэн
          Ирдээн сирдээн а5аллын
          Инэн хаалбыт тылбытын
          Иннибитигэр уктабыт
          Итэ5эьин билбэбпит
          Иннин диэки дьулуьуохпут

          Куурбут сири илитэн
          Кыыран ардах туьэриэ
          Кини кыахтаах буоларын
          Кинилэр эрэ билэллэр
          Кыахтара баарынан туьана
          Кэпсэтэр эбиттэр тылларбыт
          Кыьын да тымныыга
          Кэхтэн олорон хаалбакка

          0
          • соьуйбат
            30 декабря 2012  

            ***********

            М8кку8ргэ тэбиэьириэ
            Мааны тыллар сырсаллар
            Мэлдьэьэргэ атамаан
            Мин эппэтэ5им онноруо
            Муннарыа суо5а биьигини
            Мааны сиргэ олордуо

            Наар баар буолуо
            Наадалаах тылбыт
            Ну8гу8 к8ру8 иннибитин
            Намыраабат аны кини

            0
  • blMblbl
    30 декабря 2012  

    -

    Ааспыт,ырааппыт сыллартан,
    Аҕыйаппакка,айгыраппакка,
    Аартык аайы ыйаабакка,
    Аара ыһан кээспэккэ,
    Аҕалбыт эбит өбүгэм,
    Аҕа,ааспыт көлүөнэм-
    Арыы сүөгэй аллыбыт,
    Айыы ,таҥара бэлэҕин,
    Араас мандар дэгэттэнэн,
    Айыллыбыт тылбытын.

    0
    • соьуйбат
      31 декабря 2012  

      ***********

      Омуннаабат олуур кэмнэ
      Ордургууру сутэрэр
      Оьуобай куустээх тэтимэ
      О5олордуун оьуохайдыыр
      Ох тылбыт сымнаатын
      Охтубакка кэккэлэстин
      Олохпутун оносторго
      О5онньордуун сиэттиьиэхпит

      0
      • соьуйбат
        31 декабря 2012  

        ***********

        8й санаа сайдыыта
        8бугэлэртэн тирэнэр
        8руу сутэрбэт тылбыт
        8руьуйэн кэллэ5э
        8нн88х буолан сайдара
        8й баайын арыйыы

        0
        • соьуйбат
          31 декабря 2012  

          ***********

          Саха санаата тахсара
          Сана тылтан эбиллэр
          Сарсыардаттан сэнээрэ
          Сэьэргиири с8булуур
          Солун сурахха алама5ай
          Соьуйарын ытыктыыр
          Саха саната имитэн
          Суолтатын талар

          0
  • blMblbl
    31 декабря 2012  

    .

    Баҕарар эбиппин олустук,
    Билбэппин барытын билиэхпин.
    Бараммат быйаҥнаах өҥ тылбыт,
    Баайыттан толору сомсуохпун.

    0
    • соьуйбат
      31 декабря 2012  

      ***********

      Тобурах туьэрин курдук
      Тобулута кэйиэлиир
      Толкуйдуура тылбыт тургэнэ
      Тэннээ5ин булбат тэнэ
      Тэбиэьирэн киирэн барда5ына
      Таах санарбатах оноруо
      Туран хаалар тугэннэр
      Тууйуллэр эн буолуон
      Тимэххин су8рэ сатыан
      Тиритэн киирэн барыан
      Туох айалаах буоллум диэн

      0
      • соьуйбат
        31 декабря 2012  

        ***********

        Ураты тыл баарын
        Улуу дьоммут эппиттэр
        Уларыйбат кэскили
        Уьатаннар к8рбуттэр
        Уна,ханас эрдиммэккэ
        Ууран хаамтаран иьиэ5ин
        Уулларбакка туруулаьыа5ын

        Урумэччи к8т8рунуу
        У8рэ к8т8 ыллыа5ын
        Ункуулээн да к8ру85ун
        Урдэ суох дэлэйдик
        Ууннэрэн барыа5ын

        0
        • соьуйбат
          31 декабря 2012  

          ***********

          Хаалаан иьиэххэ тылбытын
          Хостоон аа5ан булуохха
          Хоьуйбуттар холкутук
          Хоннурбуттар,иэйэннэр
          Хобу сиби халтарытан
          Хоьуун тылга кубулуйбут
          Хаалбат эппит тыллара
          Хатанан иьэр эбиттэр

          Чороон толору кымыстаах
          Чараас тылга кубулутан
          Чынкыныыр ыгыллан иьиллэн
          Чэ туойан эттилэр
          Элбэх тыл дьу8рэлиэ
          Эстибэт кыахха киириэ
          Эн мин таптыыр тылбыт
          Элбэх туойар тойукпут
          Эбиллэ туруо иннибитигэр

          0
  • Сахастрелец
    2 января 2013  

    Саҥа Дьылынан.


    Күнүүлээбэт сүдү күүһү
    Күнүм - ыйым бэлэхтээриий
    Күүскэ күүтэр буолуохпун
    Күнүм - ыйым эн диэхпин?

    Күндү кэрэчээн киһибин
    Күтүрээтим буолла дии
    Күрэммит, ааспыт күннэргэ
    Күлүгүрэ умнуллубут кэмҥэ.

    Күнүстэри күлүк сылдьан
    Күттүөннээҕи онорбоккун
    Күрдьэх угун кыстыбаккын
    Күрүө да оту охсубаккын

    Күнү быһа күүтэрбиттэн
    Күүһүм – уоҕум уостубат
    Күүрбүт ыра санааларым
    Күрүлгэннии күрүлүүллэр

    Күнүм - ыйым, королевам
    Күнүүлээбэт сүдү күүһү
    Күүттэрбэккэ бэлэхтээтэ,
    Күлэ - үөрэ кэпсэтиһэн

    Күүскэ күүтүөм чыычааҕым
    Көрсөр күммүтүн, түүммүтүн
    Көлөөх киһи диэмэ дуу ?
    Көмүс буолуом баҕардар ...

    0
  • Сахастрелец
    2 января 2013  

    ************************


    Муҥурун булларбат дьол тугун
    Муҥутаан билэрим эн таскар
    Муҥутаан таптаһар кэмнэрбит
    Муҥутуур бутэһик кэмигэр ...

    Муммут кус оҕото курдукпут
    Мунаарар - тэнээрэр элбэҕиин ...
    Мускуйар, эрэйдиир олохпут ....
    Мунчаара долгуйар сүрэхпит

    Муҥхаҕа иннибит балыктыы
    Муҥурга, далайга умсабыт
    Муҥ - эрэй суолларын тэлэбит
    Мунабыт, төннөбүт төптөрү ...

    Муҥ кыраай сылдьарбыт охсуулаах
    Муннанар, сордонор сүрэхпит ...
    Муучуклюк буолабыт сороҕор
    Муҥнаһа сылдьабыт бэйэбитин.

    Муударай буолуохха олоххо
    Музыка кэрэтин айыахха
    Муус сүрэх буолбакка туруохха
    Муораны туос сатыы туоруохха!

    0
  • Сахастрелец
    2 января 2013  

    ***********************


    Түбүктэрим түүрэйдээннэр
    Түлүрбэхтии сылдьаммын
    Түһүлгэҕэ киирбэккэбин
    Түүнүгүрэ сыстым дии.

    Түүнүм көстөр сулуһум
    Түүлбэр киирбэт буолбута
    Түннүгүнэн тыгар ыйым
    Түҥнэри хайыста быһыыта

    Түмүллүбүт санааларбын
    Түүрэ тутан сааһылаан
    Түүтэх курдук саамылаан
    Түмэ тутан кэбистэрбин

    Түннэри - иннэри төлкөлөммөт
    Түүрк омук сыдьааннара
    Түүлээх холбукабытын үлэлэтэн
    Түстэһиэҕин түөрэхпитин...

    Түрбүөн - тарбаан үйэбит
    Түрүлүөнүн төлкөлөөн
    Түмсүүлээхтик хамсанан
    Түһүнүөҕүн бары тэнҥэ.

    0
  • Сахастрелец
    2 января 2013  

    ************************


    Үөрүттэн быстыбыт кулунчук буоламмын
    Үөрүүттэн – көтүүттэн мин халты хаамабын
    Үөс арыы кумаҕар чуумпуну көрдүүбүн
    Үөмэбин кустарга, хаастарга сыыллабын

    Үөт талах быыһыгар саныыбын кинини
    Үөрүнньэн майгылаах кэрэчээн киһини
    Үөр хаастар халлааҥҥа айманан ааһаллар
    Үөт - түрэх саабынан аһынан ыппаппын ...

    Үөс батаас биэрбэккэ хоһооммун айабын
    Үөһээ кый халлааҥҥа дьырылыыр күөрэгэй
    Үөхсүмэн булчуттар, ыппатым, айабыын
    Үөрэбин күммүттэн, ытыахха кэрэгэй ...

    Үөрэтээр тапталым эйиигин өйдүүргэ
    Үөннүрэн сороҕор соһуччу ууруоҕум
    Үөхсүмээр оччоҕо: дьэ, эммиэ – эн диэмээр
    Үөрүү - дьол аргыстаах сылдьыахха ээр – сэмээр .

    0
  • Сахастрелец
    2 января 2013  

    Ыпсарар туох эрэ сочото суох түүлү түһээтим диэбитигэр анаммыта.

    Ыпсарарга ыытабын
    Ырыа-тойук алгыһы
    Ыраас, сырдык ыраны
    Ылбаҕайкаан халлааны!

    Ынырык түүл буолбатах
    Ыарыы-сүтүү манна суох
    Ытырыктата санаабакка,
    Ылбаҕайдык ыпсараар.

    Ыпсараар дуу олоххун
    Ырыаларгын, хоһооҥҥун
    Ытык - мааны сэргэлии
    Ытаһалаар чиҥнээхтик!

    0
  • blMblbl
    2 января 2013  

    .

    Дабааннаргын өрө ыттан,
    Дабайаммын тахсыахпын.
    Далай,дириҥ ууларгар,
    Далбаарыйа устуохпун,
    Дорҕоон буолан эбиллэн,
    Дьиэрэһийэ түһүөхпүн-
    Дьэдьэн курдук минньийбит,
    Дьирим кэрэ тыллары,
    Дьикти айбыт айылҕам,
    Дьэ эрэ, миэхэ биэрэ түһүүй,
    Дэлгэм,уйгу быйаҥтан,
    Дэлэмсийэн бэрсээриий.

    0
  • blMblbl
    2 января 2013  

    .

    Ийэлии иһирэх тыллары,
    Иннин кэннин ырытан,
    Иҥэн-тоҥон буламмын
    Иилэн тутан ыламмын,
    Иилээн саҕалаан истэрбин.
    Ис испиттэн иэйэммин,
    Имэҥирдэн,илбиһирдэн,
    Итиинэн илгийэр,
    Ириэнэх хааннааммын,
    Истиэхтэн үчүгэй,
    Илгэлээх тыыннааммын,
    Ирэ хоро ааҕыллар,
    Истиҥ хоһоон гыннарбын.

    0
  • blMblbl
    2 января 2013  

    .

    Кини баар эбээт сүрэхпэр,
    Күннэтэ күүһүрэр кутаа уотум,
    Күрэммэт,уостубат тапталым,
    Күүһү эбэр,өрө күүрдэр,
    Күндү көмүс тылларым.
    Көрдөһөбүн,куотумаҥ
    Күлүккэ былдьанан сүтүмэҥ,
    Киэһээ барыарга барымаҥ,
    Киргэ буорга сыстымаҥ,
    Кыһын мууһураҥҥыт тоҥумаҥ.
    Куруук тупса турдаргыат,
    Күннүү тыгар буолларгыат,
    Киһи аайы,сүрэх аайы,
    Киирэн уйа булларгыат.

    0
  • Сахастрелец
    2 января 2013  

    Ымыы, олус учугэйдик хо7уйбуккун, астык!


    Тапталлааҕым таабырыннаан
    Таайтарыылаах тылларбар
    Таһы - бааччы аккастаабат
    Таптал тылын: Мьм - диэтэ
    Таҥарачааным, чыычааҕым
    Табачааным, тугутчааным
    Таба көрөн, талбытчааным
    Таайда эбээт баҕабын
    Таалан туран ууруоҕум
    Талбыт курдук таптыаҕым
    Талба кэрэ таһааҕын
    Таабырынын таайыаҕым
    Таптыаҕым да таптыаҕым!

    0
  • Сахастрелец
    4 января 2013  

    Бигэ Өрүкүнэй бааһынайга.


    Бигэни билиэхпиттэн
    Билэ көрө сатыырым
    Биллэ - көстө элбээтэ
    Билбэтчэй буоларбыттан
    Билигин дьэ, кыбыстабын
    Биһигини билии диэкки
    Бичийэ - такайа сатыыра
    Биллэринэн бэрт буоллаҕа

    Бадараантан, оборчоттон
    Батыллан сордоно сылдьарбытын
    Баалаабакка хостуу сатыыр
    Баар суох соҕотох киһибитин
    Бардамнаабат буолун дуу...

    Баҕарабын биллэр киһиэхэ
    Бигэ биир тыллаах Бигэҕэ
    Баар буола туруон өрүүтүн
    Баҕарбыт баҕа санаалара
    Барҕаран туран туолуулара!

    Бааһынай көрүннээх сахабыт
    Баһылаабыт сахалыы саҥаны
    Байанайдаах буоллун дуу
    Баҕарар баҕарыын барыта
    Баһылай Манчаары сиэннэрэ
    Баламат тылланан бүтүөҕүн
    Баары баар ээ дэнэммит
    Баалаабакка да баайсыбакка
    Бастаах бэйэбит хоҥкуйан
    Барҕа - махталы этиэҕин!

    0
  • Сахастрелец
    20 марта 2014  

    Уо, дьэ, бэртээхэй хоһуйсуу манан тохтообут эбит дуу?

    0
    • Чаачар
      18 февраля  

      Весёлая страна поднять себя пыталась.
      И над собой смеясь, беспомощно рыдала,
      И к небесам молясь к Всевышнему взывала .
      Безмолвно видеть смерть, привычная картина ,
      Но сколько ж боль терпеть, мы люди-не машины .
      И мыслить, и мечтать, дано лишь это время.
      Но может и устать надорвонное племя.
      Убого силясь внять, в забытые мотивы,
      Пытаемся понять, и ищем позитивы.
      Плевать хотели мы на нищих и раздетых,
      Лишь протирать штаны привыкли в кабинетах.
      А где-то есть ещё мир, дружба, солидарность,
      Но здесь забыто всё, вокруг одна бездарность!
      15.06.2015 года Жека Бояркин. г. Верхоянск.

      0
  • Ымыы
    23 февраля  

    Сахам тыла барахсанgrinning faceЧаачар эҕэрдэ,туох сонун?

    0
  • Саха Урааҥхайа
    8 марта  

    Чаачар бу хантан ылаҥҥын бичийэҕин киһи тыла тгстуох

    0
  • Саха Урааҥхайа
    8 марта  

    Дорҕоон сааһыланаатынан диэн туохпутуй ол...киһи дэ бодотоҕун ээ

    0
Ответ на тему: Тылбыт тыынын туһунан тохтообот тойук.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания